പ്രമേഹവും രക്താതിസമ്മ‍ർദ്ദവും ഉണ്ടായിരുന്ന ഇയാളുടെ മരണകാരണം എച്ച്2എൻ2 ഇൻഫ്ലൂവെൻസ ആണെന്നാണ് സ്ഥിരീകരിച്ചിട്ടുള്ളത്. രാജ്യത്ത് ഏതാനും മാസങ്ങളായി ഇൻഫ്ലൂവെൻസ കേസുകളുടെ എണ്ണത്തിൽ വലിയ വവ‍ദ്ധനവുണ്ട്. ഇതിൽ ഭൂരിഭാഗവും ഹോങ്കോങ് പനി എന്നറിയപ്പെടുന്ന എച്ച്3എൻ2 ആണെന്നാണ് സ്തിരീകരണം. ഇത്തരം 90 കേസുകൾക്കു പുറമെ എട്ട് എച്ച്1എൻ1 കേസുകളും ഇന്ത്യയിൽ സ്ഥിരീകരിച്ചിട്ടുണ്ട്. എന്നാൽ മറ്റ് ഇൻഫ്ലൂവെൻസ വകഭേദങ്ങളെ അപേക്ഷിച്ച് എച്ച്3എൻ2 കൂടുതൽ ഗുരുതരമാണെന്നും ആശുപത്രിവാസത്തിനുള്ള സാധ്യതയേറെയാണെന്നുമാണ് വിദഗ്ദ‍ർ അഭിപ്രായപ്പെടുന്നത്.
അതേസമയം, രണ്ട് വൈറസ് ബാധകളുടെയും ലക്ഷണങ്ങൾ കൊവിഡിനു സമാനമാണെന്ന് വിദഗ്ധ‍ർ പറയുന്നു. രണ്ട് വ‍ർഷത്തിനു ശേഷം കൊവിഡ് കേസുകളുടെ എണ്ണത്തിൽ വലിയ കുറവുണ്ടാകുമ്പോഴും ഇൻഫ്ലൂവെൻസ കേസുകൾ വ‍ർധിക്കുന്നത് ജനങ്ങളെ ആശങ്കയിലാക്കുന്നുണ്ട്.
പനി, കഫക്കെട്ട്, വിറയൽ, ശ്വാസംമുട്ടൽ തുടങ്ങിയവയാണ് രോഗലക്ഷണങ്ങൾ. കൂടാതെ ഛ‍ർദ്ദിൽ, തൊണ്ടവേദന, ശരീരവേദന, വയറിളക്കം തുടങ്ങിയ ലക്ഷണങ്ങളും പല‍രർക്കും അനുഭവപ്പെട്ടു. രോഗം അതിവേഗം പടരാൻ സാധ്യതയുള്ളതാണെന്നും രോഗം ബാധിച്ച വ്യക്തിയുമായി അടുത്ത് ഇടപഴകുന്നവ‍ർക്ക് വൈറസ് ബാധിക്കാൻ സാധ്യതയുണ്ടെന്നുമാണ് വിദഗ്ധ‍ർ പറയുന്നത്.
Also Read: തൊണ്ടിമുതൽ കേസ്: എഫ്ഐആർ ഹൈക്കോടതി റദ്ദാക്കി; ദൈവത്തിന് നന്ദിയെന്ന് ആൻ്റണി രാജു
കൊവിഡിനെതിരെ സ്വീകരിച്ച മുൻകരുതലുകൾ തന്നെയാണ് എച്ച്3എൻ2 രോഗത്തിനെതിരെയും സ്വീകരിക്കേണ്ടതെന്ന് ഐസിഎംആർ വ്യക്തമാക്കി. തുമ്മുമ്പോഴും ചുമയ്ക്കുമ്പോഴും കൈ ഉപയോഗിച്ച് മറച്ചു പിടിക്കുകയും ഇടയ്ക്കിടെ കൈകൾ സോപ്പ് ഉപയോഗിച്ച് കഴുകുകയും ചെയ്യണം. കൂടാതെ ഇടയ്ക്കിടെ കണ്ണിലും മൂക്കിലും തൊടുന്നത് ഒഴിവാക്കണം. കുട്ടികൾക്കും പ്രായമേറിയവ‍ർക്കും മറ്റു രോഗങ്ങൾ ഉള്ളവ‍ർക്കുമാണ് രോഗം ഗുരുതരമാകാൻ സാധ്യതയുള്ളത്.
