ഇത് പ്രകാരം തടി കുറയ്ക്കാനും ഭാരം വര്‍ദ്ധിപ്പിയ്ക്കാനും ലൈഫ്‌സ്റ്റൈല്‍ രോഗങ്ങള്‍ നിയന്ത്രിയ്ക്കാനുമെല്ലാം വ്യത്യസ്ത വര്‍ക്കൗട്ടുകളും രീതികളും ഡയറ്റുമെല്ലാമുണ്ട്.
വര്‍ക്കൗട്ട്
ഡയറ്റും വ്യായാമവും ചേര്‍ന്നതാണ് നവ്യയുടെ ഡയറ്റ് പ്ലാന്‍. രാവിലെ ദിവസം തുടങ്ങുന്നത് ഒരു ആരോഗ്യകരമായ ഷേക്ക് കുടിച്ചാണ്. പാല്‍ രാവിലെ കുടിയ്ക്കുന്ന ശീലമായത് കൊണ്ടു തന്നെ പാലില്‍ കുതിര്‍ത്ത് തൊലി ളഞ്ഞ ആറ് ബദാം, മൂന്ന് നാല് ഉണക്കമുന്തിരി, ഒരു ഈന്തപ്പഴം, എന്നിവ ചേര്‍ത്തിളക്കി അടിച്ചാണ് നവ്യ കുടിയ്ക്കുന്നത്. കൊഴുപ്പ് കളഞ്ഞ പാല്‍ ആണ് ഉപയോഗിയ്ക്കുന്നത്.
രാവിലെ 6.30-7 മണിയോടെയാണ് വര്‍ക്കൗട്ട് സമയം. ഷൂട്ടിംഗും മറ്റ് പരിപാടികളും തടസപ്പെടുത്താതിരിയ്ക്കാനാണ് ഈ സമയം തെരഞ്ഞെടുത്തിരിയ്ക്കുന്നത്. വാംഅപ് ശേഷം തന്നെയാണ് ജമ്പിംഗ് ജാക്‌സ് അടക്കമുള്ള വ്യായാമങ്ങള്‍ ചെയ്യുന്നത്. ഇവയ്ക്കിടെ ഇടവേളയെടുക്കാതെ ചെയ്യുന്നത് കൂടുതല്‍ ഗുണം നല്‍കുമെന്ന് നവ്യ പറയുന്നു. ആദ്യത്തെ സെറ്റ് തുടര്‍ച്ചയായി ചെയ്ത് അല്‍പം ബ്രേക്കെടുത്ത് അടുത്ത സെറ്റുകള്‍ ചെയ്യുന്ന രീതിയാണ് ഇവരുടേത്.
പ്രാതല്‍
പ്രാതല്‍ 8.30 ആണ് സമയം. അവരവരുടെ ഇഷ്ടപ്രകാരം തയ്യാറാക്കി നല്‍കുന്ന ഡയറ്റാണ് ഈ രീതിയിലുള്ളത്. നവ്യയുടെ ഡയറ്റ് പ്രകാരം രണ്ട് മുട്ട ചേര്‍ത്ത പാന്‍കേയ്ക്ക്, ദോശ, ചപ്പാത്തി, അപ്പം എന്നിവയെങ്കില്‍ 2, ഓട്‌സ് എന്നിവയില്‍ ഏതെങ്കിലും കഴിയ്ക്കാം. ഓട്‌സ് വേവിച്ചതില്‍ അല്‍പം സ്‌കിം മില്‍ക് ചേര്‍ത്ത് അല്‍പം ഉപ്പ് ചേര്‍ത്ത് ആറിക്കഴിയുമ്പോള്‍ ഇതില്‍ ഫ്രൂട്‌സ് കൂടി ചേര്‍ത്ത് കഴിയ്ക്കുന്ന രീതിയാണ്.
ഇതില്‍ ഡേറ്റ്‌സ്,ആല്‍മണ്ട് എന്നിവയെല്ലാം തന്നെ ചേര്‍ക്കാം. ഇത് ക്രാഷ് ഡയറ്റല്ല. ഇതിനാല്‍ തന്നെ വീട്ടിലുണ്ടാക്കുന്ന ഭക്ഷണം ഇതില്‍ കഴിയ്ക്കാമെന്നതാണ് ഗുണം. അതേ സമയം സമയത്ത് കുറഞ്ഞ അളവില്‍ കഴിയ്ക്കാം. ദിവസം അഞ്ച് ഭക്ഷണം എന്നതാണ് രീതി.
ഭക്ഷണം
രാവിലെ ഷേക്ക്, പ്രാതല്‍, 11.30ന് ബ്രഞ്ച്, സാധാരണ 1-1.3ന് ബ്രഞ്ച്, വൈകീട്ട് 4-4.30ന് ടീ, വേണമെങ്കില്‍ ഏതെങ്കിലും പഴം, രാത്രിയില്‍ അത്താഴം, കിടക്കാന്‍ നേരത്ത് മഞ്ഞള്‍പ്പാല്‍ എന്നിവയാണ് ഇത് പ്രകാരം നവ്യയുടെ ഭക്ഷണം. ബ്രഞ്ചിന് ഒരു കൈപ്പിടി കപ്പലണ്ടി, ഗ്രീന്‍ ടീ എന്നിവയെന്തെങ്കിലുമാകാം. കുക്കുമ്പര്‍, തൈര്, ഇഞ്ചി, അല്‍പം ഉപ്പ്, വെളുത്തുള്ളി, പച്ചമുളക് എന്നിവയെല്ലാം ചേര്‍ത്തുണ്ടാകുന്ന ജ്യൂസാണ് ചിലപ്പോള്‍ നവ്യയുടെ ബ്രഞ്ച്. എരിവും ഉപ്പുമെല്ലാം വേണമെന്നുള്ളതിനാല്‍ തന്നെയാണ് ഈ രീതിയില്‍ ബ്രഞ്ച് നവ്യ കഴിയ്ക്കുന്നത്.
ഇത് പ്രകാരം ഉച്ചയ്ക്ക് ഗോതമ്പ് ഭക്ഷണം കഴിയ്ക്കുന്നു. രാത്രിയില്‍ അരി ഭക്ഷണവും. അരി ഭക്ഷണം പെട്ടെന്ന് ദഹിയ്ക്കുമെന്നതിനാലാണ് രാത്രിയില്‍ ഇത് കഴിയ്ക്കുന്നത്. ഉച്ചയ്ക്ക് ഗോതമ്പ് പുട്ടോ മറ്റോ ഒപ്പം പച്ചക്കറിയും ചിക്കനോ മുട്ടയോ ഫിഷോ കഴിയ്ക്കാം. എങ്കില്‍ പോലും രാത്രിയിലാണ് മുട്ട, മീന്‍ എന്നിവ ഈ ഡയറ്റ് അനുസരിച്ച് മുന്‍ഗണന നല്‍കുന്നത്. അളവ് പ്രധാനമാണ്. അതായത് വലിച്ചു വാരി കഴിയ്ക്കാന്‍ ആകില്ലെന്നര്‍ത്ഥം.
ഹല്‍ദി മില്‍ക്
വൈകിട്ട് നാലര മണിക്ക് ഒരു ഫ്രൂട്ടും ഗ്രീന്‍ ടീയുമാണ് ഈ വര്‍ക്കൗട്ട് പ്ലാന്‍ പ്രകാരം പറയുന്നത്. 7 മണിക്കാണ് ഡിന്നര്‍ സമയം. എട്ട് മണിയ്ക്ക് മുന്‍പായി ഡിന്നര്‍ പൂര്‍ത്തിയാക്കുകയെന്നതാണ് ഡയറ്റ് പ്രകാരമുള്ളത്. ഇതില്‍ ചോറ് ഒപ്പം പച്ചക്കറി, പ്രോട്ടീന്‍ എന്നിവ വേണം. ഇതല്ലെങ്കില്‍ ചോറ്, മീന്‍ കറി എന്നിവയാകാം.
ഇഷ്ടപ്പെട്ട രീതിയില്‍ കഴിയ്ക്കാം. അതേ സമയം ചോറ് കുറവ് എന്നത് പ്രധാനമാണ്. മസാലകള്‍ പൊതുവേ ഈ വര്‍ക്കൗട്ട് ഡയറ്റ് പ്രകാരം കുറവാണ് ചേര്‍ക്കേണ്ടത്.
രാത്രി കിടക്കാന്‍ നേരത്ത് ഹല്‍ദി മില്‍ക് അഥവാ മഞ്ഞള്‍പ്പാല്‍ കുടിയ്ക്കാം. നല്ല ഉറക്കത്തിനും ആരോഗ്യത്തിനും ഇതേറെ നല്ലതാണ്. 7 മണിക്കൂറെങ്കിലും ഉറങ്ങുകയെന്നത് പ്രധാനമാണ്. രാത്രി 10 മണിയോടെ സാധാരണ ഗതിയില്‍ ഉറങ്ങുന്നതാണ് രീതിയെന്ന് നവ്യ വീഡിയോയില്‍ വെളിപ്പെടുത്തുന്നു.
