Curated by Karthik KK | Samayam Malayalam | Updated: 12 Mar 2023, 12:32 pm
Bangalore Mysore Expressway: മലയാളികൾക്ക് ഏറെ പ്രയോജനം ഉണ്ടാകുന്ന ബെംഗളൂരു-മൈസൂരു എക്സ്പ്രസേ വേ ഇന്ന് പ്രധാനമന്ത്രി നരേന്ദ്രമോദി നാടിന് സമർപ്പിക്കും. ഇന്ന് ഉച്ചയോടെയാണ് നാടിന് സമർപ്പിക്കുന്നത്. ഇതിന് മുന്നോടിയായി മോദിയുടെ രണ്ട് മണിക്കൂർ റോഡ് ഷോയും നടക്കുന്നുണ്ട്.
ഹൈലൈറ്റ്:
- 118 കിലോമീറ്റർ ദൂരമാണ് ബെംഗളൂരു മൈസൂരു എക്സ്പ്രസേ വേയുടെ ദൂരം.
- എക്സ്പ്രസേ വേയിലൂടെ സഞ്ചരിക്കുമ്പോൾ രണ്ട് പ്രാവശ്യം ടോൾ നൽകേണ്ടി വരും.
- ഓട്ടോകൾക്കും ബൈക്കുകൾക്കും എക്സ്പ്രസ് വേയിൽ പ്രവേശനമില്ല.
പ്രധാന ഗതാഗതത്തിനായി ആറ് വരി പാതയാണ് ഒരുക്കിയിട്ടുള്ളത്. രണ്ട് വശത്തും സർവ്വീസ് റോഡുകളുമുണ്ട്. പ്രധാന പാതയിലൂടെ 110 മുതൽ 120 കീലോമീറ്റർ വരെ വേഗതയിൽ ചീറി പായാം എന്നാണ് പുറത്ത് വരുന്ന റിപ്പോർട്ടുകൾ. ടൗണിലെ ഗതാഗത കുരുക്കിൽ പെടാതിരിക്കാൻ ആറിടങ്ങലിൽ ബൈപ്പാസ് റോഡുകളുമുണ്ട്. ചെറു വാഹനങ്ങൾക്ക് ഇപ്പോൾ അതിവേഗ പാതയിലേക്ക് പ്രവേശമില്ല. ഓട്ടോയും ബൈക്കുകളും അതിവേഗ പാതയിലേക്ക് പ്രവേശിപ്പിക്കാത്തത് സുരക്ഷാ കാരണത്താലാണ്.
പാതയിലെ കുറച്ച് ഭാഗത്തിന്റെ പണി ഇനിയും പൂർത്തിയാകാനുണ്ട്. പ്രധാനമന്ത്രി നരേന്ദ്രമോദി എക്സ്പ്രസ് ഹൈവേ ജനങ്ങൾക്ക് തുറന്ന് കൊടുക്കുമെങ്കിലും പാതയുടെ പണി പൂർത്തിയാകണമെങ്കിൽ ഇനിയും എട്ട് മാസത്തോളം എടുക്കും. ഇതിന് ശേഷമായിരിക്കും രണ്ട് ടോളിന്റെയും നിരക്ക് പ്രഖ്യാപിക്കുന്നത്. ഇന്ന് ഉച്ചയോടെയാണ് പ്രധാനമന്ത്രി ബെംഗളൂരു-മൈസൂരു അതിവേഗ പാത തുറന്നകൊടുക്കുന്നത്. ഇതിന് മുന്നോടിയായി ബെംഗളൂരുവിൽ രണ്ട് മണിക്കൂർ റോഡ് ഷോ മോദി നടത്തുന്നുണ്ട്.
കർണാടകയിലെ പ്രധാനപ്പെട്ട നഗരങ്ങളാണ് ബെംഗളൂരുവും മൈസൂരും. രണ്ട് സ്ഥലത്തേക്കുമുള്ള യാത്ര ട്രാഫിക്ക് ബ്ലോക്ക് കാരണം മണിക്കൂറുകൾ എടുക്കും. അതിവേഗ പാത വരുന്നതോടെ ട്രാഫിക്ക് ബ്ലോക്കിന് അറുതിയാകും. നിയമസഭാ തിരഞ്ഞെടുപ്പിലേക്ക് നീങ്ങുന്നതിനിടെയാണ് കർണാടകത്തിലെ പ്രധാനപ്പെട്ട റോഡ് ഗതാഗതം ജനങ്ങൾക്ക് തുറന്നുകൊടുക്കുന്നത്. തെരഞ്ഞെടുപ്പ് അടുത്തതോടെ രണ്ട് മാസത്തിനിടെ ഏഴ് തവണയാണ് മോദി കർണാടകയിൽ സന്ദർശനം നടത്തിയിരിക്കുന്നത്. അടുത്ത തവണയും അധികാരത്തിലേക്ക് വരാനുള്ള എല്ലാ വഴികളും തുറക്കുകയാണ് ബിജെപി.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
