ബീഫ് കൈവശം വെച്ചെന്ന് ആരോപിച്ച് 56കാരനെ ആള്‍ക്കൂട്ടം മര്‍ദ്ദിച്ച് കൊലപ്പെടുത്തി. ബിഹാറിലെ പട്‌നയിലാണ് സംഭവം. ഹാസന്‍പൂര്‍ സ്വദേശിയായ നസീം ഖുറേഷിയാണ് കൊല്ലപ്പെട്ടത്. മര്‍ദ്ദിച്ച് അവശനാക്കിയ നസീം ഖുറേഷിയെ നാട്ടുകാര്‍ തന്നെ പോലീസിന് കൈമാറുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ 3 പേര്‍ അറസ്റ്റിലായിട്ടുണ്ട്. മരുമകനായ ഫിറോസ് അഹമ്മദ് ഖുറേഷിക്കൊപ്പമായിരുന്നു നസീം ഖുറേഷി പുറത്ത് പോയത്.
ഹൈലൈറ്റ്:
- ബീഫ് കൈവശം വെച്ചെന്നാരോപിച്ച് 56കാരനെ കൊലപ്പെടുത്തി
- ബിഹാറിലെ പറ്റ്‌നയിലാണ് സംഭവം
- ഹാസന്‍പൂര്‍ സ്വദേശിയായ നസീം ഖുറേഷിയാണ് കൊല്ലപ്പെട്ടത്
പാട്‌ന: പശുവിറച്ചി കൈവശം വെച്ചെന്ന് ആരോപിച്ച് ബിഹാറില്‍ 56കാരനെ ആള്‍ക്കൂട്ടം മര്‍ദ്ദിച്ച് കൊലപ്പെടുത്തി. ബിഹാറിലെ സിവാന്‍ ജില്ലയിലാണ് സംഭവം. ഹാസന്‍പൂര്‍ സ്വദേശി നസീം ഖുറേഷിയാണ് ആള്‍ക്കൂട്ട മര്‍ദ്ദനത്തില്‍ കൊല്ലപ്പെട്ടത്. മര്‍ദ്ദനത്തെ തുടര്‍ന്ന് അവശനിലയിലായ നസീം ഖുറേഷിയെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
മരുമകനായ ഫിറോസ് അഹമ്മദ് ഖുറേഷിയോടൊപ്പം അവശ്യസാധനങ്ങള്‍ വാങ്ങാന്‍ പുറത്ത് പോയതായിരുന്നു നസീം ഖുറേഷി. മടങ്ങി വരുന്നതിനിടെയാണ് ആള്‍ക്കൂട്ടം ആയുധങ്ങളുമായെത്തി ഇരുവര്‍ക്കും നേരെ ആക്രമണം നടത്തിയത്. തലസ്ഥാനമായ പട്‌നയില്‍ നിന്നും 110 കിലോമീറ്റര്‍ മാറി ജോഗിയ ഗ്രാമത്തില്‍ വെച്ചാണ് ആക്രമണമുണ്ടായത്.
പ്രദേശത്തെ ഒരു മുസ്ലിം പള്ളിക്ക് സമീപത്ത് വെച്ചാണ് ആള്‍ക്കൂട്ടം ഇരുവരേയും വളഞ്ഞത്. ആള്‍ക്കൂട്ടം വലിയ വടികളുമായി ആക്രമിക്കാന്‍ എത്തുന്നത് കണ്ടതോടെ ഫിറോസ് ഖുറേഷി ഓടി രക്ഷപെട്ടു. എന്നാല്‍ ആള്‍ക്കൂട്ടം നിസാം ഖുറേഷിയെ വളഞ്ഞിട്ട് ആക്രമിക്കുകയും ക്രൂരമായി മര്‍ദ്ദിക്കുകയുമായിരുന്നു. മൃതപ്രായനാക്കിയ ശേഷം ജനക്കൂട്ടം നിസാം ഖുറേഷിയെ പോലീസിന് കൈമാറുകയായിരുന്നു. പോലീസ് ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഫിറോസിന്റെ പരാതിയില്‍ പോലീസ് 3 പേരെ അറസ്റ്റ് ചെയ്തു. കൊല്ലപ്പെട്ട നസീമിന്റെ കൈവശം ബീഫുണ്ടായിരുന്നോയെന്ന് പോലീസ് അന്വേഷിച്ച് വരികയാണ്. കൂടുതല്‍ പേര്‍ പിടിയിലാകാനുണ്ടെന്ന് പോലീസ് അറിയിച്ചു.
Read Latest National News and Malayalam News
ജീവിച്ചതും മരിച്ചതും അവസാന യാത്രയും ഒരുമിച്ച്; വിൻസന്‍റിന്‍റെയും ഡെയ്സിയുടെയും മൃതദേഹം നാട്ടിലേക്ക് അയച്ചുപത്തോളം കടകളിൽ മോഷണം ; ഒടുവിൽ പോലീസ് പിടിയിൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
