പഴങ്ങള്‍ കറുക്കുന്നത് എന്തുകൊണ്ട്
പൊതുവില്‍ പഴം, അതുപോലെ, ആപ്പിള്‍ എന്നിവയെല്ലാം തന്നെ മുറിച്ച് വെച്ചാല്‍ കുറച്ച് നിമിഷങ്ങള്‍ക്കുള്ളില്‍ നിറം മാറുന്നത് കാണാം. ഇതിന് പ്രധാന കാരണം ഇത്തരം പഴങ്ങളില്‍ അടങ്ങിയിരിക്കുന്ന കെമിക്കലുകളാണ്. ഇവ വായുവുമായി പ്രവര്‍ത്തിക്കുന്നത് മൂലമാണ് മുറിച്ച് വെച്ചതിന് ശേഷം ഇതിന്റെ നിറം മാറുന്നത്.
ഇത്തരം പഴങ്ങളുടെ നിറം മാറാതിരിക്കാന്‍ നിങ്ങള്‍ ശ്രദ്ധിക്കേണ്ട കാര്യങ്ങള്‍ എന്തെല്ലാമെന്ന് നോക്കാം.
കഴുകുക
നമ്മള്‍ ആപ്പിള്‍ മുറിച്ച് കഴിഞ്ഞാല്‍ ഉടനെത്തന്നെ കഴുകി എടുക്കുക. നല്ല തണുത്ത വെള്ളത്തില്‍ കഴുകി എടുത്താല്‍ അത്രയും നല്ലതാണ്. ഇത് എന്‍സൈംസിന്റെ അളവ് കുറയ്ക്കാന്‍ സഹായിക്കുന്നു. അതിനാല്‍ തന്നെ ഇത് വായുവുമായി പ്രവര്‍ത്തിച്ച് നിറം മാറാനുള്ള സാധ്യത കുറയ്ക്കുന്നു. കൂടാതെ, ആപ്പിള്‍ കുറേ നേരത്തേക്ക് നല്ല ഫ്രഷ് ആയി ഇരിക്കുന്നതിനും ഇത് സഹായിക്കുന്നുണ്ട്.
ഉപ്പ് വെള്ളം
നമ്മള്‍ പുറത്ത് നിന്നും പച്ചക്കറികള്‍ അല്ലെങ്കില്‍ പഴ വര്‍ഗ്ഗങ്ങള്‍ നമ്മള്‍ ഉപ്പ് വെള്ളത്തില്‍ മുക്കി വെക്കാറുണ്ട്. ഇതില്‍ നിന്നുള്ള വിഷങ്ങളും ബാക്ടീരിയകളും പോകുന്നതിന് വേണ്ടിയാണ് ഉപ്പ്വെള്ളത്തില്‍ മുക്കി വെക്കുന്നത്. അതുപോലെ തന്നെ, ആപ്പിള്‍ വാങ്ങിയാലും ആദ്യം തന്നെ നല്ല ഉപ്പ് വെള്ളത്തില്‍ കുറച്ച് നേരം മുക്കി വെച്ചതിന് ശേഷ കഴുകി എടുക്കുക.
അതുപോലെ. ആപ്പിള്‍ മുറിച്ചതിന് ശേഷം ഒരു പാത്രത്തില്‍ കുറച്ച് തണുത്തവെള്ളം എടുക്കുക. ഇതിലേയ്ക്ക് കുറച്ച് ഉപ്പ് ഇട്ട് വെക്കണം. ഇതിലേയ്ക്ക് ആപ്പിള്‍ മുറിച്ചത് ഇട്ട് നന്നായി തുച്ച് എടുത്ത് വെക്കുക. ഇത് നല്ല എയര്‍ കടക്കാത്ത ഒരു കവറില്‍ ആക്കി അടച്ച് വെക്കാവുന്നതാണ്.
തേന്‍
ആപ്പിള്‍ നിറം മങ്ങാതിരിക്കാന്‍ നമ്മള്‍ക്ക് വീട്ടില്‍ ഉപയോഗിക്കാവുന്ന മറ്റൊരു എളുപ്പവഴിയാണ് തേന്‍ ഉപയോഗിച്ച് ഉള്ളത്. നിങ്ങള്‍ ബാക്കി വന്ന ആപ്പിള്‍ കഷ്ണങ്ങള്‍ കളയുന്നതിന് പകരം ഈ വിദ്യ പ്രയോഗിച്ചാല്‍ കുറേ നേരത്തേക്ക് ഇത് നിറം മങ്ങാതെ ഇരിക്കും.
ഇതിനായി ചെറു ചൂടുവെള്ളം എടുക്കുക. ഇതിലേയ്ക്ക് കുറച്ച് തേന്‍ ചേര്‍ക്കുക. ഇതിലേയ്ക്ക് മുറിച്ച് വെച്ചിരിക്കുന്ന ആപ്പിള്‍ ഇടണം. രണ്ട് മൂന്ന് മിനിറ്റ് ആപ്പിള്‍ ഈ വെള്ളത്തില്‍ കിടന്നതിന് ശേഷം തുടച്ച് എടുക്കാവുന്നതാണ്. അതിന്‌ശേഷം ഒരു കവറിലാക്കി സൂക്ഷിക്കാം. അല്ലെങ്കില്‍ ചെപ്പില്‍ ആക്കി സൂക്ഷിക്കാവുന്നതാണ്. ആപ്പിള്‍ കുറേ നേരത്തേക്ക് നിറം മങ്ങാതെ നിലനില്‍ക്കാന്‍ ഇത് സഹായിക്കും.
നാരങ്ങാനീര്
ആപ്പിളിന്റെ നിറം മങ്ങാതെ സൂക്ഷിക്കാന്‍ ചെറുനാരങ്ങയും ഉപയോഗിക്കാവുന്നതാണ്. ഇതിനായി ഒരു പാത്രത്തില്‍ ചെറുചൂടുവെള്ളം എടുക്കുക. ഇതിലേയ്ക്ക് കുറച്ച് തേനും അതുപോലെ നാരങ്ങാനീരും ചേര്‍ക്കുക.
ഇതിലേയ്ക്ക് മുറിച്ച് വെച്ചിരിക്കുന്ന ആപ്പിള്‍ ചേര്‍ക്കണം. കുറച്ച് സമയം ആപ്പിള്‍ ഇതില്‍ മുങ്ങികിടന്നതിന് ശേഷം എടുത്ത് തുടച്ച് ഒരു പാത്രത്തില്‍ എയര്‍ കടക്കാത്ത വിധത്തില്‍ അടച്ച് വെക്കാവുന്നതാണ്.
ഫ്രിഡ്ജ്
വീട്ടില്‍ ഫ്രിഡ്ജ് ഉണ്ടെങ്കില്‍ അതില്‍ നുറുക്കിയ ആപ്പിള്‍ വെച്ച് മൂടി വെക്കുന്നതും ആപ്പിളിന്റെ നിറം മങ്ങാതിരിക്കാന്‍ ഇത് സഹായിക്കും. അല്ലെങ്കില്‍ എന്തെങ്കിലും ഫുഡ് തയ്യാറാക്കാനാണ് ആപ്പിള്‍ നുറുക്കുന്നതെങ്കില്‍ ആപ്പിള്‍ നുറുക്കിയതിന് ശേഷം ഐസ് വെള്ളത്തില്‍ ഇട്ട് വെക്കുന്നതും നിറം മങ്ങാതിരിക്കാന്‍ സഹായിക്കുന്നതാണ്.
