ചൈനീസ് പ്രസിഡൻ്റ് ഷി ചിൻപിങ്ങിന് ആശംസകളുമായി മുഖ്യമന്ത്രി പിണറായി വിജയൻ

Deepu Divakaran | Samayam Malayalam | Updated: 12 Mar 2023, 9:37 pm

ചൈനീസ് പ്രസിഡൻ്റ് ഷി ചിൻപിങ്ങിന് ആശംസകളുമായി മുഖ്യമന്ത്രി പിണറായി വിജയൻ. പ്രസിഡൻ്റ് സ്ഥാനത്തേക്ക് വീണ്ടും തെരഞ്ഞെടുക്കപ്പെട്ട ഷി ചിൻപിങ്ങിന് വിപ്ലവ ആശംസകളെന്ന് മുഖ്യമന്ത്രി.

ഹൈലൈറ്റ്:

ഷി ചിൻപിങ്ങിന് ആശംസകൾ നേർന്ന് മുഖ്യമന്ത്രി പിണറായി വിജയൻ.
‘ആഗോള രാഷ്ട്രീയത്തിലെ മുഖ്യ ശബ്ദമായി ചൈന ഉയർന്നുവന്നത് പ്രശംസനീയം’.
ട്വിറ്ററിലൂടെയാണ് മുഖ്യമന്ത്രിയുടെ ആശംസ.

തിരുവനന്തപുരം: ചൈനീസ് പ്രസിഡൻ്റ് സ്ഥാനത്തേക്ക് വീണ്ടും തെരഞ്ഞെടുക്കപ്പെട്ട ഷി ചിൻപിങ്ങിന് ആശംസകൾ നേർന്ന് മുഖ്യമന്ത്രി പിണറായി വിജയൻ. ആഗോള രാഷ്ട്രീയത്തിലെ മുഖ്യ ശബ്ദമായി ചൈന ഉയർന്നുവന്നത് പ്രശംസനീയമാണെന്നും മുഖ്യമന്ത്രി ട്വിറ്റ് ചെയ്തു.

പീപ്പിൾസ് റിപ്പബ്ലിക് ഓഫ് ചൈനയുടെ പ്രസിഡന്റായി വീണ്ടും തെരഞ്ഞെടുക്കപ്പെട്ട പ്രസിഡന്റ് ഷി ചിൻപിങ്ങിന് വിപ്ലവ ആശംസകൾ. ആഗോള രാഷ്ട്രീയത്തിലെ മുഖ്യ ശബ്ദമായി ചൈന ഉയർന്നുവന്നത് തീർച്ചയായും പ്രശംസനീയമാണ്. കൂടുതൽ അഭിവൃദ്ധിപ്പെടാനുള്ള തുടർച്ചയായ ശ്രമങ്ങൾക്ക് ആശംസകളെന്നും മുഖ്യമന്ത്രി ട്വീറ്റ് ചെയ്തു.

കേരളത്തിന് ആശ്വാസം, വേനൽ മഴ എത്തി, താപനില ഉയരില്ലെന്ന് റിപ്പോർട്ട്

മുഖ്യമന്ത്രിയുടെ ട്വീറ്റിനെ വിമർശിച്ചു നിരവധി പേർ രംഗത്തെത്തിയിട്ടുണ്ട്. “ചൈനയിൽ ആരു വന്നാലും വന്നില്ലേലും നമുക്ക് എന്താ ഗുണം” എന്നാണ് ഒരാളുടെ ചോദ്യം. “ചൈനീസ് പ്രസിഡൻ്റിന് ബെസ്റ്റ് വിഷസ് നേരുമ്പോൾ താങ്കൾക്ക് വോട്ട് ചെയ്ത് ജയിപ്പിച്ച ജനം വിഷപ്പുക ശ്വസിക്കുകയാണ്” എന്നാണ് മറ്റൊരാളുടെ കമൻ്റ്. “എങ്ങനെ സാധിക്കുന്നു സഖാവേ?”, “ഈ കരുതൽ സ്വന്തം നാടിനോട് കാണിച്ചൂടെ”, “ബ്രഹ്മപുരത്തെ കുറിച്ചു രണ്ടുവരി” എന്നിങ്ങനെ നീളുന്നു കമൻ്റുകൾ.

Akshaya Lottery Result: ഈ ടിക്കറ്റ് പോക്കറ്റിലുണ്ടോ, 70 ലക്ഷം; അക്ഷയ ലോട്ടറി ഫലം പുറത്ത്

കഴിഞ്ഞ ദിവസമാണ് ചൈനയിൽ പുതുചരിത്രമെഴുതി ഷി ചിൻപിങ് പ്രസിഡൻ്റ് സ്ഥാനത്തേക്ക് വീണ്ടും തെരഞ്ഞെടുക്കപ്പെട്ടത്. ചൈനീസ് കമ്മ്യൂണിസ്റ്റ് പാർട്ടിയുടെ തലവനായ ഷി മൂന്നാം തവണയണ് പ്രസിഡൻ്റാകുന്നത്.