തൊണ്ടിമുതൽ കേസ്: എഫ്ഐആർ ഹൈക്കോടതി റദ്ദാക്കി; ദൈവത്തിന് നന്ദിയെന്ന് ആൻ്റണി രാജു

സ്വപ്‌നയുടെ ആരോപണങ്ങൾക്ക് മുഖ്യമന്ത്രിയും പാർട്ടി സെക്രട്ടിയും മറുപടി നൽകണം: വിഡി സതീശൻ

ദൈവത്തിന് നന്ദിയെന്ന് ആൻ്റണി രാജു

ദൈവത്തിന് നന്ദി പറയുന്നുവെന്നും വേട്ടയാടിയവരോട് ദൈവം പൊറുക്കട്ടെയെന്നും ആൻ്റണി രാജു പ്രതികരിച്ചു. കേസിൻ്റെ പിന്നിൽ വലിയ രാഷ്ട്രീയ ഗൂഢാലോചനയുണ്ടെന്ന് താൻ അന്നേ പറഞ്ഞതാണ്. താൻ തെരഞ്ഞെടുപ്പിൽ തോൽപ്പിച്ച മുൻ മന്ത്രിയും അന്നത്തെ മുഖ്യമന്ത്രി ഉമ്മൻ ചാണ്ടിയും നടത്തിയ ഗൂഢാലോചനയാണ് ഇത്. തൻ്റെ രാഷ്ട്രീയ ഭാവി ഇല്ലാതാക്കാനായിരുന്നു ശ്രമം. ഇപ്പോൾ സത്യം ജയിച്ചു. കോടതി തൻ്റെ നിരപരാധിത്വം അംഗീകരിച്ചു. 2006 ലെ തൻ്റെ സ്ഥാനാർഥിത്വം നഷ്ടപ്പെട്ടത് ഈ കള്ളക്കേസ് മൂലമാണ്. തന്നെ വേട്ടയാടിയത് ഈ കള്ളക്കേസിലൂടെയാണ്. പക്ഷേ ദൈവം കൈവിട്ടില്ല. ഈ കേസിൽ തുടരന്വേഷണം വേണമെങ്കിൽ നടത്തി യഥാർഥ പ്രതികളെ കണ്ടെത്തിക്കോട്ടെയെന്നും അദ്ദേഹം പറഞ്ഞു.

സ്വപ്ന പറഞ്ഞ വിജേഷ് പിള്ളയ്ക്ക് കൊച്ചിയിൽ ഓഫീസ്; വാടക കുടിശ്ശിക വരുത്തി മുങ്ങി; അന്വേഷിച്ച് ഇഡിയും എത്തി

അടിവസ്ത്രം മാറ്റിയെന്ന കേസ്

1990 ലാണ് കേസിനാസ്പദമായ സംഭവം. അടിവസ്ത്രത്തിൽ ഒളിപ്പിച്ചുകൊണ്ടുവന്ന മയക്കുമരുന്നുമായി ഓസ്ട്രേലിയൻ പൗരനെ തിരുവനന്തപുരം വിമാനത്താളത്തിൽ പിടികൂടിയ സംഭവത്തിൽ ആൻ്റണി രാജുവാണ് പ്രതിക്കായി കോടതിയിൽ ഹാജരായിരുന്നത്. സെഷൻസ് കോടതി പ്രതിയെ ശിക്ഷിച്ചിരുന്നു. എന്നാൽ അടിവസ്ത്രം പ്രതിക്ക് പാകമാകുന്നില്ലെന്ന വിലയിരുത്തലിൽ ഹൈക്കോടതി ഇയാളെ വെറുതെവിട്ടു. ഓസ്ട്രേലിയലേക്കു മടങ്ങിയ പ്രതി അവിടെ കൊലക്കേസിൽ പിടിയിലായതോടെയാണ് തൊണ്ടിമുതൽ മാറ്റിയെന്ന ആരോപണം ഉയർന്നത്. കോടതിയിൽ തൊണ്ടിമുതലായി കൊണ്ടുവന്ന അടിവസ്ത്രം മുറിച്ചു 10 വയസുകാരൻ്റേതാക്കി മറ്റിയെന്നായിരുന്നു കേസ്.

Read Latest Kerala News and Malayalam News