ടാ​ക്സി​ക​ളി​ൽ നി​ര​ക്കു​ക​ൾ കാ​ണി​ക്കാ​നു​ള്ള മീ​റ്റ​ർ സം​വി​ധാ​നം ഉ​ട​ൻ ഏ​ർ​പ്പെ​ടു​ത്തും: ഒമാൻ

മീറ്റർ ടാക്സികൾ സംബന്ധമായി പല സംശയങ്ങൾ ഇപ്പോൾ ഉയർന്നു വരുന്നുണ്ട്. ലൈൻ ടാക്സികളിലാണ് ബഹുഭൂരിപക്ഷവും യാത്ര ചെയ്യുന്നത്. താരതമ്യേന ചെലവ് കുറഞ്ഞതാണ് ഇവ. അടുത്തിടെ യാത്രക്കാരുടെ എണ്ണം കുറഞ്ഞിട്ടുണ്ടെങ്കിലും ഡ്രൈവർമാർക്കും ഇതുവഴി മോശമല്ലാത്ത ഒരു തുക വരുമാനമായി ലഭിക്കുന്നുണ്ട്. 200, 300 ബൈസക്ക് അധികം ദൈർഘ്യമില്ലാത്ത ദൂരങ്ങൾ യാത്രചെയ്യാൻ കഴിയുന്നതാണ് ഈ സംവിധാനം. യാത്രക്കാരന്റെ ലഭ്യത അനുസരിച്ചാണ് ഇവ ഓടുന്നതെങ്കിലും ദീർഘദൂര യാത്രക്കാർക്കുപോലും വലിയ ചെലവില്ലാതെ യാത്ര ചെയ്യാൻ ഇതിലൂടെ സാധിക്കും. മീറ്റർ ടാക്സി നിലവിൽവരുന്നതോടെ ലൈൻ ടാക്സികൾ നിലക്കുമോ എന്നാണ് പലരും സംശയിക്കുന്നത്. അതോ ഇത്തരം ടാക്സികളിൽ ഇനി മീറ്ററുകൾ ഘടിപ്പിക്കുമോ എന്ന സംശയവും പലർക്കും ഉണ്ട്.

Also Read: ജിദ്ദ വിമാനത്താവളത്തിൽ മലയാളി വനിത കുഴഞ്ഞുവീണു മരിച്ചു

റൂവിയിൽ അൽ ഖുവൈറിലേക്ക് 400 ബൈസ ഇപ്പോൾ ഈടാക്കുന്നത്. എന്നാൽ മീറ്റർ ടാക്സി വരുന്നതോടെ ഇത് മൂന്ന്, നാല് റിയാൽ ആയി ഉയരും. ടാക്സികളുടെ നിരക്ക് വർധിക്കുന്നത് കുറഞ്ഞ വരുമാനക്കാർ ആയ യാത്രക്കാർക്ക് വലിയ ചെലവായി മാറും. പലരും ചെറിയ ടാക്സികളെ ഒഴിവാക്കാൻ സാധ്യതയുണ്ട്. പിന്നീട് ബസ് സർവീസ് ആയിരിക്കും പലരും ആശ്രയിക്കുന്നത്. എന്നാൽ യാത്രക്കാർ കൂടാൻ തുടങ്ങിയാൽ ബസ് നിരക്ക് കൂട്ടും. മീറ്റർ ടാക്സികൾ സംബന്ധമായ വ്യക്തമായ വിവരങ്ങൾ വരും ദിവസങ്ങളിൽ അധികൃതർ പുറത്തു വിടും.

Read Latest Gulf News and Malayalam News