Also Read: പ്രസവകാലം കഴിഞ്ഞു, ഇനി കുറമ്പുകാട്ടുന്ന വരയാടിൻ കുഞ്ഞുങ്ങളും; സഞ്ചാരികളെ വരവേൽക്കാൻ ഇരവികുളം
‘മോദീ, താങ്കളുടെ ശവക്കുഴി തോണ്ടും’, എന്ന കോണ്‍ഗ്രസിന്റെ മുദ്രാവാക്യത്തെ പരിഹസിച്ച് ആയിരുന്നു പ്രധാനമന്ത്രിയുടെ പ്രസ്താവന. ‘മോദിയുടെ ശവക്കുഴി തോണ്ടുന്നതാണ് കോണ്‍ഗ്രസ് സ്വപ്‌നം കാണുന്നത്. എന്നാല്‍, ഈ രാജ്യത്തെ അമ്മമാരുടെയും സഹോദരിമാരുടെയും ജനങ്ങളുടെയും അനുഗ്രഹം എനിക്ക് സുരക്ഷാകവചം ഒരുക്കുന്ന കാര്യം അവര്‍ക്ക് അറിയില്ല’, മോദി പറഞ്ഞു.
8,172 കോടി രൂപ ചെലവിട്ടാണ് 118 കിമീ ബെംഗളൂരു- മൈസൂരു അതിവേഗ പാത നിര്‍മിച്ചത്. മൈസൂരു- കുശാല്‍നഗര്‍ നാലുവരി പാതയുടെ നിര്‍മാണ ഉദ്ഘാടനവും പ്രധാനമന്ത്രി നിര്‍വഹിച്ചു. 4,130 കോടിയാണ് പദ്ധതിയുടെ ചെലവ്. മാണ്ഡ്യ, ഹുബ്ബള്ളി- ധര്‍വാഡ് ജില്ലകളിലായി ഏകദേശം 16,000 കോടി രൂപയുടെ പദ്ധതികളുടെ ശിലാസ്ഥാപനമാണ് മോദി നിര്‍വഹിച്ചത്.
61 നിയമസഭാ സീറ്റുകളുള്ള ഓള്‍ഡ് മൈസൂരു മേഖല ജെഡിഎസിന്‍റെ ശക്തികേന്ദ്രമാണ്. കോണ്‍ഗ്രസിനും ഇവിടെ സ്വാധീനമുണ്ട്. 2018 ല്‍ തീരദേശ കര്‍ണാടകയിലും മുംബൈ- കര്‍ണാടക മേഖലകളിലും ബിജെപി മികച്ച പ്രകടനം കാഴ്ചവെച്ചു. എങ്കിലും പഴയ മൈസൂരു മേഖലയിലും ഹൈദരാബാദ്- കര്‍ണാടക മേഖലയിലും ഭൂരിപക്ഷം കുറവായിരുന്നു. ഭരണവിരുദ്ധ വികാരവും അഴിമതി ആരോപണങ്ങളും നേരിടുന്ന കര്‍ണാടകയില്‍ വരുന്ന തെരഞ്ഞെടുപ്പില്‍ പ്രധാനമന്ത്രി നരേന്ദ്ര മോദിയുടെ കരുത്തില്‍ ജനതാദള്‍ എസിന്റെ ശക്തികേന്ദ്രമായ മാണ്ഡ്യ പിടിക്കാനുള്ള ശ്രമത്തിലാണ് ബിജെപി.
അതേസമയം, കര്‍ണാടകയില്‍ പ്രധാനമന്ത്രി നരേന്ദ്ര മോദിക്കെതിരെ പ്രതിഷേധം. പണി തീരാത്ത എക്‌സ്പ്രസ് വേ ഉദ്ഘാടനം ചെയ്‌തെന്ന് ആരോപണം. എക്‌സ്പ്രസ് വേയുടെ ഭാഗമായുള്ള അണ്ടര്‍പാസുകളും സര്‍വീസ് റോഡുകളും ഇപ്പോഴും മോശം അവസ്ഥയിലെന്നും ആരോപിച്ചു.
Read Latest National News and Malayalam News
പണം ലഭിച്ചു എന്നത് വ്യാജപ്രചരണം
