എന്നാല്‍ ചക്കക്കുരു കഴിയ്‌ക്കേണ്ട ഒരു ഭക്ഷണ വസ്തുവാണെന്ന് പ്രശസ്ത ഡയറ്റീഷ്യന്‍ റുജത പറയുന്നു. ഇത് നല്‍കുന്ന ആരോഗ്യ ഗുണങ്ങള്‍ ചെറുതല്ലെന്നും ഇവര്‍ വെളിപ്പെടുത്തുന്നു.
പ്രതിരോധ ശേഷി
ചക്കക്കുരു പ്രതിരോധ ശേഷി വര്‍ദ്ധിപ്പിയ്ക്കാന്‍ ഏറെ നല്ലതാണ്. ഇത് ആന്റി ബാക്ടീരിയല്‍, ആന്റി വൈറല്‍ ഗുണങ്ങള്‍ അടങ്ങിയ ഒന്നാണ്. വൈറ്റമിന്‍ എ, സി എന്നിവയും സിങ്കുമെല്ലാം ഇതില്‍ ധാരാളം അടങ്ങിയിട്ടുണ്ട്. ഇതെല്ലാം തന്നെ ശരീരത്തിന്റെ പ്രതിരോധ ശേഷി വര്‍ദ്ധിപ്പിയ്ക്കുന്ന ഘടകങ്ങളാണ്.
ബാക്ടീരിയ, ഫംഗസ്, വൈറസ് തുടങ്ങിയവ മൂലമുണ്ടാകുന്ന രോഗങ്ങൾക്കും ഭക്ഷ്യജന്യ രോഗങ്ങൾക്കും ചക്കക്കുരു ഫലപ്രദമായ മരുന്നാണ്. അയൺ കാൽസ്യം, ചെമ്പ്, പൊട്ടാസ്യം, മഗ്നീഷ്യം തുടങ്ങിയ ശരീരത്തിന് ആവശ്യമായ ഒട്ടുമിക്ക ധാതുക്കളും ചക്കക്കുരുവിൽ അടങ്ങിയിട്ടുണ്ട്.
ബിപി നിയന്ത്രിയ്ക്കാന്‍
ബിപി നിയന്ത്രിയ്ക്കാന്‍ ചക്കക്കുരു ഏറെ നല്ലതാണ്. ഇതിലെ നാരുകള്‍, റൈബോഫ്‌ളേവിന്‍, വൈറ്റമിന്‍ ബി എന്നിവ ബിപി നിയന്ത്രിയ്ക്കാന്‍ സഹായിക്കുന്നു. ബിപി നിയന്ത്രണത്തിന് മാത്രമല്ല, ഈ ഘടകങ്ങള്‍ രക്തത്തിലെ ഗ്ലൂക്കോസ് തോത് നിയന്ത്രിയ്ക്കാനും ഏറെ ഗുണകരമാണ്. ശരീരത്തില്‍ വീക്കവും നീരുമുണ്ടാകുന്നത് തടയാനും ഇത് ഏറെ നല്ലതാണ്.
ധാരാളം നാരുകള്‍ അടങ്ങിയ ചക്കക്കുരു ദഹനാരോഗ്യത്തിനും ഉത്തമമാണ്. കണ്ണിന്റെ ആരോഗ്യത്തിന് ഏറ്റവും പ്രധാനപ്പെട്ട പോഷകമാണ് വൈറ്റമിന്‍ എ. ഇതിന്റെ ഉറവിടം കൂടിയാണ് ചക്കക്കുരു.
ചര്‍മരോഗ്യത്തിന്
ചര്‍മരോഗ്യത്തിന് ചക്കക്കുരു മികച്ച ഒന്നാണ്. ഇതിലെ ഫോളിഫിനോളുകള്‍ ചര്‍മത്തിന് പ്രായക്കുറവ് തോന്നിപ്പിയ്ക്കാന്‍ സഹായിക്കുന്നു. ചർമ്മപ്രശ്നങ്ങൾക്കും കറുത്ത പാടുകൾ ചർമ്മത്തിലെ ചുളിവുകൾ എന്നിവയ്ക്കും ചക്കക്കുരു ഔഷമായി ഉപയോഗിക്കാവുന്നതാണ്.
മുഖത്തിന്റെ മൃദുലതയും തിളക്കവും വർദ്ധിപ്പിക്കാനും മുഖക്കുരു പോലുള്ള പ്രശ്നങ്ങളെ ചെറുക്കാനും ചക്കക്കുരു വഴി സാധിയ്ക്കുന്നു. ഇതിലെ ആന്റി ഓക്‌സിഡന്റുകളും വൈറ്റമിന്‍ സിയുമെല്ലാം തന്നെ ആരോഗ്യത്തോടൊപ്പം ചര്‍മ ഗുണങ്ങള്‍ കൂടി നല്‍കുന്നവയാണ്. ആന്റിഓക്സിഡന്റുകൾ ധാരാളമായി അടങ്ങിയിരിക്കുന്നതിനാൽ മുടിയുടെ വളർച്ചയ്ക്കും ചക്കക്കുരു ഗുണം ചെയ്യുന്നു.
ചക്കക്കുരു കഴിച്ചാല്‍ ഗുണങ്ങളേറെ
അയേണ്‍
സ്ത്രീ പുരുഷന്മാരിലെ വന്ധ്യതാ പ്രശ്‌നങ്ങള്‍ക്കുള്ള ഒരു സ്വാഭാവിക പരിഹാര വഴി കൂടിയാണിത്. ഇത് പ്രത്യുല്‍പാദന ശേഷി വര്‍ദ്ധിപ്പിയ്ക്കുന്നു. ഹോര്‍മോണ്‍ ആരോഗ്യം മെച്ചപ്പെടുത്തുന്നു. ഇതിലെ സിങ്ക് പുരുഷ ഹോര്‍മോണായ ടെസ്‌റ്റോസ്റ്റിറോണ്‍ ഉല്‍പാദനത്തിന് ഗുണകരമാണ്
അയേണ്‍ ടോണിക്കിന് പകരം വയ്ക്കാവുന്ന ഭക്ഷണ വസ്തുവാണ് ചക്കക്കുരുവെന്നത്.
ഇതില്‍ ധാരാളം അയേണ്‍ അടങ്ങിയിട്ടുണ്ട്. ഇതിനാല്‍ തന്നെയും വിളര്‍ച്ചാ പ്രശ്‌നങ്ങള്‍ ഉള്ളവര്‍ക്ക് ഇത് നല്ലൊരു മരുന്നാണ്. ചെറു ചൂടുവെള്ളത്തിൽ ചക്കക്കുരു പൊടിച്ചത് ഇളക്കിച്ചേർത്ത് കഴിക്കുന്നത് വിളർച്ചയെ ശമിപ്പിക്കും
പല രൂപത്തിലും
ഇത് പല രൂപത്തിലും കഴിയ്ക്കാം. ഷേക്ക് ആയി കഴിയ്ക്കാം. കറികളില്‍ ചേര്‍ക്കാം. ഉണക്കിപ്പൊടിച്ച് സൂക്ഷിച്ചു വച്ച് കഴിയ്ക്കാം. ചക്കക്കുരു മെഴുക്കുപുരട്ടി ഏറെ സ്വാദിഷ്ടമാണ്.
മലയാളികളുടെ പ്രിയവിഭവമായ അവിയല്‍, ചക്കക്കുരു മാങ്ങാക്കറി, മുരിങ്ങായിട്ട കറി എന്നിങ്ങനെ പല രൂപത്തിലും ഇത് ഉപയോഗിയ്ക്കാം. ഇത് റോസ്റ്റ് ചെയ്ത് കഴിയ്ക്കാനും സാധിയ്ക്കും. സ്വാദിഷ്ടമാണ് ഇത്. ആരോഗ്യ ഗുണങ്ങള്‍ ഏറെയുള്ള നട്‌സിന്റെ കൂട്ടത്തില്‍ തന്നെയാണ് ചക്കക്കുരുവിന്റേയും സ്ഥാനം.
