യുപിയിലെ ജനസംഖ്യ നിയന്ത്രണ ബില്ലിന് കാരണം കൊവിഡും ഭക്ഷ്യക്ഷാമവും? പിന്നോട്ടില്ലെന്ന് സർക്കാർ, എതിർപ്പ് തുടരുന്നു

ലക്നൗ: ഉത്തർപ്രദേശിലെ ജനസംഖ്യ നിയന്ത്രണ ബില്ലിനെതിരെ പ്രതിഷേധം രൂക്ഷം. ജനസംഖ്യാ നിയന്ത്രണത്തിനായി യോഗി ആദിത്യനാഥ് സർക്കാർ കര്‍ശന നിയന്ത്രണങ്ങള്‍ നടപ്പാക്കാനൊരുങ്ങിയതിന് പിന്നാലെയാണ് എൻഡിഎയിൽ നിന്നും പ്രതിപക്ഷത്ത് നിന്നും എതിർപ്പുയർന്നത്.



തർക്കം തുടരുന്നതിനിടെ പരാതി പരിഹാര ഓഫീസറെ നിയമിച്ച് ട്വിറ്റർ ഇന്ത്യ

ജനസംഖ്യ നിയന്ത്രണ ബിൽ ജനങ്ങൾക്കിടെയിൽ ഭിന്നത ശക്തമാക്കുമെന്ന് ജെഡിയു ആരോപിച്ചു. ഈ നീക്കത്തിൽ നിന്നും സർക്കാർ പിന്മാറണമെന്നും ആവശ്യപ്പെട്ടു. വരാൻ പോകുന്ന നിയമസഭാ തെരഞ്ഞെടുപ്പ് മുന്നിൽ കണ്ടാണ് സർക്കാരിൻ്റെ ഈ നീക്കമെന്ന് സമാജ് വാദി പാർട്ടിയും കോൺഗ്രസും ആരോപിച്ചു. ഭൂരിപക്ഷ വിഭാഗത്തിൽ നിന്നും വോട്ട് ഉറപ്പിക്കാൻ ന്യൂനപക്ഷങ്ങളെ കരുവാക്കുകയാണെന്നും പ്രതിപക്ഷം പറഞ്ഞു.

എതിർപ്പ് സക്തമാണെങ്കിലും ജനസംഖ്യ നിയന്ത്രണ ബില്ലിൽ നിന്നും പിന്നോട്ടില്ലെന്ന നിലപാടിലാണ് യോഗി ആദിത്യനാഥ്. സംസ്ഥാനത്ത് ജനസംഖ്യ അതിവേഗത്തിൽ വർധിക്കുകയാണ്. സംസ്ഥാനത്തെ ജനസംഖ്യ 22 കോടിയിലധികമാണ്. ആരോഗ്യ മേഖലയ്ക്കടക്കം വെല്ലുവിളിയുണ്ടാക്കുന്ന സാഹചര്യമാണിത്. ഭക്ഷ്യക്ഷാമം അടക്കമുള്ള പ്രശ്നങ്ങളുണ്ടെന്നും സർക്കാർ സർക്കാർ വൃത്തങ്ങൾ വ്യക്തമാക്കുന്നുണ്ട്. കൊവിഡ് വ്യാപനം അടക്കമുള്ള സാഹചര്യങ്ങൾ ഉയർത്തി കാട്ടിയാണ് സർക്കാർ പ്രതിരോധം തീർക്കുന്നത്.

തോളത്ത് കയ്യിടാൻ ശ്രമം; പ്രവർത്തകന്റെ കരണത്തടിച്ച് കോൺഗ്രസ് നേതാവ് ഡികെ ശിവകുമാർ

ജനസംഖ്യ നിയന്ത്രണ ബിൽ നിയമത്തിൻ്റെ കരടിന്മേൽ അഭിപ്രായങ്ങള്‍ അറിയിക്കാൻ ജൂലൈ 19 വരെ യുപി നിയമ കമ്മീഷൻ സമയം നല്‍കിയിട്ടുണ്ട്. പുതിയ നിയമം നടപ്പാക്കുന്നതോടെ രണ്ട് കുട്ടികളിൽ കൂടുതലുള്ള ദമ്പതികള്‍ക്ക് കടുത്ത നിയന്ത്രണമായിരിക്കും വരിക. സര്‍ക്കാര്‍ സബ്സിഡികളും സര്‍ക്കാര്‍ സഹായത്തോടെ നടപ്പാക്കുന്ന ക്ഷേമപദ്ധതികളുടെ സഹായവും ഇവര്‍ക്ക് ലഭിക്കില്ല. കൂടാതെ സര്‍ക്കാര്‍ ജോലിയ്ക്ക് അപേക്ഷിക്കാനും നിയന്ത്രണമുണ്ടാകും. രണ്ട് കുട്ടികളിൽ അധികമുണ്ടെങ്കിലും കുടുംബത്തിന് ആകെ ലഭിക്കുന്ന റേഷൻ ആനുകൂല്യം നാലുപേര്‍ക്കുള്ളതു മാത്രമായിരിക്കും. പ്രാദേശിക തെരഞ്ഞെടുപ്പുകളിൽ മത്സരിക്കുന്നതിനും നിയന്ത്രണം കൊണ്ടുവരുക്യും ചെയ്യും. അതേസമയം, രണ്ട് കുട്ടികള്‍ മാത്രമുള്ള കുടുംബങ്ങള്‍ക്ക് കൂടുതൽ ആനുകൂല്യങ്ങള്‍ സര്‍ക്കാര്‍ ലഭ്യമാക്കുമെന്നാണ് റിപ്പോര്‍ട്ടുകള്‍.