കോഴിക്കോട്‌ > “നല്ല സമയം” സിനിമക്ക് എതിരെ കോഴിക്കോട്‌ എക്സൈസ് കമീഷണർ എടുത്ത കേസ് ഹൈക്കോടതി റദ്ദാക്കിയെന്ന്‌ സംവിധായകൻ ഒമർ ലുലു. കേസിൽ വിധി വന്നുവെന്നും, കേരള ഹൈക്കോടതിയോട് നന്ദി രേഖപ്പെടുത്തുന്നുവെന്നും സംവിധായകൻ ഫെയ്‌സ്‌ബുക്കിൽ കുറിച്ചു. ഇന്നത്തെ കാലത്ത് സിനിമയെ സിനിമയായി കാണാനുള്ള ബോധം എല്ലാ മനുഷ്യൻമാർക്കും ഉണ്ട് എന്ന് ഞാന്‍ കരുതുന്നു, പ്രതിസന്ധി ഘട്ടത്തിൽ എന്റെ കൂടെ നിന്ന എല്ലാവർക്കും നന്ദി – ഒമർ ലുലു കുറിച്ചു.
നേരത്തെ റിലീസ്‌ ചെയ്‌ത സിനിമ തീയറ്ററിൽനിന്ന്‌ പിൻവലിച്ചിരുന്നു. ചിത്രത്തിലെ ലഹരി ഉപയോഗിക്കുന്ന രംഗങ്ങൾക്കെതിരെയായിരുന്നു എക്സൈസ് കേസ് എടുത്തത്. അബ്‌കാരി, എൻഡിപിഎസ് വകുപ്പുകൾ ചുമത്തിയായിരുന്നു കേസ്. ട്രെയിലറിൽ എംഡിഎംഎ അടക്കമുള്ള ലഹരി വസ്‌തുക്കൾ ഉപയോഗിക്കുന്നതായായിരുന്നു പരാതി. നടൻ ഇർഷാദ് നായകനാകുന്ന നല്ല സമയത്തിൽ അഞ്ച് പുതുമുഖങ്ങളാണ് നായികമാര്‍. എ സർട്ടിഫിക്കറ്റ് ആണ് സെൻസർബോർഡ് ചിത്രത്തിന് നൽകിയത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
