അമ്മാവന്റെ മകന്റെ ഭാര്യ തമന്ന, സഹോദരനുമായി പ്രണയം, ഒടുക്കം കൊലപാതകം, അത് സീരിയൽ കില്ലറല്ല, കലങ്ങി മറിഞ്ഞ കേസ്

പിന്നീട് നവാബിന്റെ സഹോദരനുമായി തമന്ന പ്രണയത്തിലാകുകയും ഇരുവരും ഒരുമിച്ച് താമസം തുടങ്ങുകയുമായിരുന്നു. ബെംഗളൂരുവിലായിരുന്നു. ഇവർ ഒരുമിച്ച് താമസിക്കുന്നത് വലിയ കുടുംബ പ്രശ്നങ്ങൾക്ക് ഇടയാക്കി. ഇരുവരും തമ്മിലുള്ള ബന്ധം അവസാനിപ്പിക്കണമെന്ന് ഒട്ടേറെ തവണ നവാബ് ആവശ്യപ്പെട്ടിരുന്നെങ്കിലും ഇരുവരും അത് അംഗീകരിച്ചില്ല. തുടർന്ന് ഞായറാഴ്ച കലാശിപാളയയിലെ വീട്ടില്‍ പ്രശ്‌നങ്ങള്‍ സംസാരിച്ചുതീര്‍ക്കാമെന്ന് പറഞ്ഞ് നവാബ് ഇരുവരെയും വീട്ടിലേക്ക് വിളിച്ചുവരുത്തുകയായിരുന്നു.

നവാബ് രണ്ടുപേരെകൊണ്ടും തിരിച്ച് പോകാൻ സമ്മതിപ്പിച്ചിരുന്നു. തുടർന്ന് സഹോദൻ ഇൻതിഖാബിനെ വസ്ത്രങ്ങളെടുക്കാൻ‌ വീട്ടിലേക്ക് പറഞ്ഞു വിടുകയായിരുന്നു. ഇതിന് പിന്നാലെ തമന്നയുടെ കഴുത്തിൽ ഷാൾ മുറുക്കി കൊലപ്പെടുത്തിയിരിക്കുകയായിരുന്നു. പിന്നീട് തമന്നയുടെ മൃതദേഹം കൈയും കാലും ഒടിച്ച് പ്ലാസ്റ്റിക് വീപ്പയിലടച്ചു. ഈ സമയം നവാബിന്റെ കൂടെയുള്ള ഏഴ് പേരും ആ വീട്ടിലുണ്ടായിരുന്നു. ഇതിനിടെ ഇന്‍തിഖാബ് തിരിച്ചെത്തിയെങ്കിലും തമന്ന സ്വദേശത്തേക്ക് മടങ്ങിയെന്ന് പറഞ്ഞ് വിശ്വസിപ്പിക്കുകയായിരുന്നു.

തുടർന്ന് ഞായറാഴ്ച രാത്രി 12 ഓടെയാണ് മൃതദേഹമടങ്ങിയ പ്ലാസ്റ്റിക് വീപ്പ ഓട്ടോയില്‍ കയറ്റി ബെയ്യപ്പനഹള്ളി റെയില്‍വേ സ്റ്റേഷനില്‍ ഉപേക്ഷിച്ചത്. പ്ലാസ്റ്റിക് വീപ്പയില്‍ സംഘത്തിലുള്ള ജമാലിന്റെ പേരുണ്ടായിരുന്നതാണ് കേസ് അന്വേഷണത്തിൽ വഴിത്തിരിവായത്. ഇതു മനസ്സിലാക്കിയ പോലീസ് തൊഴിലാളികള്‍ തിങ്ങിപ്പാര്‍ക്കുന്ന പ്രദേശങ്ങള്‍ കേന്ദ്രീകരിച്ച് അന്വേഷണം നടത്തുകയും പ്രതികളെ അറസ്റ്റ് ചെയ്യുകയുമായിരുന്നു.