സ്ത്രീകളോട് അനാദരവ് കാണിക്കുന്നത് ഗുരുതരമായ തെറ്റാണ്. ഇതിലൂടെ സ്വയം കളങ്കിതനാകുകയും റെയിൽ വെയെ ഒന്നടക്കം അപകീർത്തിപ്പെടുത്തുകയുമാണ് ഉണ്ടായത്. ഈ സംഭവത്തിൽ തക്ക ശിക്ഷ വിധിക്കുന്നത് ഉചിതമാണെന്ന് കരുതുന്നുവെന്ന് റെയിൽവെ മന്ത്രി പറഞ്ഞു. സംഭവദിവസം മുന്നാ കുമാർ അവധിയിലായിരുന്നുവെന്നും അദ്ദേഹം സഹരൻപൂരിലേക്ക് പോവുകയായിരുന്നുവെന്നും അധികൃതർ വ്യക്തമാക്കി.
‘തെര‍ഞ്ഞെടുപ്പ് വാഗ്ദാനങ്ങൾ എന്തായി?’; മന്ത്രിയോട് ചോദ്യം; ഉത്തർപ്രദേശിൽ മാധ്യമപ്രവർത്തകൻ അറസ്റ്റിൽ
സ്ത്രീ യാത്രക്കാരിയുടെ തലയിൽ മൂത്രമൊഴിച്ച സംഭവത്തിൽ ബീഹാറിലെ ബെഗുസരായ് സ്വദേശിയായ മുന്നാ കുമാറിനെ കഴിഞ്ഞ ദിവസം അറസ്റ്റ് ചെയ്തിരുന്നു. കോടതിയിൽ ഹാജരാക്കിയ ഇയാളെ ജുഡീഷ്യൽ കസ്റ്റഡിയിൽ അയച്ചു. സ്ത്രീയുടെ ഭർത്താവിൻ്റെ പരാതിയിൽ തിങ്കളാഴ്ച എഫ്‌ഐആർ രജിസ്റ്റർ ചെയ്തു. ആക്രമണം, സ്ത്രീക്കെതിരെയുള്ള അതിക്രമണം, സ്ത്രീകളെ അപമാനിക്കൽ എന്നീ വകുപ്പുകൾ പ്രകാരമാണ് കേസെടുത്തിരിക്കുന്നതെന്ന് ലഖ്നൗ ജിആർപി സർക്കിൾ ഓഫീസർ സഞ്ജയ് കുമാർ സിൻഹ പറഞ്ഞു.
അകാല്‍ തഖ്ത് എക്‌സ്പ്രസില്‍ (12317) ഭര്‍ത്താവിനൊപ്പം എ1 കോച്ചില്‍ യാത്ര ചെയ്ത സ്ത്രീക്ക് നേരെയാണ് തിങ്കളാഴ്ച പുലർച്ചെ 12.30ഓടെ അതിക്രമം ഉണ്ടായത്. ഭർത്താവിനൊപ്പം ട്രെയിനിലെ എസി കോച്ചിലെ ബർത്തിൽ യാത്ര ചെയ്യുകയായിരുന്ന സ്ത്രീയുടെ തലയിൽ മുന്നാ കുമാർ മദ്യലഹരിയിൽ മൂത്രമൊഴിക്കുകയായിരുന്നു. സ്ത്രീ യാത്രക്കാരി താഴത്തെ ബർത്തിലും മുന്നാ കുമാർ മുകളിലെ ബർത്തിലുമാണ് കിടന്നിരുന്നത്.
വീണ്ടും സീരിയൽ കില്ലർ? 4 മാസത്തിനിടെ 3 കൊലപാതകങ്ങൾ, മൃതദേഹങ്ങൾ ചീഞ്ഞളിഞ്ഞ നിലയിൽ റെയിൽവെ സ്റ്റേഷനുകളിൽ, മരിച്ചത് ആരെന്ന് തിരിച്ചറിയാനാകാതെ പോലീസ്
ടിടിഇ മുന്നാ കുമാർ ഭാര്യയുടെ തലയിൽ മൂത്രമൊഴിച്ചതായി സ്ത്രീയുടെ ഭർത്താവ് ആരോപിച്ചു. സംഭവത്തിൽ ഇയാൾ ലഖ്നൗ ജിആർപി പോലീസ് സ്റ്റേഷനിൽ രേഖാമൂലം പരാതി നൽകി. സഹയാത്രികരുടെയും ആർപിഎഫ് സ്‌ക്വാഡിന്റെയും സഹായത്തോടെയാണ് മുന്നാ കുമാറിനെ കസ്റ്റഡിയിലെടുത്തത്. ഇയാൾ മദ്യപിച്ചിരുന്നതായി മറ്റ് യാത്രക്കാർ പറഞ്ഞു. അതേസമയം, ഇയാളുടെ പക്കൽ നിന്നും മദ്യക്കുപ്പി കണ്ടെത്തിയില്ല. പോലീസിന് കൈമാറുന്നതിന് യാത്രക്കാർ ടിടിഇയെ മർദ്ദിച്ചതായി റിപ്പോർട്ടുണ്ട്. ചാർബാഗ് സ്റ്റേഷനിൽ വെച്ചാണ് മുന്നാ കുമാറിനെ അധികൃതർക്ക് കൈമാറിയത്.
Read Latest National News and Malayalam News
ഒറ്റപ്പാലം അമ്പലപ്പാറ പഞ്ചായത്ത് മൈതാനത്ത് പൊടിക്കാറ്റ് |Duststorm
