ഓൾ വുമൻ ബൈക്ക് റാലിയുമായി നവ്ഭാരത് ടൈംസ്, ഫ്ലാ​ഗ് ഓഫ് ചെയ്ത് രാഷ്ട്രപതി

എല്ലാ സ്ത്രീകളെയും ബഹുമാനിക്കുന്ന സംസ്കാരം ഓരോ അമ്മയും സഹോദരിയും അവരുടെ മകനിലും സഹോദരങ്ങളിലും വളർത്തിയെടുക്കണമെന്ന് താൻ ആഗ്രഹിക്കുന്നു. അതോടൊപ്പം, കുട്ടികളിൽ സ്ത്രീകളോടുള്ള ബഹുമാനത്തിന്റെയും സംവേദനക്ഷമതയുടെയും സംസ്കാരം ശക്തിപ്പെടുത്തേണ്ടത് കുടുംബത്തോടൊപ്പം അധ്യാപകരുടെയും ഉത്തരവാദിത്തമാണ്. എല്ലാ പരിമിതികളും വെല്ലുവിളികളും ഉണ്ടായിരുന്നിട്ടും, നമ്മുടെ പെൺമക്കൾ അവരുടെ അജയ്യമായ ധൈര്യത്തിന്റെയും കഴിവിന്റെയും കരുത്തിൽ വിജയത്തിന്റെ പുതിയ റെക്കോർഡുകൾ സൃഷ്ടിച്ചു. കുറച്ചുകാലം മുമ്പുവരെ അവരുടെ കടന്നുവരവ് ചിന്തിക്കാൻ പോലും കഴിയാത്ത പല മേഖലകളിലും ഇന്നത്തെ സ്ത്രീകൾ സാന്നിധ്യമറിയിച്ചിട്ടുണ്ടെന്നും രാഷ്ട്രപതി വ്യക്തമാക്കി. പ്രധാനമന്ത്രി നരേന്ദ്രമോദിയും റാലിക്ക് ആശംസ നേർന്നു.

ഡൽഹി ലഫ്. ഗവർണർ വി കെ സക്സേന, കേന്ദ്രമന്ത്രി ദർശന ജർദോഷ്, ചലച്ചിത്രതാരം സാനിയ മൽഹോത്ര തുടങ്ങിയവരും ചടങ്ങിൽ പങ്കെടുത്തു. ബിഎസ്എഫ്, ഡൽഹി പോലീസ് എന്നീ സേനകളിൽനിന്നുള്ള വനിതാ ഉദ്യോഗസ്ഥരും ബൈക്ക് റാലിയുടെ ഭാഗമായി.