​ഭര്‍ത്താക്കന്മാരെ വട്ടുപിടിപ്പിക്കുന്ന ഭാര്യമാരിലെ ചില ടോക്‌സിക് സ്വഭാവങ്ങള്‍​

​സംശയരോഗം​

ഭാര്യമാരിലെ സംശയരോഗം ഭര്‍ത്താക്കന്മാര്‍ക്ക് പലപ്പോഴും ഒരു തലവേദന തന്നെയാണ്. ചിലപ്പോള്‍ ഒരു കാര്യവുമില്ലാതെ ഇത്തരം സംശയരോഗത്തിന്റെ പേരില്‍ പലപ്പോഴും വഴക്ക് കൂടേണ്ടി വരുന്നതും, ഭാര്യയെ പേടിച്ച് ഫ്രീ ആയി പെരുമാറാന്‍ പോലും സാധിക്കാത്തത് പല ഭര്‍ത്താക്കന്മാര്‍ക്കും ഒരു തലവേദന തന്നെ.

ഭര്‍ത്താവ് മറ്റൊരു സ്ത്രീയോട് സംസാരിച്ചാല്‍ അല്ലെങ്കില്‍ പെണ്‍ സുഹൃത്തുക്കളോട് സംസാരിച്ചാല്‍ അവര്‍ വിളിച്ചാലെല്ലാം അസൂയ കാണിക്കുന്നതും സംശയം പ്രകടിപ്പിക്കുന്നതും ഇവര്‍ക്കിടയില്‍ പ്രശ്‌നങ്ങള്‍ ഉണ്ടാക്കുന്നതിന് ഒരു പ്രധാന കാരണമാണ്.

അതുപോലെ, മുന്‍കാലങ്ങളിലെ പ്രണയബന്ധത്തെക്കുറിച്ച് പറഞ്ഞതിന്റെ അടിസ്ഥാനത്തില്‍ ഇന്നും സംശയത്തിന്റെ നിഴലില്‍ ഭര്‍ത്താവിനെ കാണുന്നതും ഇവരില്‍ ടെന്‍ഷനും തലവേദനയും ഉണ്ടാക്കുന്നു.

​പെട്ടെന്ന് സങ്കടപ്പെടുന്നത്​

എന്തെങ്കിലും നിസ്സാര കാര്യം പറഞ്ഞാല്‍ അല്ലെങ്കില്‍ അവര്‍ പറഞ്ഞ കാര്യത്തെ എതിര്‍ത്ത് സംസാരിച്ചാല്‍ പെട്ടെന്ന് കരയുന്നത് പലപ്പോഴും ഭര്‍ത്താക്കന്മാര്‍ക്ക് ഡീല്‍ ചെയ്യാന്‍ സാധിക്കാറില്ല. ഇതെല്ലാം പലപ്പോഴും ഭര്‍ത്താക്കന്മാര്‍ക്ക് ഒരു തലവേദനയായി അനുഭവപ്പെടാം.

അതുപോലെ, ചില തമാശകള്‍ പോലും കാര്യമായി എടുക്കുന്നതും ഇതിനെചൊല്ലി കരയുന്നതും വഴക്കുണ്ടാക്കുന്നതും സത്യത്തില്‍ രണ്ട് പേരുടേയും ഒരു ദിവസം കളയുന്നതിന് സമമാണ്. ഇത് ദാമ്പത്യത്തില്‍ തന്നെ ഒരു സമാധാനം ലഭിക്കാതിരിക്കാന്‍ കാരണമാകുന്നു.

​സ്വന്തം സ്‌പേയ്‌സ്​

ഭാര്യയ്ക്ക് സ്‌പേയ്‌സ്‌നല്‍കിയാലും ഭര്‍ത്താവിന് പലപ്പോഴും ഈ സ്‌പേയ്‌സ് നല്‍കാന്‍ ഭാര്യമാര്‍ വിസ്സമ്മതിക്കുന്നത് ഭര്‍ത്താക്കന്മാരില്‍ വലിയൊരു തലവേദന ഉണ്ടാക്കുന്നുണ്ട്.

ചിലപ്പോള്‍ ഫ്രണ്ട്‌സിന്റെ കൂടെ സംസാരിക്കാന്‍ സമ്മതിക്കാത്തതും ഫോണില്‍ സസാരിക്കുമ്പോള്‍ അതിനെക്കുറിച്ച് ചോദിക്കുന്നത് ചാറ്റ് ഹിസ്റ്ററിയും കോള് ഹിസ്റ്ററിയുമെല്ലാം പരിശോധിക്കുന്നതും ഭര്‍ത്താക്കന്മാരെ വട്ടുപിടിപ്പിക്കുന്ന ഭാര്യമാരിലെ ചില സ്വഭാവങ്ങളാണ്.

എന്നാല്‍, ഭാര്യയ്ക്ക് ഇത്തരം സ്‌പേയ്‌സ് നല്‍കിയില്ലെങ്കില്‍ കിട്ടിയില്ലെങ്കില്‍ ബഹളം വെക്കുകയും ഭര്‍ത്താവിന് ഇത് നല്‍കാതിരിക്കുന്നിടത്തും ഭര്‍ത്താവിന് മടുപ്പ് ഉണ്ടാകാനുള്ള സാധ്യത കൂടുന്നു.

Also Read: ജീവിത പങ്കാളിയോട് നിങ്ങളുടെ പഴയ പ്രണയ കഥകള്‍ പറയേണ്ട ആവശ്യമുണ്ടോ?

​പരിഹാരം​

കാര്യങ്ങളെ പക്വതയോടെ കൈകാര്യം ചെയ്യാന്‍ സ്ത്രീകളായാലും പുരുഷന്മാരായും പഠിക്കണം. എന്നാല്‍ മാത്രമാണ് നല്ലരീതിയില്‍ ഒരു ബന്ധം നിലനിര്‍ത്തിപോകാന്‍ സാധിക്കുകയുള്ളൂ. ഏകപക്ഷീയമായി തീരുമാനങ്ങള്‍ എടുക്കുന്നതും സ്വന്തം കാര്യം മാത്രം നോക്കുന്നതും പലപ്പോഴും ദമ്പതികള്‍ക്കിടയില്‍ ദേഷ്യവും മടുപ്പുമായിരിക്കും ഉണ്ടാക്കുക.

ദമ്പതികള്‍ക്കിടയിലുള്ള പ്രശ്‌നങ്ങള്‍ പരസ്പരം സംസാരിച്ച് തീര്‍ക്കുന്നതാണ് ഉത്തമം. കുടുംബക്കാരുടെ കൈകളിലേയ്ക്ക് എത്തുന്നത് പലപ്പോഴും പ്രശ്‌നങ്ങളെ കൂടുതല്‍ വഷളാക്കാനും അവര്‍ ഓരോരുത്തരുടെ വശം ചേര്‍ന്ന് സംസാരിക്കാനും നില്‍ക്കുന്നത് പ്രശ്‌നങ്ങള്‍ ഉണ്ടാക്കും.

സ്ത്രീകള്‍ക്കും പുരുഷന്മാര്‍ക്കും അവരവരുടേതായ സ്‌പേയ്‌സ് വേണം. ഇത് ദാമ്പത്യത്തിലായാലും ഇത്തരം സ്‌പേയ്‌സ് ലഭിക്കുന്നത് ദാമ്പത്യത്തിലെ ഫ്രസ്‌ട്രേഷന്‍ കുറയ്ക്കാന്‍ സഹായിക്കും. പ്രശ്‌നങ്ങള്‍ വളരെ പെട്ടെന്ന് തന്നെ തീര്‍പ്പാക്കാനും ഇവര്‍ക്ക് സ്വയം സാധിക്കുന്നതാണ്.

English Summary: Things Men Hates That Women Do