ഗുണഭോക്താക്കളുടെ ചോദ്യങ്ങള്‍ക്ക് ഉത്തരം നല്‍കാന്‍ ഉപയോഗിക്കുന്ന മന്ത്രാലയത്തിന്റെ ട്വിറ്റര്‍ അക്കൗണ്ടിലാണ് ഇതുമായി ബന്ധപ്പെട്ട ചോദ്യം ഉയര്‍ന്നത്. അതിനുള്ള പ്രതികരണത്തിലാണ് വാരാന്ത്യ അവധി മൂന്ന് ദിവസമാക്കി ദീര്‍ഘിപ്പിക്കുന്നതിനെ കുറിച്ചുള്ള ആലോചന നടന്നുവരുന്നതായി അധികൃതര്‍ സമ്മതിച്ചത്. വര്‍ധിച്ച തൊഴിലവസരങ്ങള്‍ കൈവരിക്കുന്നതിനും പ്രാദേശിക, അന്തര്‍ദേശീയ നിക്ഷേപങ്ങള്‍ക്കുള്ള വിപണിയുടെ ആകര്‍ഷണീയത ഉയര്‍ത്തുന്നതിനുമായി ആനുകാലിക അവലോകനത്തിലൂടെ മന്ത്രാലയം നിലവിലെ തൊഴില്‍ സമ്പ്രദായം പഠിക്കുകയാണെന്ന് ട്വീറ്റില്‍ പറയുന്നു. പൊതുജനങ്ങളുടെയും വ്യാപാരി, വ്യവസായി മേഖലകളില്‍ പ്രവര്‍ത്തിക്കുന്നവരുടെയും അഭിപ്രായം കൂടി ആരാഞ്ഞ ശേഷം മാത്രമേ ഇക്കാര്യത്തില്‍ അന്തിരമ തീരുമാനം കൈക്കൊള്ളുകയുള്ളൂ.
2022 ജനുവരി ഒന്നിനാണ് യുഎഇയില്‍ ഞായയറാഴ്ച അവധി നല്‍കാന്‍ തീരുമാനിച്ചത്. നിലവിലെ വെള്ളി, ശനി വാരാന്ത്യ അവധിക്കു പകരം ശനി, ഞായര്‍ ദിവസങ്ങളിലേക്ക് അവധി മാറ്റുകയായിരുന്നു. അതേസമയം, വെള്ളിയാഴ്ചയിലെ ജുമുഅ നമസ്‌ക്കാരം പരിഗണിച്ച് വെള്ളിയാഴ്ചകളില്‍ ഉച്ചവരെ മാത്രമായി ജോലി സമയം പരിമിതപ്പെടുത്തുകയും ചെയ്തു. യുഎഇയിലെ എല്ലാ സര്‍ക്കാര്‍ സ്ഥാപനങ്ങളിലും പുതിയ സംവിധാനം നടപ്പിലാക്കിയിരുന്നു. സ്വകാര്യ മേഖലയ്ക്ക് വെള്ളിയാഴ്ച അവധിയുടെ കാര്യത്തില്‍ സ്വന്തമായി തീരുമാനിക്കാനുള്ള അവസരം നല്‍കിയിരുന്നുവെങ്കിലും മിക്ക സ്ഥാപനങ്ങളും ഇതേ രീതി പിന്തുടരുകയാണ് ചെയ്തത്. ചില സ്ഥാപനങ്ങള്‍ വെള്ളിയാഴ്ച വര്‍ക്ക് ഫ്രം ഹോം രീതിയിലേക്ക് മാറുകയും ചെയ്തു. എന്നാല്‍ ഷാര്‍ജ എമിറേറ്റ് ഇതില്‍ നിന്ന് വ്യത്യസ്തമായ രീതിയാണ് ഭരണാധികാരികള്‍ പിന്തുടര്‍ന്നത്. വെള്ളിയാഴ്ച ഉച്ചയ്ക്ക് ശേഷം മാത്രം അവധി നല്‍കുന്നതിന് പകരം മുഴുവനായും അവധി നല്‍കാനായിരുന്നു ഷാര്‍ജയുടെ തീരുമാനം. ഇതുപ്രകാരം ഷാര്‍ജയില്‍, വെള്ളി, ശനി, ഞായര്‍ എന്നിവ പുതിയ വാരാന്ത്യ അവധിയായി പ്രഖ്യാപിക്കുകയായിരുന്നു. ഇതുപ്രാകം നാല് ദിവസം മാത്രമാണ് ഷാര്‍ജയില്‍ പ്രവൃത്തി സമയം.
ഈ രീതി ഷാര്‍ജയില്‍ തൊഴിലാളികള്‍ക്കിടയില്‍ ഉല്‍പ്പാദനക്ഷമത കൂട്ടിയതായും മാനസികവും കുടുംബപരവുമായി സന്തോഷത്തിന് വഴിമരുന്നിട്ടതായും ഇതുമായി ബന്ധപ്പെട്ട സര്‍വേ വ്യക്തമാക്കിയിരുന്നു. കൂടുതല്‍ അവധിയെടുക്കുന്ന ശീലം ജീവനക്കാരില്‍ കുറഞ്ഞുവരുന്നതായും പഠനത്തില്‍ കണ്ടെത്തിയിരുന്നു. ഷാര്‍ജയിലേതു പോലെ സൗദിയിലും മൂന്ന് ദിവസത്തെ വാരാന്ത്യ അവധി നല്‍കാനാണ് ആലോചനയെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. അന്താരാഷ്ട്ര വിപണിയുമായി യോജിച്ച് പോകുന്നതിനു വേണ്ടിയാണ് ഞായറാഴ്ച ദിവസം അവധി നല്‍കുന്നതിനെ കുറിച്ച് സൗദിയും ആലോചിക്കുന്നത്.
അതിനിടെ, ഒമാനും മൂന്ന് ദിവസത്തെ വാരാന്ത്യ അവധിയുടെ കാര്യം പരിഗണിക്കുന്നതായി റിപ്പോര്‍ട്ടുകളുണ്ടായിരുന്നു. ഈ വിഷയത്തിലെ തീരുമാനം മന്ത്രിസഭയുടെ അധികാരപരിധിയില്‍ വരുന്നതാണെന്നും ഈ നിര്‍ദ്ദേശം പഠിച്ച് ചര്‍ച്ചയ്ക്ക് വെയ്ക്കുന്നതില്‍ എതിര്‍പ്പില്ലെന്നും തൊഴില്‍ മന്ത്രാലയത്തിലെ ഒരു ഉദ്യോഗസ്ഥന്‍ കഴിഞ്ഞ ദിവസം വ്യക്തമാക്കിയിരുന്നു.
Read Latest Gulf News and Malayalam News
കർഷകർ പറയുന്നിടത്ത് പരിശോധന വേണം
