Curated by Karthik KK | Samayam Malayalam | Updated: 15 Mar 2023, 1:20 pm
തമിഴ്നാട്ടിൽ പീഡനക്കേസിൽ കോളേജ് പ്രിൻസിപാൾ അറസ്റ്റിൽ. മലയാളിയായ ജോർജ് എബ്രഹാം ആണ് അറസ്റ്റിലായത്. പോക്സോ വകുപ്പുകൾ അടക്കം ചേർത്താണ് അറസ്റ്റ്. കോതമംഗലം സ്വദേശിയാണ് ജോർജ് എബ്രഹാം.
ഹൈലൈറ്റ്:
- മലയാളി പ്രിൻസിപാൾ തമിഴ്നാട്ടിൽ അറസ്റ്റിൽ.
- കോതമംഗലം സ്വദേശിയായ ജോർജ് എബ്രഹാം ആണ് അറസ്റ്റിലായത്.
- പെൺകുട്ടിയോട് അപമര്യാദയായി പെരുമാറിയതിനാണ് കേസ്.
വിദ്യാര്‍ത്ഥിനിയെ പ്രത്യേക പരിശീലനത്തിന്‍റെ പേരില്‍ ജിമ്മിലേക്ക് വിളിച്ചുവരുത്തുകയായിരുന്നു. തുടർന്ന് പെൺകുട്ടിയോട് മോശമായി പെരുമാറി. ജോര്‍ജ്ജ് എബ്രഹാമിന്‍റെ പെരുമാറ്റം ചോദ്യം ചെയ്തതോടെ പെണ്‍കുട്ടിയെ ഭീഷണിപ്പെടുത്തുകയും ചെയ്തു. ആരോടെങ്കിലും പറഞ്ഞാൽ പ്രത്യാഘതമുണ്ടാകുമെന്നായിരുന്നു ഭീഷണി. ഭീഷണി അവഗണിച്ച് രണ്ടാം വർഷ ഡിഗ്രി വിദ്യാർത്ഥിനി മനേജ്മെന്റിന് പരാതി നൽകുകയായിരുന്നു.
മാർച്ച് പതിനൊന്നിനായിരുന്നു പെൺകുട്ടി പരാതി നൽകിയത്. ഇത് ആദ്യമായല്ല ജോര്‍ജ്ജ് എബ്രഹാം സമാനമായ കുറ്റകൃത്യങ്ങില്‍ ഏര്‍പ്പെടുന്നത്. നേരത്തെ 22 കാരിയായ ബിരുദാനന്തര ബിരുദ വിദ്യാര്‍ത്ഥിനിക്ക് അശ്ലീല സന്ദേശം അയച്ചതിന് ജോര്‍ജ്ജിനെതിരെ കേസ് എടുത്തിരുന്നു. ഈ കേസിൽ അറസ്റ്റ് ഒഴിവാക്കി കോടതിയിൽ കീഴടങ്ങുകയായിരുന്നു. ഈ കേസിൽ ജാമ്യം ലഭിച്ചു. പിന്നീട് വിദ്യാർത്ഥികളുടെ പ്രതിഷേധം അവഗണിച്ച് ജോലിയിൽ പ്രവേശിക്കുകയായിരുന്നു. കോതമംഗലം സ്വദേശിയാണ് ജോര്‍ജ്ജ് അബ്രഹാം.
പോക്സോ അടക്കമുള്ള വകുപ്പുകള്‍ ചുമത്തിയാണ് ഇയാളെ ഇപ്പോൾ അറസ്റ്റ് ചെയ്തിരിക്കുന്നത്. ഇയാൾ വിദ്യാർത്ഥിനിയോട് വീഡിയോ കോൾ ചെയ്യുന്നത് സോഷ്യൽ മീഡിയയിൽ പ്രചരിച്ചിരുന്നു. കുടുംബാംഗങ്ങളുടെ പ്രതികരണം ഭയന്നാണ് വിദ്യാര്‍ത്ഥികളില്‍ വലിയൊരു പങ്ക് പരാതി നല്‍കാത്തതെന്നാണ് റിപ്പോർട്ടുകൾ.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
