റോഡുകളിൽ വാഹനം പാർക്ക് ചെയ്യരുത്; പിഴ ചുമത്തും: ​ഗഡ്കരി

ആളുകൾ കൂടുതലായി ഇലക്ട്രിക്ക് വാഹനങ്ങളോ എഥനോൾ ചേർത്ത ഇന്ധനം ഉപയോഗിക്കുന്ന വാഹനങ്ങളോ വാങ്ങണമെന്ന കേന്ദ്ര ഉപരിതല ഗതാഗതവകുപ്പുമന്ത്രി പറഞ്ഞു. വരുന്ന അഞ്ച് വർഷത്തിനുള്ളി രാജ്യത്ത് പെട്രോൾ ഡീസൽ ഉപയോഗം ആവസാനിപ്പിക്കുന്നതിന്റെ ഭാഗമായാണ് ഗഡ്കരി ഇത്തരത്തിൽ ഒരു നിർദ്ദേശം മുന്നോട്ട് വച്ചിരിക്കുന്നത്.

പെട്രോളിനും ഡീസലിനും പകരമായി എൽ എൻ ജി, സി എൻ ജി, ബയോ ‍ഡീസൽ, ഹൈഡ്രജൻ, ഗ്രീൻ ഹൈഡ്രജൻ, എഥനോൾ എന്നിവ ഉപയോഗിക്കുക എന്നതാണ് തന്റെ ലക്ഷ്യമെന്നും അദ്ദേഹം പറഞ്ഞു.

അഞ്ചു വർഷം കൊണ്ട് രാജ്യത്ത് പെട്രോൾ ഡീസൽ ഉപയോഗം അവസാനിപ്പിക്കുന്നതിന് ജനങ്ങളുടെ പിന്തുണ ആവശ്യമാണ്. ഇലക്ട്രിക് വാഹനങ്ങൾ വാങ്ങണമെന്നാണ് അഭ്യർത്ഥന. പെട്രോൾ-ഡീസൽ വാഹനങ്ങൾ വാങ്ങരുത്. ഇലക്ട്രിക് കാറുകളോ ഫ്ലെക്സ് എൻജിൻ കാറുകളോ വാങ്ങൂ. കർഷകരുണ്ടാക്കുന്ന എഥനോൾ നിങ്ങൾക്ക് ഫ്ളെക്സ് എൻജിൻ കാറുകളിൽ ഉപയോഗിക്കാം. ഇപ്പോൾ നമ്മുടെ കർഷകർ അന്നദാതാക്കൾ മാത്രമല്ല, ഊർജദാതാക്കളാണെന്നും കേന്ദ്രമന്ത്രി പറഞ്ഞു.

Also Read : ‘നിർഭാഗ്യവശാൽ ഞാനൊരു അംഗമായെ’ന്ന് രാഹുൽ ഗാന്ധി; തിരുത്തി ജയറാം രമേഷ്; എത്രനാൾ ഇങ്ങനെ തിരുത്തുമെന്ന് ബിജെപി

ഇലക്ട്രിക് വാഹനങ്ങളുടെ ചാർജിങ് സ്റ്റേഷനുകൾക്ക് സൈബർ ആക്രമണം നേരിടേണ്ടി വന്നേക്കാമെന്ന് കഴിഞ്ഞ ദിവസം നിതിൻ ഗഡ്കരി വ്യാഴാഴ്ച പാർലമെന്റിനെ അറിയിച്ചിരുന്നു. ഇ വി ചാർജിങ് സ്റ്റേഷനുകളുമായി ബന്ധപ്പെട്ട ഉൽപ്പന്നങ്ങളിലും ആപ്ലിക്കേഷനുകളിലും സുരക്ഷാ വീഴ്ചകൾ സംഭവിച്ചതായുള്ള റിപ്പോർട്ട് ലഭിച്ചതായി ഇന്ത്യയിലെ സൈബർ സുരക്ഷാ സംഭവങ്ങൾ നിരീക്ഷിക്കുന്ന ഇന്ത്യൻ കംപ്യൂട്ടർ എമർജൻസി റെസ്പോൺസ് ടീം അറിയിച്ചിട്ടുണ്ട്.

Read Latest National News and Malayalam News