ബിപി നിയന്ത്രിയ്ക്കാന്‍ സഹായിക്കുന്ന ചില വഴികളുണ്ട്. ചില വീട്ടുവൈദ്യങ്ങള്‍, അടുക്കളയില്‍ നാം ഉപയോഗിയ്ക്കുന്ന പല ചേരുവകള്‍. ഇതിലൊന്നാണ് ഇഞ്ചി. ഏറെ ഔഷധ ഗുണങ്ങളുള്ള ഇത് ബിപി നിയന്ത്രിയ്ക്കാനുള്ള നല്ലൊരു മരുന്നു കൂടിയാണ്.
ഇഞ്ചി
ഇഞ്ചി ഭക്ഷണ ചേരുവകളിലെ രുചി വര്‍ദ്ധിപ്പിയ്ക്കുന്ന ഒന്നെന്നതിനുപരിയായി ഏറെ ആരോഗ്യഗുണങ്ങള്‍ ഉള്ള ഒന്നാണ്. ഇതിലെ ജിഞ്ചറോള്‍ ആന്റി ഓക്‌സിഡന്റ് ഗുണം നല്‍കുന്ന ഒന്നാണ്. ഇഞ്ചി രക്തക്കുഴലുകളിലെ ബ്ലഡ് ക്ലോട്ട് തടയുന്നു. ഇതിലൂടെ സുഗമമായ രക്തപ്രവാഹം ഉറപ്പു വരുത്തുന്നു.
രക്തക്കുഴലുകളില്‍ രക്തം കട്ടി പിടിയ്ക്കുന്നത് ഹൃദയത്തിലേയ്ക്കുള്ള രക്തപ്രവാഹത്തെ തടസപ്പെടുത്തുന്നു. ഇതിലൂടെ സ്‌ട്രോക്ക്, അറ്റാക്ക് തുടങ്ങിയ പല പ്രശ്‌നങ്ങളുമുണ്ടാകും. ഇതിനെല്ലാം തടയിടാന്‍ ഇഞ്ചിയ്ക്ക് സാധിയ്ക്കും.
ഇഞ്ചിയിട്ട് തിളപ്പിച്ച വെള്ളം
ഇഞ്ചി പല തരത്തിലും ബിപി നിയന്ത്രണത്തിന് ഉപയോഗിയ്ക്കാം. ഇതിനായി ഇഞ്ചിയിട്ട് തിളപ്പിച്ച വെള്ളം കുടിയ്ക്കുന്നത് ഏറെ നല്ലതാണ്. ഇതിനായി ഇഞ്ചി ചതച്ച് ഒന്നോ രണ്ടോ ഗ്ലാസ് വെള്ളത്തില്‍ തിളപ്പിച്ച് പകുതിയാക്കാം. ഇതിലേയ്ക്ക് ചെറുനാരങ്ങാനീര് ലേശം ചേര്‍ത്ത് കുടിയ്ക്കാം. ഇത് രക്തപ്രവാഹം വര്‍ദ്ധിപ്പിയ്ക്കുകയും ഇതിലൂടെ
ബിപി കുറയ്ക്കാന്‍ സഹായിക്കുകയും ചെയ്യുന്നു. നാരങ്ങ രക്തക്കുഴലുകളെ ശുദ്ധീകരിയ്ക്കാന്‍ ഏറെ നല്ലതാണ്. ഇത് രക്തപ്രവാഹം ശരിയായി നടക്കാന്‍ സഹായിക്കുന്നു.
ജിഞ്ചര്‍ ടീ
ബിപി കുറയ്ക്കാന്‍ ചായയിലും ഇഞ്ചി ചേര്‍ത്തു കുടിയ്ക്കാം. ഇഞ്ചിച്ചായ അഥവാ ജിഞ്ചര്‍ ടീ. ഇത് ചായ ആരോഗ്യകരമാക്കി മാറ്റുന്ന ഒന്നാണ്. ചായയില്‍ ഇഞ്ചിയും ഒപ്പം അല്‍പം കറുവാപ്പട്ടയും ചേര്‍ത്ത് തിളപ്പിച്ച് കുടിയ്ക്കാം. ഇത് ബിപി നിയന്ത്രിയ്ക്കാന്‍ നല്ലതാണ്. പ്രമേഹം, കൊളസ്‌ട്രോള്‍ പോലുള്ള അവസ്ഥകള്‍ക്കും ഇതേറെ ഗുണകരമാണ്.
കറുവാപ്പട്ടയും ഭക്ഷണത്തില്‍ ചേര്‍ക്കുന്ന ചേരുവയാണെങ്കിലും ഏറെ ആരോഗ്യ ഗുണങ്ങള്‍ ഒത്തിണങ്ങിയ ഒന്നാണ്.
മോരില്‍ ചേര്‍ത്ത്
ഇഞ്ചി മോരില്‍ ചേര്‍ത്ത് കുടിയ്ക്കുന്നതും ബിപി കുറയ്ക്കാന്‍ നല്ലൊരു വഴിയാണ്. കറിവേപ്പിലയും ഇതില്‍ ചേര്‍ക്കാം. ബിപി കുറയ്ക്കാന്‍ കറിവേപ്പിലയും നല്ലൊരു വഴി തന്നെയാണ്. ഇഞ്ചിയും കറിവേപ്പിലയും തുല്യ അളവില്‍ എടുത്ത് അരച്ച് മോരില്‍ ചേര്‍ത്ത് കഴിയ്ക്കാം. ഇതും ബിപി കുറയ്ക്കാന്‍ നല്ലതാണ്.
ഇഞ്ചി ചേര്‍ത്തുള്ള ഈ കൂട്ടുകള്‍ ബിപിയ്ക്ക് മാത്രമല്ല, കൊളസ്‌ട്രോള്‍, പ്രമേഹം തുടങ്ങിയ പല പ്രശ്‌നങ്ങള്‍ക്കും നല്ലൊരു മരുന്നാണ്. ഇവയ്‌ക്കൊപ്പം വ്യായാമം ശീലമാക്കാം. ശരീര ഭാരം നിയന്ത്രിയ്ക്കാം. ഉപ്പ് കുറയ്ക്കാം. സ്‌ട്രെസ്, പുകവലി, മദ്യപാനം എന്നിവ നിയന്ത്രിയ്ക്കുക. cashewnuts:കൊളസ്‌ട്രോള്‍ കൂടാതെ കശുവണ്ടിപ്പരിപ്പ് കഴിയ്ക്കാന്‍…..
disclaimer: ഇത് പൊതുവായ അറിവുകളുടെ അടിസ്ഥാനത്തില്‍ തയ്യാറാക്കിയ ലേഖനമാണ്. ഇതെക്കുറിച്ച് ആരോഗ്യവിദഗ്ധന്റെ ഉപദേശം തേടുന്നത് ഉചിതമായിരിയ്ക്കും.
