ചാണക്യന്‍ എന്ന വാക്കെല്ലാവര്‍ക്കും പരിചിതമാകും. ചാണക്യ സൂത്രം, ചാണക്യ തന്ത്രം എന്നെല്ലാം തന്നെ വാക്കുകള്‍ ധാരാളമുണ്ട്. ബുദ്ധിയും അതേ സമയം തന്ത്രവും ഒത്തിണങ്ങിയ ചാണക്യന്റെ വാക്കുകള്‍ പലപ്പോഴും വലിയ അര്‍ത്ഥ വ്യാപ്തിയുള്ള ഒന്നാണ്.

വിവാഹം

വിവാഹം പുതിയൊരു ജീവിതത്തിന്റെ തുടക്കമാണെന്നു വേണം, പറയുവാന്‍. ജീവിതം പങ്കിടാന്‍, മനസു പങ്കിടാന്‍ കൂടെയൊരാള്‍. അവസാനം വരെ ഒരു കൂട്ട്. പുതിയ ഉത്തരവാദിത്വങ്ങള്‍, പുതിയ കാഴ്ചപ്പാടുകള്‍. വിവാഹം ഒരാളെ പല തരത്തിലും മാററുന്നുണ്ട്.

​വിവാഹത്തിന്റെ കാര്യത്തിലും

വിവാഹത്തിന്റെ കാര്യത്തിലും ചാണക്യന് അഭിപ്രായങ്ങളുണ്ട്. ഭാര്യമാരെ തിരഞ്ഞെടുക്കുന്ന കാര്യത്തില്‍ ചില പ്രത്യേക കാര്യങ്ങള്‍ പുരുഷന്മാരോടു ചാണക്യനീതി പറയുന്നുണ്ട്. ചില പ്രത്യേക വിഭഗാത്തില്‍ പെട്ട സ്ത്രീകളെ വിവാഹം കഴിയ്ക്കരുതെന്നാണ് ചാണക്യ ശാസ്ത്രം. ഇത് നല്ല ദാമ്പത്യത്തിന് വിഘാതമാകുമെന്നും ചാണക്യന്‍ അഭിപ്രായപ്പെടുന്നു. ചാണക്യനീതിയിലാണ് ഇതെക്കുറിച്ചു വിശദീകരിയ്ക്കുന്നത്.

​സൗന്ദര്യമുള്ള സ്ത്രീയെങ്കിലും

സൗന്ദര്യമുള്ള സ്ത്രീയെങ്കിലും മോശം സ്വഭാവമെങ്കില്‍ ഭാവിയില്‍ ഭര്‍ത്താവിനെ വിട്ടു പോകാന്‍ സാധ്യതയേറെയാണ്. ഇത്തരം സ്ത്രീകളേയും വിവാഹം കഴിയ്ക്കാതിരിയ്ക്കുകയാണ് നല്ലത്. ഭര്‍ത്താവിനോട് കള്ളം പറഞ്ഞു ഫലിപ്പിയ്ക്കാന്‍ ശേഷിയുള്ള സ്ത്രീകള്‍, ഭര്‍ത്താവിനെതിരെ കള്ളം ഉപയോഗിയ്ക്കുന്ന സ്ത്രീകള്‍ കുടുംബം തകര്‍ക്കാന്‍ ശേഷിയുള്ളവരാണ്. ഇവരും ഭാര്യയാക്കാന്‍ നല്ലവരല്ല.കാര്‍ക്കശ്യ സ്വഭാവമുള്ള സ്ത്രീകളെ വിവാഹം കഴിയ്ക്കരുതെന്നു ചാണക്യന്‍ പറയുന്നു. ഇത്തരം സ്ത്രീകള്‍ ഭര്‍ത്താവിന്റെ അടുത്തും ഇത്തരം സ്വഭാവമെടുക്കും. മാത്രമല്ല, ഇവര്‍ തന്നിഷ്ടത്തിനു പ്രവര്‍ത്തിയ്ക്കുകയും ചെയ്യും.

വിശ്വസ്തരല്ലാത്ത സ്ത്രീകള്‍

ബാഹ്യസൗന്ദര്യം കണ്ടാണ് പലപ്പോഴും പുരുഷന്മാര്‍ ഭാര്യയെ തെരഞ്ഞെടുക്കുന്നത് പുറത്തു സൗന്ദര്യമുളള സ്ത്രീകള്‍ക്ക് ഉള്ളില്‍ ഈ സൗന്ദര്യം ഉണ്ടാകണമെന്നില്ലെന്നും ബാഹ്യസൗന്ദര്യം മാത്രം നോക്കി സ്ത്രീ പങ്കാളിയെ തെരഞ്ഞെടുത്താല്‍ തെറ്റു പറ്റുമെന്നും ചാണക്യന്‍ പറയുന്നു. ആന്തരിക സൗന്ദര്യമില്ലാത്തവളെ ഭാര്യയാക്കരുതെന്നു ചാണക്യന്‍ പറയുന്നു.സ്വന്തം കുടുംബത്തോടു വിശ്വസ്തരല്ലാത്ത സ്ത്രീകള്‍ ഭാവിയില്‍ ഭര്‍ത്താവിനോടും അവിശ്വസ്തത കാണിയ്ക്കുവാന്‍ സാധ്യതയേറെയാണ്. ഇത്തരം സ്ത്രീകള്‍ ഭാര്യയാകാന്‍ യോഗ്യരല്ലെന്നും ചാണക്യനീതിയില്‍ പറയുന്നു.

വീട്ടുജോലികള്‍

വീട്ടുജോലികള്‍ അറിയാത്ത സ്ത്രീകളും വീട്ടമ്മയെന്ന ഉത്തരവാദിത്വം നിറവേറ്റാനാകാത്ത സ്ത്രീകളും ഭാര്യയാക്കാന്‍ ചേര്‍ന്ന ഗണത്തില്‍ പെട്ടവരല്ലെന്നും ചാണക്യ നീതിയില്‍ പരാമര്‍ശമുണ്ട്. ഇത് എത്ര കണ്ട് ഇന്നത്തെ കാലത്തു പ്രാവര്‍ത്തികമാക്കാനാകുമെന്നു സംശയമെങ്കിലും ഇത് ചാണക്യന്റെ അഭിപ്രായം മാത്രമാണേ.

ഭക്തിയുടെ വിഷയത്തിലും

ഇതു പോലെ ഭക്തിയുടെ വിഷയത്തിലും സ്ത്രീയുടെ പങ്ക് ചാണക്യന്‍ പറയുന്നു. ഈശ്വര വിശ്വാസവും മതപരമായ വിശ്വാസങ്ങളും ഇല്ലാത്ത സ്ത്രീകളെ വിവാഹം കഴിയ്ക്കുവാന്‍ നല്ലതല്ലെന്നാണ് ചാണക്യന്‍ പറയുന്നത്. ഇത്തരം സ്ത്രീകള്‍ നല്ല ഭാര്യമാരാകില്ലെന്നാണ് ചാണക്യന്റെ അഭിപ്രായം.