ഇളവ് തൊഴില്‍ വിസ ഉള്ളവര്‍ക്കു മാത്രം
കൊവിഡ് വ്യാപനത്തെ തുടര്‍ന്നായിരുന്നു ഖത്തറില്‍ വിസയുള്ളവരാണെങ്കിലും രാജ്യത്തിന് പുറത്തു പോയി തിരികെ വരുമ്പോള്‍ പ്രത്യേക എന്‍ട്രി പെര്‍മിറ്റ് എടുക്കണമെന്ന് അധികൃതര്‍ വ്യവസ്ഥ ചെയ്തിരുന്നത്. എന്നാല്‍ രാജ്യം കൊവിഡ് പ്രതിരോധത്തില്‍ ഏറെ മുന്നേറിയ പശ്ചാത്തലത്തില്‍ ഘട്ടം ഘട്ടമായി വിവിധ മേഖലകളി ഇളവുകള്‍ നല്‍കിവരികയാണ്. ഇതിന്റെ ഭാഗമായാണ് രാജ്യത്ത് നിലവില്‍ തൊഴില്‍ വിസയുള്ളവര്‍ക്കും പുതിയ തൊഴില്‍ വിസയുമായി വരുന്നവര്‍ക്കും രാജ്യത്തിലേക്ക് പ്രവേശിക്കാന്‍ പ്രത്യേക അനുമതി വേണ്ടെന്ന് അധികൃതര്‍ തീരുമാനമെടുത്തത്. ഖത്തറിന് പുറത്ത് ഏതെങ്കിലും കാരണത്താല്‍ ആറ് മാസത്തില്‍ കൂടുതല്‍ കഴിയുകയോ വിസ കാലാവധി അവസാനിക്കുകയോ ചെയ്തിട്ടുണ്ടെങ്കില്‍ ഖത്തര്‍ ഇ വെബ്‌സൈറ്റായ ഹുക്കൂമി വഴിയോ മെത്രാഷ് 2 ആപ്പിലൂടെയോ അപേക്ഷ നല്‍കി ആവശ്യമായ ഫീസ് അടച്ച് മടങ്ങി വരാവുന്നതാണെന്നും അദ്ദേഹം അറിയിച്ചു. ആറ് മാസം തികയുന്നതിന് മുമ്പ് മടങ്ങി വരുന്നവര്‍ യാത്രയുടെ 12 മണിക്കൂര്‍ മുമ്പ് ഇഹ്തിറാസ് വെബ്സൈറ്റില്‍ രജിസ്റ്റര്‍ ചെയ്താല്‍ മതിയാവും.
വിസിറ്റ്, ടൂറിസ്റ്റ് വിസകളും അനുവദിച്ചു തുടങ്ങി
അതിനിടെ, കൊവിഡ് പശ്ചാത്തലത്തില്‍ താല്‍ക്കാലികമായി നിര്‍ത്തിവച്ചിരുന്ന വിസിറ്റ്, ടൂറിസ്റ്റ് വിസകള്‍ പുനരാരംഭിക്കാന്‍ ഖത്തര്‍ തീരുമാനിച്ചു. ഖത്തറില്‍ അംഗീകാരമുള്ള ഏതെങ്കിലുമൊരു വാക്‌സിന്‍ പൂര്‍ണമായി സ്വീകരിച്ചവര്‍ക്കാണ് സന്ദര്‍ശക വിസയില്‍ രാജ്യത്തേക്ക് വരാന്‍ അനുമതിയുള്ളത്. വാക്‌സിന്‍ എടുക്കാത്തവര്‍ക്ക് വിസ അനുവദിക്കില്ല. അതേസമയം, വരുന്ന രാജ്യത്തിന്റെ ഗ്രീന്‍, യെല്ലോ, റെഡ് കാറ്റഗറി അനുസരിച്ച് ക്വാറന്റൈന്‍, കൊവിഡ് ടെസ്റ്റ് നിബന്ധനകളില്‍ മാറ്റം വരും. കൊവിഡിന്റെ പശ്ചാത്തലത്തില്‍ താല്‍ക്കാലികമായി നിര്‍ത്തിവച്ച ഫാമിലി വിസകള്‍ പുനരാരംഭിക്കാന്‍ കഴിഞ്ഞ ആഴ്ച ഖത്തര്‍ തീരുമാനിച്ചിരുന്നു. മെട്രാഷ് 2 ആപ്പിലൂടൊണ് ഇതിനായി അപേക്ഷ നല്‍കേണ്ടത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : exceptional entry permit not required for those out of qatar for less than 6 months
Malayalam News from malayalam.samayam.com, TIL Network
