മുഖത്തെ ചുളിവകളും പാടുകളും മാറ്റാൻ എളുപ്പത്തിൽ ചെയ്യാം ഈ ഫേസ് പാക്കുകൾ

30 ആകുമ്പോൾ തന്നെ ചർമ്മത്തിൽ ചുളിവുകളും പാടുകളും വീഴുന്നത് പലരെയും അലട്ടുന്ന പ്രധാന പ്രശ്നമാണ്. ചർമ്മ സംരക്ഷണത്തിൽ വിട്ടുവീഴ്ചയ്ക്ക് തയാറാകാത്തവരാണ് പല സ്ത്രീകളും. എപ്പോഴും ചെറും നിലനിർത്താൻ ആഗ്രഹമുള്ളവരാൻ് ഭൂരിഭാഗം ആളുകളും. പല തരത്തിലുള്ള ക്ലെൻസിങ്ങും മോയ്ചറൈസിങ്ങുമൊക്കെ പലരും പിന്തുടരാറുണ്ട്. ചർമ്മത്തിൻ്റെ തിളക്കം നിലനിർത്തി ചുളിവുകളും പാടുകളും മാറ്റാൻ വീട്ടിൽ തന്നെ ചെയ്യാൻ കഴിയുന്ന ചില കാര്യങ്ങളുണ്ട്. ദിവസവും പിന്തുടരുന്ന മോശം ജീവിതശൈലിയും അന്തരീക്ഷ മലിനീകരണവുമൊക്കെയാണ് പലപ്പോഴും ഇതിൻ്റെ പ്രധാന കാരണം. ഇത്തരം പ്രശ്നങ്ങൾ നേരിടുന്നവർക്ക് വീട്ടിൽ തന്നെ ചെയ്യാൻ കഴിയുന്ന ഒരു ഫേസ് പാക്ക് നോക്കാം.

മാതളത്തിൻ്റെ തൊലി

മാതള നാരങ്ങ ആരോഗ്യത്തിന് ഏറെ നല്ലതാണെന്ന് എല്ലാവർക്കുമറിയാം. മാതളം കഴിച്ചിട്ട് പലപ്പോഴും തൊലി കളയാറാണ് പതിവ്. പക്ഷെ ഇനി അങ്ങനെ ചെയ്യരുത്. കാരണം മാതള നാരങ്ങയുടെ തൊലിയിൽ ധാരാളം ഗുണങ്ങൾ അടങ്ങിയിരിപ്പുണ്ട്. പ്രധാനമായും, ഈ പഴത്തിന്റെ തൊലിയിൽ ആന്റിഓക്‌സിഡന്റ് ഘടകങ്ങൾ ധാരാളമുണ്ട്. എല്ലാ ചർമ്മപ്രശ്നങ്ങളും ഇല്ലാതാക്കാൻ ഇവ സഹായിക്കുന്നു. ആരോഗ്യത്തോടൊപ്പം ചർമ്മ സംരക്ഷണത്തിനും ഏറെ പ്രധാനമാണ് മാതളം.

ഫേസ് പാക്ക്

ആദ്യം മാതളനാരങ്ങയുടെ തൊലി നന്നായി ഉണക്കി പൊടിച്ച് എടുക്കുക. 2 ടേബിൾ സ്പൂൺ പാൽപ്പാടയും അതേ അളവിൽ ചെറുപയർ പൊടിയും മാതളത്തിൻ്റെ തൊലിയും ചേർത്ത് പേസ്റ്റ് രൂപത്തിലാക്കുക. ഈ പേസ്റ്റ്

മുഖത്തും കഴുത്തിലും പുരട്ടി വൃത്താകൃതിയിൽ രണ്ട് മിനിറ്റ് നന്നായി മസാജ് ചെയ്യുക.

ഏകദേശം പതിനഞ്ചു മിനിറ്റിനു ശേഷം ചെറു ചൂടുവെള്ളത്തിൽ മുഖം കഴുകുക. മികച്ച ഫലങ്ങൾക്കായി ആഴ്ചയിൽ രണ്ട് തവണയെങ്കിലും ഈ ഫേസ് പാക്ക് പുരട്ടുക

മഞ്ഞൾ

അടുക്കളയിലെ റാണി എന്നറിയപ്പെടുന്ന മഞ്ഞൾപ്പൊടിയിൽ വിവിധ ഔഷധ ഗുണങ്ങളുണ്ട്.ഈ ഔഷധസസ്യം ആരോഗ്യം മെച്ചപ്പെടുത്താൻ മാത്രമല്ല, ചർമ്മത്തിന് തിളക്കം വർദ്ധിപ്പിക്കാനും സഹായിക്കുന്നു. ആദ്യം ഒരു ചെറിയ പാത്രത്തിൽ ഒരു സ്പൂൺ മഞ്ഞൾപ്പൊടി ഇടുക. അതിനുശേഷം, തുല്യ അളവിൽ തേനും പാലും ചേർത്ത് കട്ടിയുള്ള പേസ്റ്റ് ഉണ്ടാക്കുക ഇനി ഈ പേസ്റ്റ് മുഖത്തും കഴുത്തിലും പുരട്ടുക. ശേഷം വിരലുകളുടെ സഹായത്തോടെ വൃത്താകൃതിയിൽ രണ്ട് മിനിറ്റ് മസാജ് ചെയ്യുക.ഇത് ഏകദേശം പത്ത് പതിനഞ്ച് മിനിറ്റ് ഉണങ്ങാൻ അനുവദിക്കുക. അതിനുശേഷം മുഖവും കഴുത്തും വെള്ളത്തിൽ കഴുകുക.

ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്താൽ ചർമ്മത്തിലെ ചുളിവുകൾ മാറുകയും മുഖത്തിന് തിളക്കം വർദ്ധിക്കുകയും ചെയ്യും.

ചെറുപയർ

സൗന്ദര്യത്തിൻ്റെ കാര്യത്തിൽ ഏറ്റവും മികച്ചതാണ് ചെറുപയർ പൊടി. പണ്ട് മുതലെ ആളുകൾ ചെറുപയർ പൊടി തേച്ച് കുളിക്കുകയും കുളിക്കുകയും ചർമ്മത്തിൽ പുരട്ടുകയും ചെയ്യാറുണ്ട്. ചെറുപയറിൽ അടങ്ങിയിരിക്കുന്ന എണ്ണമറ്റ പോഷകങ്ങൾ ഒരു ആന്റി ഏജിംഗ് ഏജൻറ് ആയി പ്രവർത്തിക്കുന്നു. ഇത് ചർമ്മത്തെ എക്സ്ഫോളിയേറ്റ് ചെയ്യാൻ സഹായിക്കുന്നു.

ചെറുപയർ വെള്ളത്തിലിട്ട് കുറച്ച് നേരം കുതിർക്കുക. ഇതിനു ശേഷം കറിവേപ്പിലയും കുതിർത്തുവച്ച പയറും നന്നായി കഴുകിയശേഷം മിക്സിയിൽ ഇട്ട് അരച്ചെടുക്കുക. ചെറുപയറും കറിവേപ്പിലയും നന്നായി അരച്ച ശേഷം ബദാം, റോസ് വാട്ടർ, തേൻ ചന്ദനപ്പൊടി എന്നിവ ചേർത്ത് വീണ്ടും അരച്ച് എടുക്കണം. മുഖം നന്നായി കഴുകി വൃത്തിയാക്കിയ ശേഷം ഈ പാക്ക് മുഖത്തിട്ട് 20 മിനിറ്റിന് ശേഷം മുഖം കഴുകി വ്യത്തിയാക്കാം. ആഴ്ചയിൽ രണ്ട് തവണ ഇത് ഉപയോഗിക്കാവുന്നതാണ്.

English summary: anti aging face packs

Disclaimer: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. ചർമ്മത്തിൽ പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.