സൗദിയിൽ മലയാളികൾ സഞ്ചരിച്ച കാർ മറിഞ്ഞ് യുവതി മരിച്ചു; നാലുപേർക്ക് പരിക്ക്

സൗദി: വിസിറ്റ് വിസ പുതുക്കാൻ വേണ്ടി സൗദിയിൽ നിന്നും ബഹ്റൈനിൽ പോയി മടങ്ങി വരുന്ന മലയാളികൾ സഞ്ചരിച്ചിരുന്ന കാർ അപകടത്തിൽപ്പെട്ട് യുവതി മരിച്ചു. റിയാദിന് സമീപം ഇന്ന് പുലർച്ചെയാണ് അപകടം സംഭവിക്കുന്നത്. അപകടത്തിൽ മലപ്പുറം മങ്കട വെള്ളില സ്വദേശി പള്ളിക്കത്തൊടി വീട്ടിൽ ഹംസയുടെ ഭാര്യ ഖൈറുന്നിസ ആണ് മരിച്ചത്. മലപ്പുറം കരുവാരക്കുണ്ട് സ്വദേശി മുജീബിനും ഭാര്യക്കും അപകടത്തിൽ പരിക്കേറ്റു. മരണപ്പെട്ട ഖൈറുന്നിസയുടെ മൂന്ന് വയസുള്ള മകൻ മുഹമ്മദ് റൈഹാനും പരിക്കേറ്റിട്ടുണ്ട്. ഖൈറുന്നിസയുടെ ഭർത്താവ് ഹംസ വലിയ പരിക്കുകൾ ഇല്ലാതെ രക്ഷപ്പെട്ടു. പരിക്കേറ്റവരും കിങ് ഖാലിദ് ആശുപത്രിയിൽ ആണ് ഉള്ളത്. റിയാദിൽനിന്ന് 70 കിലോമീറ്റർ അരലെ അൽഖർജിന് സമീപം സഹന എന്ന സ്ഥലത്ത് നിന്നാണ് ഇവർ വിസിറ്റ് വിസ പുതുക്കാൻ ബഹ്റെെനിലേക്ക് പുറപ്പെട്ടത്. രണ്ട് കുടുംബങ്ങളും സന്ദർശക വിസയിൽ ആണ് സൗദിയിൽ എത്തിയത്. ശനിയാഴ്ച ഉച്ചക്ക് ആയിരുന്നു അവർ ബഹ്റെെനിലേക്ക് പുറപ്പെട്ടത്.

Also Read: പുതിയ ചരിത്രം സൃഷ്ടിക്കാൻ ഒരുങ്ങി സൗദി; പ്രഖ്യാപനം നടത്തി കിരീടവകാശി മുഹമ്മദ് ബിൻ സൽമാൻ

വിസ പുതുക്കി തിരിച്ച് സൗദിയിലേക്ക് മടങ്ങുമ്പോൾ അൽഖർജ് എത്തുന്നതിന് 150 കിലോമീറ്റർ അകലെവെച്ച് ആണ് കാർ അപകടത്തിൽപെടുന്നത്. ഇവർ സഞ്ചരിച്ച കാർ നിയന്ത്രണം വിട്ട് മറിഞ്ഞതാണ് അപകട കാരണം. ഖമറുനിസ്സ സംഭവസ്ഥലത്ത് വെച്ച് തന്നെ മരിച്ചു. മുഹമ്മദ് റൈഹാനെ കൂടാതെ മുഹമ്മദ് റാസി, ഫാത്തിമ റിഫ എന്നീ രണ്ട് മക്കൾ ഖമറുനിസ്സക്ക് ഉണ്ട്. ഇവർ നാട്ടിലാണ്. സൗദിയിൽ ജോലി ചെയ്യുന്ന തന്റെ ഭർത്താവിന്റെ അടുത്തേക്ക് വിസിറ്റ് വിസയിൽ എത്തിയതാണ് ഖമറുനിസ്സ.

Also Read: ദുബായില്‍ 2.2 കോടിയുടെ സ്‌കോളര്‍ഷിപ്പ് നേടി മലയാളി പെണ്‍കുട്ടി

വിസ പുതുക്കണമെങ്കിൽ രാജ്യത്തിന് പുറത്തു പോകണം. അതാണ് നിയമം. അതിനാൽ ഇവർ ദമ്മാം കോസ്‍വേ വഴി ബഹ്റൈനിൽ പോയി വിസ പുതുക്കി വരുമ്പോൾ ആണ് അപകടം സംഭവിക്കുന്നത്. മൃതദേഹം നടപടിക്രമങ്ങൾ പൂർത്തീകരിച്ച് നാട്ടിൽ കൊണ്ടുപോകാൻ ആണ് തീരുമാനിച്ചിരിക്കുന്നത്. അൽഖർജ് കെ.എം.സി.സി വെൽഫെയർ വിങ്, റിയാദ് കെ.എം.സി.സി മലപ്പുറം ജില്ല വെൽഫെയർ വിങ് ഭാരവാഹികൾ രംഗത്തുണ്ട്.

Read Latest Gulf News and Malayalam News

ആക്രി കച്ചവടത്തിന്റെ മറവിൽ മോഷണം