കാപ്പിപ്പൊടി
നല്ല ഇന്‍സ്റ്റന്റ് കാപ്പിപ്പൊടി നിങ്ങളുടെ വീട്ടില്‍ ഉണ്ടോ? എങ്കില്‍ ഒട്ടും അമാന്തിക്കാതെ നിങ്ങള്‍ക്ക് ഈ ഹെയര്‍ ഡൈ വീട്ടില്‍ തന്നെ തയ്യാറാക്കി എടുക്കാവുന്നതാണ്. ഇത് തയ്യാറാക്കുന്നതിനായി 2 ഡേബിള്‍സ്പൂണ്‍ ഇന്‍സ്റ്റന്റ് കാപ്പിപ്പൊടി എടുക്കുക. കാപ്പി കുരു കയ്യില്‍ ഉണ്ടെങ്കില്‍ അതും ഇതേ അളവില്‍ എടുത്താലും മതി. കാപ്പി കുരു ആണ് കയ്യില്‍ ഉള്ളതെങ്കില്‍ നന്നായി വരുത്ത് ചൂടാറിയതിന് ശേഷം പൊടിച്ച് വെക്കണം.
ഒരു കപ്പ് കണ്ടീഷ്ണറും എടുത്ത് വെക്കണം. അതുപോലെ, ഒരു ടവ്വല്‍, അല്ലെങ്കില്‍ തലമുടി കവര്‍ ചെയ്യുന്നതിന് ഒരു കവര്‍ എടുത്ത് വെക്കുക. ഷവര്‍ ക്യാപ് ഉള്ളവര്‍ അത് ഉപയോഗിച്ചാല്‍.
തയ്യാറാക്കി വെച്ചിരിക്കുന്ന കാപ്പിപ്പൊടി കണ്ടീഷ്ണറില്‍ മിക്‌സ് ചെയ്ത് വെക്കണം. ഇത് പുരട്ടുന്നതിന് മുന്‍പ് നിങ്ങള്‍ ഷാംപൂ ഉപയോഗിച്ച് മുടി നന്നായി കഴുകി എടുക്കുക. അതിന് ശേഷം ഈ മിക്‌സ് എടുത്ത് മുടിയില്‍ തേച്ച് പിടിപ്പിച്ച് കെട്ടി വെക്കണം. കവര്‍ ചെയ്ത് വെച്ച് ഒരു മണിക്കൂര്‍ ഇരിക്കുക. അതിനുശേഷം നന്നായി കഴുകി ഇരിക്കാവുന്നതാണ്. മുടിയില്‍ കാപ്പിപ്പൊടി ഇരിക്കുന്നില്ല എന്ന് ഉറപ്പ് വരുത്തണം.
ചെറുനാരങ്ങ
മുടിയിലെ നര മാറ്റാന്‍ ചെറുനാരങ്ങ ബെസ്റ്റാണ്. ഇത് തയ്യാറാക്കുന്നതിനായി നിങ്ങള്‍ കുറച്ച് നാരങ്ങനീര് ആവശഅയമായി വരും. ഇത് എടുത്ത് അരിച്ച് സ്‌പ്രേ ബോട്ടിലില്‍ ആക്കി വെക്കുക. മുടി നന്നായി ചീകിയതിന് ശേഷം ഇത് മുടിയുടെ എല്ലാഭാഗത്തേയ്ക്കും സ്‌പ്രേ അടിച്ച് കൊടുക്കണം.
ഇത്തരത്തല്‍ മുടിയുടെ എല്ലാഭാഗത്തേയ്ക്കും ആക്കിയെടുത്തതിന് ശേഷം കുറച്ച് നേരം മുടി സൂര്യപ്രകാശം കൊള്ളിക്കണം. ഒരു മണിക്കൂറിന് ശേഷം നിങ്ങള്‍ക്ക് ഇത് കഴുകി കളയാവുന്നതാണ്. ഇത്തരത്തില്‍ ചെയ്യുന്നതിലൂടെ മുടിയ്ക്ക് പതുക്കെ പതുക്കെ കറുപ്പ് നിറം നേടി എടുക്കാനും നര മാറ്റാനും സാധിക്കുന്നതാണ്.
ബീറ്റ്‌റൂട്ട്
മുടിയിലെ നര മാറ്റി എടുക്കാന്‍ ബീറ്റ്‌റൂട്ട് മാത്രം മതി. ഇത് തയ്യാറാക്കി എടുക്കാനും വളരെ ളെുപ്പവുമാണ്. ഇത് തയ്യാറാക്കാനായി ബീറ്റ്‌റൂട്ട് എടുത്ത് അരച്ച് അതിന്റെ നീര് എടുക്കാവുന്നതാണ്. ഈ ജ്യൂസ് തയ്യാറാക്കുമ്പോള്‍ ഇതില് വെള്ളം ചേര്‍ക്കരുത്. ഇതിലേയ്ക്ക് കുറച്ച് വെളിച്ചെണ്ണ ചേര്‍ക്കുക. ഇവ നന്നായി മിക്‌സ് ചെയ്ത് എടുക്കണം.
ഇത് നിങ്ങള്‍ മുടിയില്‍ തേച്ച് പിടിപ്പിക്കുക. അതിനുശേഷം മുടി ഒരു കവര്‍വെച്ച് പൊതിഞ്ഞ് വെക്കണം. ഒരു മണിക്കൂറിന് ശേഷം മുടി കഴുകി എടുക്കാവുന്നതാണ്. ഇത്തരത്തില്‍ ആഴ്ച്ചയില്‍ ഒരിക്കല്‍ വീതം ചെയ്യുന്നത് മുടിയ്ക്ക് നല്ല നിറം നല്‍കുന്നതിനും നര അകറ്റുന്നതിനും സഹായിക്കും.
Also Read: ഓഹോ! അപ്പോ ഇതായിരുന്നല്ലേ പഴമക്കാരുടെ മുടി പനങ്കുലപോലെ ആക്കിയ കാച്ചിയെടുത്ത എണ്ണ
ക്യാരറ്റ്
ബീറ്റ്‌റൂട്ട് ജ്യൂസ് പോലെ തന്നെ ക്യാരറ്റും മുടിയിലെ നരമാറ്റി എടുക്കാന്‍ സഹായിക്കുന്നുണ്ട്. ഇത് തയ്യാറാക്കി എടുക്കുന്നതിനായി ക്യാരറ്റ് എടുക്കുക. ഇത് വെള്ളം ചേര്‍ക്കാതെ അരച്ച് ഇതിന്റെ നീര് എടുക്കുക. ഇതിലേയ്ക്ക് വെളിച്ചെണ്ണ ചേര്‍ക്കണം. നന്നായി മിക്‌സ് ചെയ്ത് എടുക്കണം.
ഇത് മുടിയില്‍ എല്ലാഭാഗത്തും നന്നായി തേച്ച് പിടിപ്പിക്കുക. അതിന് ശേഷം ഒരു കവര്‍ ഉപയോഗിച്ച് മുടി പൊത്തി കെട്ടി വെക്കുക. ഒരു മണിക്കൂറിന് ശേഷം കഴുകി കളയാവുന്നതാണ്. കഴുകുമ്പോള്‍ ആപ്പിള്‍ സൈഡര്‍ വിനഗര്‍ ഉപയോഗിച്ച് മുടി ആദ്യം കഴുകി എടുക്കുക. ഇതും മുടിയിലെ നര മാറ്റി എടുക്കാന്‍ സഹായിക്കും. ഇതെല്ലാം അടുപ്പിച്ച് കുറച്ച് ദിവസം ചെയ്താല്‍ മാത്രമാണ് ഫലം ലഭിക്കുക.
