Also Read : പുറത്തിറങ്ങുന്നത് 120 വന്ദേ ഭാരത് സ്ലീപ്പർ ട്രെയിനുകൾ, ഞെട്ടിച്ച് റഷ്യൻ കമ്പനി; ‘ഇന്ത്യൻ റെയിൽവേയുടെ മുഖം മാറും’
അതേസമയം, വരുന്ന രണ്ട് വർഷത്തിനുള്ളിൽ 200 പുതിയ ട്രെയിനുകൾ കൂടി നിരത്തിലിറക്കാനാണ് കേന്ദ്ര റെയിൽവേ മന്ത്രാലയം പദ്ധതിയിടുന്നത്. സ്ലീപ്പർ സൗകര്യങ്ങൾ അടക്കം പുതിയ ഒട്ടേറെ സൗകര്യങ്ങളുമായാണ് വന്ദേഭാരത് ട്രെയിനുകൾ പുറത്തിറങ്ങുക എന്നതും മറ്റൊരു പ്രത്യേകതയാണ്.
നിലവിൽ, ചെന്നൈ, ബെംഗളൂരു, മൈസൂരു, വിശാഖപട്ടണം, ഡൽഹി, മുംബൈ, അഹമ്മദാബാദ്, കാൺപൂർ, വാരണാസി, എന്നീ നഗരങ്ങളിൽ വന്ദേഭാരത് ട്രെയിനുകളുടെ സൗകര്യങ്ങൾ ലഭിച്ച് കഴിഞ്ഞു. വരുന്ന മാസങ്ങളിൽ തന്നെ കൂടുതൽ അതിവേഗ ട്രെയിനുകൾ ഓടിത്തുടങ്ങുമെന്നാണ് റിപ്പോർട്ടുകൾ.
വന്ദേഭാരതിന്റെ ആദ്യ സ്ലീപ്പർ ട്രെയിനുകൾ അടുത്ത വർഷം ഒന്നാം പാദത്തിൽ തന്നെ പുറത്തിറക്കുമെന്നാണ് കരുതുന്നത്. അതിന് പുറമെ, പുതിയ ട്രെയിനുകളുടെ നിർമാണത്തിനായി ടാറ്റാ സ്റ്റീലുമായി റെയിൽവേ മന്ത്രാലയം കരാറും ഒപ്പുവച്ചിട്ടുണ്ട്. ട്രെയിനുകൾക്ക് പുറമെ എൽഎച്ച്ബി പ്ലാറ്റ്ഫോമുകൾക്കുമായുള്ള കരാറിലും ഒപ്പുവച്ചിട്ടുണ്ട്.
പാനലുകൾ, ചനാലകൾ, പാളങ്ങൾ എന്നിവ നിർമിക്കുന്നതിനാണ് ടാറ്റാ സ്റ്റീലുമായി കരാർ ഉണ്ടാക്കിയിരിക്കുന്നത്. കമ്പനിയുടെ സഹകരണത്തിൽ ഈ വർഷം രാജ്യത്തെ വേഗതയുള്ള 22 ട്രെയിനുകളാകും നിർമിക്കുക.
Also Read : ഗ്രീൻഫീൽഡ് ഹൈവേ: സ്ഥലമെടുപ്പിന് വിജ്ഞാപനമിറങ്ങി; എന്തെല്ലാം ഹാജരാക്കണം? നഷ്ടപരിഹാരം എങ്ങനെ?
2024ൻ്റെ ആദ്യ പാദത്തിലാണ് ഇന്ത്യൻ റെയിൽവേ വന്ദേ ഭാരതിന്റെ സ്ലീപ്പർ ട്രെയിനുകൾ നിർമിക്കുക. ഫസ്റ്റ് ക്ലാസ് എസി മുതൽ ത്രീ ടയർ എസി വരെയുള്ള കോച്ചുകളുടെ സീറ്റുകൾ നിർമിക്കുന്നതും ടാറ്റാ സ്റ്റീൽ തന്നെയായിരിക്കും. ഈ പദ്ധതി പ്രകാരം വന്ദേ ഭാരത് കോച്ചുകളുടെ ഭാഗങ്ങൾ നിർമ്മിക്കുന്നതിനായി റെയിൽവേ ഏകദേശം 145 കോടി രൂപയുടെ ടെൻഡർ ടാറ്റ സ്റ്റീലിന് നൽകിയിട്ടുണ്ട്.
12 മാസത്തിനുള്ളിൽ ഇതിന്റെ ജോലികൾ പൂർത്തിയാകുമെന്നാണ് റെയിൽവേ അധികൃതർ പ്രതീക്ഷിക്കുന്നത്. അതിന് പുറമെ, 22 ട്രെയിനുകളുടെ സീറ്റുകളുടെ നിർമാണത്തിനുള്ള കരാറും കമ്പനിക്ക് തന്നെയാണ് നൽകിയിരിക്കുന്നത്.
പ്രത്യേകമായി നിർമിച്ച സീറ്റുകളാണ് വന്ദേ ഭാരത് എക്സ്പ്രസിനുപയോഗിച്ചത്. പുറത്തെ കാഴ്ചകൾ കാണുന്നതിന് 180 ഡിഗ്രി കറങ്ങാവുന്ന തരത്തിലാണ് ട്രെയിനിൻ്റെ സീറ്റുകൾ ഒരുക്കുന്നത്. അതിന് പുറമെ മറ്റ് സൗകര്യങ്ങളും ട്രെയിനിൽ ഒരുക്കേണ്ടതുണ്ട്.
ഭാവിയിൽ വന്ദേ ഭാരത് ട്രെയിനുകൾ അലുമിനിയത്തിൽ നിർമിക്കുമെന്ന് ചെന്നൈ ഇന്റഗ്രൽ കോച്ച് ഫാക്ടറി ജനറൽ മാനേജർ ബി ജി മല്ലയ്യ ഫിനാൻഷ്യൽ എക്സ്പ്രസിനോട് പറഞ്ഞു. ഇതോടെ ഭാരം കുറഞ്ഞ കോച്ചുകൾ പുറത്തിറങ്ങാൻ സഹായിക്കും. ഇത് ഊർജ ലാഭമുണ്ടാകുമെന്നും അദ്ദേഹം പറഞ്ഞു.
ഇന്ന് ഉപയോഗിക്കുന്ന സ്റ്റെയിൻലെസ് സ്റ്റീലിനെ അപേക്ഷിച്ച് അലുമിനിയം ഉപയോഗിക്കുന്നതിന്റെ ഗുണം ഭാരക്കുറവാണ്. ചെലവ് അടക്കം കുറയ്ക്കുന്നതിന് ഇത് സഹായിക്കുമെന്നും അദ്ദേഹം പറയുന്നു.
Read Latest National News and Malayalam News
വരൾച്ചയിലും നിറഞ്ഞൊഴുകുന്ന സംസ്ഥാനത്തെ ഏക അണക്കെട്ട്
