കുവൈത്ത് സിറ്റി> തിരുവനന്തപുരം നോൺ റെസിഡൻസ് അസോസിയേഷൻ ഓഫ് കുവൈത്ത് (ട്രാക്ക് ) 7-ാം വാർഷികാഘോഷം “ക്യാപിറ്റൽ ഫെസ്റ്റ്-2023” വിപുലമായ പരിപാടികളോടെ സംഘടിപ്പിച്ചു . അബ്ബാസിയ ഇന്ത്യൻ സെൻട്രൽ സ്കൂളിൽ നടന്ന പരിപാടിയുടെ സാംസ്കാരിക സമ്മേളനം പ്രശസ്ത സിനിമാതാരം കെ ബി ഗണേഷ്കുമാർ എം.എൽ.എ ഉദ്ഘാടനം ചെയ്തു. പ്രസിഡന്റ് എം.എ.നിസ്സാം അധ്യക്ഷത വഹിച്ചു.കോവളം എം.എൽ.എ അഡ്വ. എം.വിൻസന്റ് മുഖ്യ പ്രഭാഷണം നടത്തി.ചെയർമാൻ പി.ജി.ബിനു, ട്രഷറർ മോഹന കുമാർ എന്നിവർ സംസാരിച്ചു.വൈസ് പ്രസിഡൻറ്മാരായ ഡോക്ടർ ശങ്കരനാരായണൻ, ശ്രീരാഗം സുരേഷ്, പ്രോഗ്രാം കൺവീനർ പ്രദീപ് മോഹനൻ നായർ എന്നിവർ പങ്കെടുത്തു.
തുടർന്ന് സിനിമ പിന്നണി ഗായകരായ സൗമ്യ സനാതനൻ, സാംസൺ സിൽവൻ എന്നിവരുടെ നേതൃത്വത്തിൽ ഗാനമേളയും, കുവൈത്തിലെ പ്രമുഖ കലാപ്രതിഭകളുടെ വിവിധയിനം കലാപരിപാടികൾ അരങ്ങേറി. ഷൈജു പള്ളിപ്പുറം, ജിഞ്ചു ചാക്കോ എന്നിവർ അവതാരകരായിരുന്നു. അതിഥികൾക്കും കലാപരിപാടികൾ അവതരിപ്പിച്ചവർക്കും സ്ഥാപന മേധാവികൾക്കും സ്നേഹോപഹാരങ്ങൾ വിതരണം ചെയ്തു. വിവിധ സംഘടന നേതാക്കളും സാംസ്കാരിക പ്രവർത്തകരും ബിസിനസ് പ്രമുഖരും പൊതുജനങ്ങളും പങ്കെടുത്തു.പ്രോഗ്രാം ജനറൽ കൺവീനർ കെ.ആർ.ബൈജു സ്വാഗതവും പ്രോഗ്രാം ആർട്സ് കൺവീനർ പ്രിയ രാജ് നന്ദിയും പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
