​പത്ത് ദിവസത്തിനുള്ളില്‍ താരന്‍ അകറ്റണോ? കസകസയും പാലും ഉണ്ടേല്‍ സംഭവം ഈസി​

​താരന്‍ വരുന്നതിന്റെ കാരണങ്ങള്‍​

താരന്‍ വരുന്നതിന് പല കാരണങ്ങളുണ്ട്. തല വൃത്തിയില്‍ കൊണ്ട് നടക്കാത്തത് താരന്‍ വരുന്നതിന് ഒരു പ്രധാന കാരണമാണ്. തലയില്‍ ചെളി ഇരിക്കുന്നതും വിയര്‍പ്പ് അടിഞ്ഞ് കൂടുന്നതുമെല്ലാം തലയില്‍ യീസ്റ്റ് ഇന്‍ഫക്ഷന്‍ ഉണ്ടാക്കുന്നു.

ചിലര്‍ക്ക് വരണ്ട ചര്‍മ്മമായിരിക്കും. വരണ്ട ചര്‍മ്മം ഉള്ളവരിലും തല മോയ്‌സ്ച്വര്‍ ചെയ്യാതെ ഇരിക്കുന്നതും സോറിയായീസ് പോലെയുള്ള അസുഖങ്ങളുമെല്ലാം താരന്‍ വരുന്നതിന് പ്രധാന കാരണമാണ്. അതുപോലെ, നമ്മളുടെ ആഹാരരീതിയും നമ്മള്‍ ഉപയോഗിക്കുന്ന ഹെയര്‍ കെയര്‍ പ്രോഡക്ട്‌സുമെല്ലാം തന്നെ താരന്‍ വരുന്നതിന് ഒരു കാരണം തന്നെയാണ്.

​കസകസ മുടിയുടെ ആരോഗ്യത്തിന്​

പൊതുവില്‍ ചര്‍മ്മ സംരക്ഷണത്തിലും തടി കുറയ്ക്കുന്നതിനുമെല്ലാമാണ് ചിയ സീഡ്‌സ് അഥവാ കസകസ ഉപയോഗിച്ചിരുന്നത്. എന്നാല്‍, മുടിയുടെ ഒട്ടുമിക്ക പ്രശ്‌നങ്ങളും പരിഹരിക്കാന്‍ ചിയ സീഡ്‌സിന് സാധിക്കും. അതില്‍ പ്രധാനപ്പെട്ടതാണ് താരന്‍ മാറ്റാന്‍ ബെസ്റ്റാണ് എന്നത്.

കസകസയില്‍ നിരവധി പോഷകങ്ങള്‍ അടങ്ങിയിരിക്കുന്നു. അതിനാല്‍ തന്നെ ഇത് മുടിയെ ബലപ്പെടുത്തുന്നതിനും മുടി കൊഴിച്ചില്‍ തടഞ്ഞ് മുടി നന്നായി വളരുന്നതിനും ഇത് സഹായിക്കുന്നുണ്ട്. അതുപോലെ, മുടി പെട്ടെന്ന് പൊട്ടിപോകുന്നത് തടയാനും മുടിയ്ക്ക് നല്ല തിളക്കം നല്‍കാനും കസകസ ഉപയോഗിക്കുന്നത് നല്ലതാണ്.

അതിന് മാത്രമല്ല, മുടി നരയ്ക്കുന്നത് തടയാനും തലയിലെ താരന്‍ മാറ്റി തലമുടി വൃത്തിയാക്കി തിളക്കത്തോടെ സംരക്ഷിക്കാനും ഇത് സഹായിക്കുന്നുണ്ട്.

​

​കൂട്ട് തയ്യാറാക്കാം​

ഇത് തയ്യാറാക്കി എടുക്കാന്‍ വളരെ എളുപ്പമാണ്. ഇത് തയ്യാറാക്കുന്നതിന് കാല്‍കപ്പ് പാലില്‍ കസകസ കുതിരാന്‍ ഇടുക. ഇത് നന്നായി കുതിര്‍ന്ന് വന്നതിന് ശേഷം തലയോട്ടിയില്‍ നന്നായി തേച്ച് പിടിപ്പിക്കണം. നന്നായി തേച്ച് പിടിപ്പിച്ചതിന് ശേഷം കുറച്ച് നേരം മസാജ് ചെയ്യുന്നതും നല്ലതാണ്.

നന്നായി മസാജ് ചെയ്ത് തേച്ച് പിടിപ്പിച്ചതിന് ശേഷം മുടി കവര്‍ചെയ്ത് കട്ടി വെക്കണം. ഒരു മണിക്കൂര്‍ ഇത്തരത്തില്‍ വെച്ചതിന് ശേഷം നിങ്ങള്‍ക്ക് സാധാ വെള്ളത്തില്‍ മുടി കഴുകി എടുക്കാവുന്നതാണ്.

മുടി കഴുകാനായി നല്ല കെമിക്കല്‍ ഫ്രീ ആയിട്ടുള്ള ഷാംപൂ അല്ലെങ്കില്‍ താളി എന്നിവ ഉപയോഗിക്കുന്നതാണ് കൂടുതല്‍ നല്ലത്. ഇത് കൂടുതല്‍ ഗുണം ലഭിക്കുന്നതിന് സഹായിക്കും. അതുപോലെ, മുടി കഴുകാന്‍ ചൂടുവെള്ളം ഉപയോഗിക്കരുത്. ചെറുചൂടുവെള്ളമോ അല്ലെങ്കില്‍ സാധാ വെള്ളമോ ഉപയോഗിക്കുന്നതാണ് നല്ലത്.

Also Read: മുഖം പാല്‍പോലെ തിളങ്ങാന്‍ 2 ടീസ്പൂണ്‍ പാല്‍ തന്നെ ധാരാളം​

​ശ്രദ്ധിക്കേണ്ട കാര്യങ്ങള്‍​

നിങ്ങള്‍ ഒരു ഹെയര്‍മാസ്‌ക്ക് ഉപയോഗിച്ച് തുടങ്ങിയാല്‍ അത് അടുപ്പിച്ച് ഉപയോഗിക്കാന്‍ ശ്രദ്ധിക്കണം. പ്രത്യേകിച്ച് താരന്‍ മാറ്റി എടുക്കുന്നതിന് കസകസ പാല്‍ ഹെയര്‍ മാസ്‌ക്ക് അടുപ്പിച്ച് 10 ദിവസം ഉപയോഗിക്കാന്‍ നിങ്ങള്‍ മറക്കരുത്.

അതുപോലെ, കെമിക്കല്‍സ് ഇല്ലാത്ത ഷാംപൂ തന്നെ ഉപയോഗിക്കാന്‍ ശഅരദ്ധിക്കുക. ഈ കൂട്ട് ഉപയോഗിക്കുന്നതിന് മുന്‍പ് തല നന്നായി കഴുകി വൃത്തിയാക്കിയതിന് ശേഷം ഇത് ഉപയോഗിച്ചാല്‍ കൂടുതല്‍ ഗുണം ലഭിക്കാനും ഇത് സഹായിക്കും.

തലയ്ക്ക് നല്ല തണുപ്പ് നല്‍കാനും അതുപോലെ, തലയിലെ ഇന്‍ഫ്‌ലമേഷന്‍ മാറ്റാനും പാല്‍ ചേര്‍ക്കുന്നതിനാല്‍ തന്നെ മുടിയും അതേപോലെ, തലയോട്ടിയും മോയ്‌സ്ച്വര്‍ ചെയ്ത് നിലനിര്‍ത്താനും ഇത് സഹായിക്കുന്നുണ്ട്.

English Summary: Natural home remedy for dandruff

​