ക്ഷേത്രത്തിലേക്കു പോയ കാറും ലോറിയും കൂട്ടിയിടിച്ചു, പെൺകുട്ടിയടക്കം ആറുപേർക്ക് ദാരുണാന്ത്യം; അപകടം ട്രിച്ചിയിൽ

ട്രിച്ചി: തമിഴ്നാട്ടിലെ ട്രിച്ചിയിൽ കാറും ലോറിയും കൂട്ടിയിടിച്ച് ആറു മരണം. ട്രിച്ചി-നാമക്കൽ റോഡിൽ തിരുവാസിയിലാണ് ഇന്ന് പുലർച്ചെ അപകടം ഉണ്ടായത്. കാർ യാത്രികരായ സ്ത്രീയും പെൺകുട്ടിയുമടക്കമാണ് മരണപ്പെട്ടത്. അപകടത്തിൽ മൂന്നു പേർക്ക് ഗുരുതര പരിക്കേറ്റു.

സേലം ജില്ലയിലെ എടപ്പാടിയിൽനിന്നു തഞ്ചാവൂർ ജില്ലയിലെ കുംഭകോണത്തുള്ള ക്ഷേത്രത്തിലേക്കു പോകുന്നവഴിയാണ് അപകടം ഉണ്ടായത്. തടിയുമായി നാമക്കല്ലിലേക്കു പോകുകയായിരുന്ന ലോറിയും കാറും തമ്മിൽ കൂട്ടിയിടിക്കുയായിരുന്നു. ഒൻപതുപേരാണ് കാറിൽ ഉണ്ടായിരുന്നത്.

ടെറസിൽ മെസ്സിയുടെ ജഴ്സിയും ഫുട്ബോളും; സുബൈറിന്റെ സ്വപ്നം പൂവണിഞ്ഞു |Zubair Vazhakad

മുത്തുസ്വാമി (58), ജി തവണ ശ്രീ (10), സന്തോഷ് കുമാർ (31), പി ആനന്ദായി (57), തിരുമൂർത്തി (43) കാർ ഡ്രൈവർ സന്തോഷ് കുമാർ (31) എന്നിവരാണ് മരിച്ചത്. ജി ശകുന്തള (36), ധൻപാൽ (36), പി മുരുഗൻ (23) എന്നിവർക്കാണ് പരിക്കേറ്റത്. ഇവരെ ട്രിച്ചിയിലെ മഹാത്മാ ഗാന്ധി മെമ്മോറിയൻ ഗവ. ആശുപത്രിയിൽ പ്രവേശിപ്പിച്ചു.

തെരഞ്ഞെടുപ്പിന് മാസങ്ങൾ മാത്രം, രാജസ്ഥാനിൽ 19 ജില്ലകൾ കൂടി പ്രഖ്യാപിച്ചു മുഖ്യമന്ത്രി ഗെഹ്‍ലോട്ട്; രാഷ്ട്രീയ നീക്കമെന്ന് ബിജെപി

മരണപ്പെട്ട എല്ലാവരും ബന്ധുക്കളാണെന്ന് പോലീസ് അറിയിച്ചു. ഡ്രൈവർക്ക് കാറിൻ്റെ നിയന്ത്രണം നഷ്ടപ്പെട്ടതാണ് അപകട കാരണമെന്നാണ് പോലീസിൻ്റെ പ്രാഥമിക നിഗമനം. ട്രിച്ചി എസ്പി സുജിത് കുമാർ അപകടം നടന്ന സ്ഥലത്തെത്തി പരിശോധന നടത്തി. സംഭവത്തിൽ ട്രക്ക് ഡ്രൈവർ അരിയാലൂർ ഉദയാർപാളയം സ്വദേശി പി സെന്തിൽകുമാറി (43) നെ പോലീസ് അറസ്റ്റു ചെയ്തു. അന്വേഷണം തുടരുകയാണെന്നും പോലീസ് അറിയിച്ചു.