Also Read: 16 വർഷത്തോളം ജിദ്ദയിൽ പ്രവാസി, നാട്ടിലേക്ക് മടങ്ങാൻ ഒരു ദിവസം ബാക്കി, യുവാവ് മരിച്ച നിലയിൽ
ഖത്തറില്‍ നിന്ന് ഉംറ നിര്‍വഹിക്കാന്‍ മക്കയിലേക്ക് വരികയായിരുന്നു മലയാളി കുടുംബം. തായിഫിലെത്താന്‍ 71 കിലോമീറ്റര്‍ അകലെ വെള്ളിയാഴ്ച പുലര്‍ച്ചെ ആയിരുന്നു അപകടം. ഖത്തറില്‍ ജോലി ചെയ്യുന്ന പാലക്കാട് പത്തിരിപ്പാല സ്വദേശികളായ ഫൈസലും കുടുംബമാണ് അപകടത്തില്‍പ്പെട്ടത്. ഫൈസലിന്റെ മക്കളായ അഭിയാന്‍ (7), അഹിയാന്‍ (4), ഭാര്യാ മാതാവ് സാബിറ അബ്ദുല്‍ ഖാദര്‍ (55) എന്നിവരാണ് അപകടത്തില്‍ മരിച്ചത്. ഇവരുടെ മൃതദേഹം സൗദിയില്‍ തന്നെ ഖബറടക്കുമെന്ന് ബന്ധുക്കള്‍ പറഞ്ഞു.
അപകടത്തില്‍പ്പെട്ട കാറില്‍ ആറു പേരാണ് ഉണ്ടായിരുന്നത്. ഫൈസലിനും ഭാര്യയുടെ പിതാവ് ഗുരുതരമായ പരിക്കുകള്‍ ഇല്ല. ഇതേ കാറില്‍ ഒപ്പം സഞ്ചരിച്ചിരുന്ന ഫൈസലിന്റെ ഭാര്യ പരിക്കുകള്‍ ഇല്ലാതെ രക്ഷപ്പെട്ടു. കാറില്‍ ആറുപേരാണ് ഉണ്ടായിരുന്നത്.
Also Read: അധ്യയന വര്‍ഷം അവസാനത്തോടെ കുവൈറ്റിലെ രണ്ടായിരത്തോളം പ്രവാസി അധ്യാപകരെ പിരിച്ചുവിടും
1500 കിലോമീറ്ററാണ് ദോഹയില്‍ നിന്ന് മക്കയിലേക്കുള്ള ഏകദേശ ദൂരം. ജിസിസി വിസ ഉള്ളവര്‍ക്ക് സൗദി അറേബ്യയില്‍ പ്രവേശിക്കാന്‍ അനുമതി നല്‍കിയതോടെ ഒട്ടേറെ പേരാണ് ഉംറയ്ക്കായി മക്കയിലേക്ക് എത്തുന്നത്. ഇങ്ങനെ വരുന്നവരില്‍ ഭൂരിഭാഗവും സമയം കളയാതിരിക്കാന്‍ വിശ്രമം ഒഴിവാക്കും. വിശ്രമമില്ലാത്ത ഇത്തരം യാത്രകള്‍ പലപ്പോഴും അത്യാഹിത അപകടങ്ങളിലേക്കാണ് നയിക്കുന്നതായി സാമൂഹിക പ്രവര്‍ത്തകര്‍ പറയുന്നു.
Read Latest Gulf News and Malayalam News
ഭാര്യയെ കൊലപ്പെടുത്തി ഗൃഹനാഥൻ ആത്മഹത്യ ചെയ്തു
