അന്താരാഷ്ട്ര ബഹിരാകാശ നിലയത്തില്‍ തന്റെ ശരീരം ഇപ്പോഴും മൈക്രോ ഗ്രാവിറ്റിയുമായി പൊരുത്തപ്പെട്ടു വരികയാണെന്ന് അല്‍ നയാദി ശെയ്ഖ് മുഹമ്മദുമായുള്ള സംഭാഷണത്തിനിടെ പറഞ്ഞു. അന്താരാഷ്ട്ര ബഹിരാകാശ നിലയത്തില്‍ തന്റെ ആറ് മാസത്തെ ദൗത്യത്തിന്റെ അഞ്ചാം ദിവസത്തിലാണ് അല്‍ നയാദി വീഡിയോ കോളില്‍ ശെയ്ഖ് മുഹമ്മദുമായി സംസാരിച്ചത്. സുല്‍ത്താന്‍ അല്‍ നയാദിയും അദ്ദേഹത്തോടൊപ്പം ഡ്രാഗണ്‍ എന്‍ഡെവറില്‍ യാത്ര തിരിച്ച നാസ ബഹിരാകാശയാത്രികരായ സ്റ്റീഫന്‍ ബോവന്‍, വാറന്‍ ഹോബര്‍ഗ്, റോസ്‌കോസ്മോസ്, ആന്‍ഡ്രി ഫെഡ്യേവ് എന്നിവരും വെള്ളിയാഴ്ച യുഎഇ സമയം രാവിലെ 10.40നാണ് ബഹിരാകാശ കേന്ദ്രത്തില്‍ സുരക്ഷിതമായി ഡോക്ക് ചെയ്തത്.
2019 സെപ്തംബറില്‍ എട്ട് ദിവസത്തേക്ക് ബഹിരാകാശ യാത്ര നടത്തിയ ആദ്യ യുഎഇ പൗരന്‍ ഹസ്സ അല്‍മന്‍സൂരി ബഹിരാകാശത്തായിരിക്കെ അദ്ദേഹവുമായി നടത്തിയ സംഭാഷണത്തില്‍ കൂടുതല്‍ ബഹിരാകാശ സഞ്ചാരികളെ ബഹിരാകാശത്തേക്ക് അയക്കുമെന്നുള്ള തന്റെ വാഗ്ദാനം പാലിച്ചതിന് ശെയ്ഖ് മുഹമ്മദിനോട് വീഡിയോ കോളില്‍ അല്‍ നയാദി നന്ദി പറഞ്ഞു. ബഹിരാകാശ യാത്രയിലെ അഞ്ചാമനായി വിശേഷിപ്പിക്കപ്പെട്ട അല്‍ സുഹൈല്‍ ടോയ് ബഹിരാകാശത്തെ ജീവിതവുമായി വളരെ പെട്ടെന്ന് ഇണങ്ങിയതായി അല്‍ നയാദി തമാശയായി പറഞ്ഞു.
Also Read: മണിക്കൂറിന്റെ ഇടവേള മാത്രം; മലയാളി ദമ്പതികൾ ഷാർജയിൽ അന്തരിച്ചു
യുഎഇയുടെ ആദ്യ ബഹിരാകാശ യാത്രികനായ കേണല്‍ ഹസ്സ അല്‍മന്‍സൂരി കഴിഞ്ഞ ദിവസം അല്‍ നയാദിയുമായി സംസാരിച്ചിരുന്നു. ഭാരമില്ലായ്മ അനുഭവിച്ചറിയാന്‍ കഴിഞ്ഞതിലൂടെ തന്റെ സ്വപ്നം സാക്ഷാത്കരിക്കാനും ബഹിരാകാശത്തു കൂടി ഒഴുകി നടക്കാനും ശാസ്ത്ര ഗവേഷണങ്ങള്‍ നടത്താനും സാധിച്ചതില്‍ അല്‍ നയാദി ഏറെ സന്തുഷ്ടനാണെന്ന് അദ്ദേഹം പറഞ്ഞു. എത്രയും വേഗം ജോലികള്‍ ആരംഭിക്കാനുള്ള വ്യഗ്രതയിലാണ് അദ്ദേഹം. അദ്ദേഹം തന്റെ കുടുംബവുമായി സംസാരിച്ചതായും കേണല്‍ ഹസ്സ അല്‍ മന്‍സൂരി പറഞ്ഞു.
ലൈവ് വീഡിയോ കോളിന് ശേഷം ശെയ്ഖ് മുഹമ്മദ് ബിന്‍ റാഷിദ് ട്വിറ്ററില്‍ ഇങ്ങനെ കുറിച്ചു: ‘അന്താരാഷ്ട്ര ബഹിരാകാശ നിലയത്തില്‍ നിങ്ങള്‍ സുരക്ഷിതമായി എത്തിയതിന് ദൈവത്തിന് സ്തുതി… യുഎഇയിലെയും അറബ് മേഖലയിലെയും യുവാക്കള്‍ നിങ്ങളെ പിന്തുടരുന്നു, നിങ്ങളുടെ ദൗത്യത്തില്‍ വിജയം ആശംസിക്കുന്നു… അഭിനന്ദനങ്ങള്‍, അല്ലാഹു നിങ്ങളെ സംരക്ഷിക്കട്ടെ’.
തുടര്‍ന്ന് ശെയ്ഖ് മുഹമ്മദ് പറഞ്ഞു. അന്താരാഷ്ട്ര ബഹിരാകാശ നിലയത്തില്‍ ആറ് മാസം നീണ്ട ദൗത്യത്തിലെ ആദ്യത്തെ അറബ് ബഹിരാകാശയാത്രികനായ സുല്‍ത്താന്‍ അല്‍ നെയാദിയുമായി ഇന്ന് ഞാന്‍ നടത്തിയ സംഭാഷണത്തിനിടെ പറഞ്ഞ വാക്കുകളാണിത്.
Read Latest Gulf News and Malayalam News
കെഎസ്ആര്‍ടിസിയുടെ ചില്ല് തകര്‍ത്ത് പടയപ്പ | Padayappa
