Sumayya P | Samayam Malayalam | Updated: 12 Mar 2023, 2:34 pm
ഖത്തര്‍-സൗദി കരാതിര്‍ത്തിയായ സാല്‍വ ബോര്‍ഡറില്‍ വച്ച് ആയിരുന്നു ഇദ്ദേഹത്തെ അറസ്റ്റ് ചെയ്തത്. മലപ്പുറം മോങ്ങം സ്വദേശിയെയാണ് സൗദി പോലീസ് അറസ്റ്റ് ചെയ്തത്. ചെറിയൊരു സംശയം തോന്നിയപ്പേൾ ചോദ്യം ചെയ്തു പിന്നീട് അത് അറസ്റ്റിലേക്ക് എത്തി.
കൊലപാതകം നടന്നിട്ട് 17 വർഷം തികയുന്നു. കൊലപാതകത്തിന് ശേഷം നാടുവിട്ട ഇദ്ദേഹം ഖത്തറിന്റെയും സൗദിയുടേയും അതിർത്തിയിൽ ഒളിച്ചു കഴിയുകയായിരുന്നു. എന്നാൽ കഴിഞ്ഞ വർഷം ഫുട്ബാള്‍ ലോകകപ്പിനായി അനുവദിച്ച ഹയ്യ കാർഡ് ഇളവ് ഉപയോഗിച്ച് ഇദ്ദേഹം സൗദിയിലേക്ക് കടക്കാൻ ശ്രമിക്കുന്നതിനിടെയാണ് പ്രതിയെ പിടിക്കുന്നത്. സൽവ അതിർത്തിയിൽ ഇന്റർപോളിന്റെ സഹായത്തോടെ സൗദി പോലീസ് ഇയാളെ അറസ്റ്റ് ചെയ്തു. പരിശോധനയിൽ ചെറിയൊരു സംശയം തോന്നി. പിന്നീട് വിശദമായി പരിശോധിച്ചു. അപ്പോഴാണ് കേസിലെ പ്രതിയാണെന്ന് മനസിലാക്കുന്നത്. തുടർന്ന് ഇദ്ദേഹത്തെ അറസ്റ്റ് ചെയ്യുകയായിരുന്നു. സൗദി-ഖത്തര്‍ അതിര്‍ത്തിയായ സല്‍വയില്‍ വെച്ച്‌ പിടിയിലായ പ്രതിയെ അവിടെയുള്ള ജയിലിൽ തന്നെ താമസിപ്പിച്ചിരിക്കുകയായിരുന്നു.
Also Read: 60 കഴിഞ്ഞ പ്രവാസികള്‍ക്ക് ആശ്വാസ വാര്‍ത്ത; വിസ നിയമങ്ങള്‍ ലഘൂകരിക്കാന്‍ നടപടി
കുറ്റവാളികളെ കൈമാറാന്‍ സൗദിക്കും ഇന്ത്യക്കും ഇടയിൽ കരാറുണ്ട്. അതുകൊണ്ട് തന്നെ പ്രതിയെ കെെമാറുന്നതിൽ വലിയ തടസ്സങ്ങൾ ഉണ്ടായിരുന്നില്ല. തുടർന്ന് ആഭ്യന്തര മന്ത്രാലയം വഴി വിവരം കേരള പോലീസിനെ അറിയിച്ചു. ഡി.ജി.പി അനില്‍കാന്ത് റിയാദിലെത്തി പ്രതിയെ ഏറ്റുവാങ്ങാന്‍ മൂന്നംഗ ക്രൈബാഞ്ച് സംഘത്തെ ഇതിന്റെ ഭാഗമായി നിയോഗിച്ചു. നടപടിക്രമങ്ങള്‍ പൂര്‍ത്തിയാക്കിയ ശേഷം റിയാദ് മലസിലെ ഡിപ്പോര്‍ട്ടേഷന്‍ (തര്‍ഹീല്‍) സെന്‍റര്‍ സെല്ലിലേക്ക് പ്രതിയെ കൊണ്ടു വന്നു. അപ്പോഴേക്കും കേരളത്തിൽ നിന്നുള്ള ക്രൈംബാഞ്ച് സംഘം റിയാദിലെത്തി. നടപടികൾ പൂർത്തിയാക്കി അവർ പ്രതിയെ കസ്റ്റഡിയിൽ എടുത്ത് കേരളത്തിലേക്ക് പറന്നു.
2006 ഫെബ്രുവരി 11-ന് താമരശ്ശേരി ചുരത്തിലൂടെ പോകുകയായിരുന്ന അബ്ദുല്‍ കരീമിനെ അടിച്ചുകൊലപ്പെടുത്തുകയായിരുന്നു. പിന്നീട് നൂറാംതോട് ഭാഗത്ത് മൃതദേഹം ഉപേക്ഷിച്ചു. കരീമിെന്‍റ റിസോര്‍ട്ടിന്റെ നടത്തിപ്പ് ഏറ്റെടുത്ത തിരുവനന്തപുരം സ്വദേശി ബാബുവര്‍ഗീസായിരുന്നു കൊല്ലാൻ ക്വട്ടേഷന്‍ നൽകിയത്. കേസിലെ 11 പ്രതികളില്‍ ഒരാള്‍ ഇപ്പോൾ ജീവിച്ചിരിപ്പില്ല. രണ്ടുപേരെ വെറുതെ വിട്ടു. ഏഴ് പേരെയാണ് ശിക്ഷിച്ചത്. ഒരാൾ ഒളിവിൽ പോയി. ഖത്തറില്‍ ഒളിവില്‍ കഴിയുന്നതിനിടെ ഏഴുവര്‍ഷം മുമ്പ് ഇദ്ദേഹം നോപ്പാൾ വഴി നാട്ടിൽ എത്തിയിരുന്നു. ഈ വരവിൽ കഞ്ചാവ് കേസില്‍ പ്രതിയായി. പിന്നീട് ഗൾഫിലേക്ക് കടന്ന ഇദ്ദേഹത്തെ കേരള പോലീസ് ഇന്റർ പോളിന്റെ സഹായത്തോടെ പിടിക്കൂടാൻ തീരുമാനിക്കുകയായിരുന്നു.
Read Latest Gulf News and Malayalam News
റൺസ് മഴ പെയ്യിച്ച് പിഎസ്എൽ |Pakistan Super League|
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
