പച്ചപ്പാല്‍ ഗുണങ്ങള്‍
പലപ്പോഴും പാല്‍ കാച്ചി എടുത്ത് അതിന്റെ പാല്‍പാട ഉപയോഗിച്ചാണ് പലരും ഫേയ്‌സ്പാക്ക് തയ്യാറാക്കി എടുക്കുന്നത്. എന്നാല്‍, ഇതല്ലാതെ, പച്ചപ്പാല്‍ ഉപയോഗിച്ചും നമുക്ക് മുഖത്തെ നല്ല സുന്ദരമാക്കി എടുക്കാന്‍ സാധിക്കുന്നതാണ്.
പച്ചപ്പാല്‍ പുരട്ടിയാല്‍ ചര്‍മ്മത്തിലെ അഴുക്കെല്ലാം നീക്കം ചെയ്യുന്നതിനും ചര്‍മ്മം നല്ല ക്ലിയറാക്കി കുരുക്കള്‍ മാറ്റി, കറുത്തപ്പാടുകളും മാറ്റി ചര്‍മ്മം തിളക്കമുള്ളതും നല്ല സോഫ്റ്റാക്കി എടുക്കാന്‍ നല്ല ശുദ്ധമായ പശുവിന്‍പാലിന് സാധിക്കും.
കൂടാതെ, മുഖത്തെ അഴുക്കെല്ലാം നീക്കുന്നതിനോടൊപ്പം തന്നെ നല്ല മോയ്‌സ്ച്വറൈസറായി പ്രവര്‍ത്തിക്കാനും ഇതിന് കഴിവുണ്ട്. ഇത് ചര്‍മ്മത്തിന് തിളക്കം നല്‍കുകയും വരണ്ട് പോകാതിരിക്കാനും ചര്‍മ്മ പ്രശ്‌നങ്ങളെ അകറ്റാനും സഹായിക്കുന്നു. ഒപ്പം തന്നെ ചര്‍മ്മകോശങ്ങള്‍ അടങ്ങ് പോകാതെ ക്ലീന്‍ ചെയ്ത് സൂക്ഷിക്കുകയും മുഖത്തെ ക്ലെന്‍സ് ചെയ്ത് എടുക്കുകയും ചെയ്യുന്നു.
മസാജ് ചെയ്യാം
പച്ചപ്പാല്‍ രണ്ട് ടീസ്പൂണ്‍ എടുത്ത് ഇത് മുഖം കഴുകി തുടച്ചതിന് ശേഷം മുഖത്ത് പുരപട്ടുക. മുഖത്ത് നന്നായി പുരട്ടി വട്ടത്തില്‍ മസാജ് ചെയ്ത് കൊടുക്കണം. പാല്‍ എല്ലാം ചര്‍മ്മത്തിലേയ്ക്ക് നന്നായി ആഗിരണം ചെയ്യുന്നത് വരെ മസാജ് ചെയ്ത് കൊടുക്കുക.
ഇത്തരത്തില്‍ മസാജ് ചെയ്ത് കൊടുക്കുന്നത് മുഖത്തേക്ക് നല്ലപോലെ രക്തോട്ടം ലഭിക്കുന്നതിന് സഹായിക്കും. പാലിലെ ലാക്റ്റിക് ആസിഡ് മുഖം വൃത്തിയാക്കി എടുക്കുകയും മൃതകോശങ്ങളെ നീക്കം ചെയ്യാന്‍ ഇത് സഹായിക്കുകയും ചെയ്യും. കൂടാതെ, മുഖക്കുരു വരാതിരിക്കാനും ഇത് വളരെയധികം സഹായിക്കുന്നുണ്ട്.
കൂടാതെ, ചര്‍മ്മത്തിലെ കരുവാളപ്പ് മാറ്റി എടുത്ത് ചര്‍മ്മത്തിന് നല്ല നിറവും കറുത്തപാടുകള്‍ മാറ്റി ഈവണ്‍ ടോണ്‍ നല്‍കാനും ഇതിന് സാധിക്കും. അതിനാല്‍ പച്ചപ്പാല്‍ ഉപയോഗിച്ച് മസാജ് ചെയ്യുന്നത് നല്ലതാണ്.
തേന്‍, മഞ്ഞള്‍, പാല്‍
പാലില്‍ തേനും മഞ്ഞളും ചേര്‍ത്ത് പുരട്ടിയാല്‍ കുറച്ചും കൂടെ ഗുണമാണ് ലഭിക്കുക. മുഖത്തിന് നല്ല തിളക്കം നല്‍കാന്‍ ഇത് സഹായിക്കുന്നുണ്ട്. അതുപോലെ, മുഖത്തെ കരുവാളിപ്പ് മാറ്റി എടുക്കാനും മുഖത്തിന് നല്ല മിനുസവും തിളക്കവും നല്‍കാന്‍ ഇത് സഹായിക്കുന്നു.
തേനും പാലും ചേര്‍ത്ത് ഫേയ്‌സ്പാക്ക് തയ്യാറാക്കുന്നതിനായി ഒരു ടീസ്പൂണ്‍ തേനും അതുപോലെ, രണ്ട് ടീസ്പൂണ്‍ പച്ചപ്പാലും എടുക്കുക. ഇവ നന്നായി മിക്‌സ് ചെയ്ത് മുഖത്ത് പുരട്ടാവുന്നതാണ്. വേണമെങ്കില്‍ കുറച്ച് കടലപ്പൊടിയും ചേര്‍ക്കുന്നത് കുറച്ചും കൂടെ നല്ലതാണ്. ഇവ ചേര്‍ത്ത് മിക്‌സ് ചെയ്ത് മുഖത്ത് പുരട്ടി എടുക്കുക.
കുറച്ച് നേരം മസാജ് ചെയ്ത് കൊടുത്തതിന് ശേഷം 15 മിനിറ്റ് വെക്കുക. അതിന് ശേഷം കഴുകി കളയാവുന്നതാണ്. ഇത് ഇടവിട്ട് ചെയ്യുന്നത് മുഖത്തെ ചര്‍മ്മത്തില്‍ നല്ല മാറ്റം കൊണ്ടുവരുന്നതാണ്.
പച്ചപ്പാലും മഞ്ഞളും ചേര്‍ത്തും നിങ്ങള്‍ക്ക് ഫേയ്‌സ്പാക്ക് തയ്യാറാക്കാവുന്നതാണ്. ഇതിനായി രണ്ട് ടീസ്പൂണ്‍ പച്ചപ്പാല്‍ എടുക്കുക. ഇതിലേയ്ക്ക് മഞ്ഞള്‍ പേയ്സ്റ്റ്പരുവത്തില്‍ കൂട്ട് കിട്ടുന്നത് വരെ ചേര്‍ക്കാം. ഇതിലേയ്ക്ക് ഒരു തുള്ളി തേനും ചേര്‍ക്കാവുന്നതാണ്. അല്ലെങ്കില്‍ കടലപ്പൊടി ചേര്‍ക്കുന്നതും നല്ലത് തന്നെ.
ഇത് മുഖത്ത് പുരട്ടി മസാജ് ചെയ്ത് കൊടുത്തതിന് ശേഷം 15 മിനിറ്റ് വെക്കുക. അതിന് ശേഷം കഴുകി കളയാവുന്നതാണ്. ഇതും ആഴ്ച്ചയില്‍ രണ്ട് മൂന്ന് വട്ടം ചെയ്യുന്നത് നല്ല ഫലം നല്‍കാന്‍ സഹായിക്കുന്നതാണ്.
Also Read: നര അകറ്റാൻ തഞ്ചാവൂർ രാജാവ് തയ്യാറാക്കിയ ഔഷധ എണ്ണക്കൂട്ട്
ഗുണങ്ങളും ചെയ്യേണ്ട രീതിയും
ഈ ഫേയ്‌സ്പാക്ക് ഉപയോഗിക്കുമ്പോള്‍ നിങ്ങളുടെ ചര്‍മ്മം എങ്ങിനെയുള്ളതാണെന്ന് മനസ്സിലാക്കേണ്ടത് അനിവാര്യമാണ്. ഓയ്‌ലി ചര്‍മ്മം ഉള്ളവര്‍ തേന്‍ ചേര്‍ത്ത ഫേയ്‌സ്പാക്ക് തയ്യാറാക്കുമ്പോള്‍ കുറച്ച് നാരങ്ങാനീര് ചേര്‍ക്കുന്നത് നല്ലതാണ്.
അതുപോലെ, ഫേയ്‌സ്പാക്ക് രാത്രി കിടക്കുന്നതിന് മുന്‍പ് മുഖത്ത് പുരട്ടുന്നതാണ് നല്ലത്. ഇത് കൂടുതല്‍ ഗുണം നല്‍കും. ഓരോ ഫേയ്‌സ്പാക്ക് ഇട്ട് കഴിയുമ്പോഴും മുഖത്ത് മോയ്‌സ്ച്വറൈസര്‍ പുരട്ടേണ്ടത് അനിവാര്യം.
English Summary: Raw milk Face Pack for Clear and Soft Skin
