ഇതുമായി ബന്ധപ്പെട്ട് ഉയര്‍ന്നു വന്ന നിര്‍ദ്ദേശങ്ങളും അഭിപ്രായങ്ങളും വിലയിരുത്തിയ ശേഷം നിലവിലെ വ്യവസ്ഥകള്‍ ഭേദഗതി ചെയ്യാനുള്ള തീരുമാനമാണ് യോഗം കൈക്കൊണ്ടതെന്നും അധികൃതരെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു. 60 കഴിഞ്ഞവരും ബിരുദ യോഗ്യത ഇല്ലാത്തവരുമായ തൊഴിലാളികളുടെ വര്‍ക്ക് പെര്‍മിറ്റ് പുതുക്കുന്നതുമായി ബന്ധപ്പെട്ട നിയമങ്ങള്‍, ചട്ടങ്ങള്‍, നടപടിക്രമങ്ങള്‍ എന്നിവയുമായി ബന്ധപ്പെട്ട ആര്‍ട്ടിക്കിള്‍ 37 ലെ ചില വ്യവസ്ഥകളിലാണ് ഭേദഗതി കൊണ്ടുവരികയെന്നും അധികൃതര്‍ വ്യക്തമാക്കി.
Also Read: നാട്ടിലേക്ക് യാത്ര തിരിക്കേണ്ട ദിവസം മുറിയിൽ കുഴഞ്ഞു വീണു; സൗദിയിൽ മലയാളി യുവാവ് മരിച്ചു
അതേസമയം, ഇക്കാര്യത്തില്‍ പുതിയൊരു തീരുമാനം ഉണ്ടാകുന്നതു വരെ ഈ തൊഴിലാളികള്‍ക്ക് വര്‍ക്ക് പെര്‍മിറ്റ് പുതുക്കാനും കൈമാറ്റം ചെയ്യാനും നിലവിലെ വ്യവസ്ഥകള്‍ പ്രകാരം അനുമതിയുണ്ടായിരിക്കുമെന്നും പബ്ലിക് അതോറിറ്റി ഓഫ് മാന്‍പവര്‍ ഡയറക്ടര്‍ ബോര്‍ഡ് തീരുമാനിച്ചതായി അതോറിറ്റിയുടെ ഔദ്യോഗിക വക്താവും പബ്ലിക് റിലേഷന്‍സ് ആന്‍ഡ് മീഡിയ ഡിപ്പാര്‍ട്ട്മെന്റ് ഡയറക്ടറുമായ അസീല്‍ അല്‍ മസ്‌യാദ് പറഞ്ഞു.
Also Read: കുവൈറ്റില്‍ വാഹനാപകടം; ഒരാള്‍ മരിച്ചു, മൂന്ന് പേര്‍ക്ക് പരിക്ക്
നിലവിലെ നിയമപ്രകാരം ബിരുദമില്ലാത്ത 60 വയസ്സിന് മുകളിലുള്ള പ്രവാസികള്‍ക്ക് വിസ പുതുക്കുന്നതിനുള്ള ഫീസ് 250 ദിനാറാണ്. ഇതിനു പുറമെ, ആരോഗ്യ ഇന്‍ഷൂറന്‍സ് പോളിസിയും നിര്‍ബന്ധമായും എടുത്തിരിക്കണമെന്നും വ്യവസ്ഥയുണ്ട്. നേരത്തേ രാജ്യത്ത് വലിയ വിവാദങ്ങള്‍ക്കും കോലാഹലങ്ങല്‍ക്കും ഇടയാക്കിയതാണ് 60 കഴിഞ്ഞ പ്രവാസികളുടെ വിസ പുതുക്കുന്നതുമായി ബന്ധപ്പെട്ട നിര്‍ദ്ദേശങ്ങള്‍. രാജ്യത്തെ പ്രവാസി ജനസംഖ്യ കുറയ്ക്കുന്നതിന്റെ ഭാഗമായി ഇടക്കാലത്ത് 60 കഴിഞ്ഞ പ്രവാസികള്‍ക്ക് വിസ പുതുക്കുന്നതിനുള്ള അനുമതി അധികൃതര്‍ നിര്‍ത്തിവച്ചിരുന്നു. പിന്നീട് 2000 ദിനാര്‍ ഫീസ് ഈടാക്കിക്കൊണ്ട് വിസ പുതുക്കാനുള്ള തീരുമാനം കൈക്കൊണ്ടെങ്കിലും സര്‍ക്കാരിന് അകത്തും പുറത്തും നിന്നുണ്ടായ ശക്തമായ പ്രതിഷേധങ്ങളെ തുടര്‍ന്ന് തീരുമാനം മാറ്റുകയും ഫീസ് 250 ആയി കുറയ്ക്കുകയും ചെയ്യുകയായിരുന്നു. ഇതോടൊപ്പം ഇന്‍ഷൂറന്‍സ് പോളിസിയും എടുക്കണം. എന്നാല്‍ ചെറിയ ജോലികള്‍ ചെയ്ത് ജീവിക്കുന്ന പ്രവാസികള്‍ക്ക് ഇത് താങ്ങാനാവുന്നതിനേക്കാള്‍ കൂടുതലാണെന്ന പരാതി ശക്തമാണ്. ഈ സാഹചര്യത്തിലാണ് നിയമത്തില്‍ മാറ്റങ്ങള്‍ കൊണ്ടുവരാനുള്ള അധികൃതരുടെ തീരുമാനം.
Read Latest Gulf News and Malayalam News
പണം ലഭിച്ചു എന്നത് വ്യാജപ്രചരണം
