Authored by Karthik KK | Samayam Malayalam | Updated: 19 Mar 2023, 5:38 pm
പദ്ധതിക്ക് അനുമതി ലഭിച്ചാൽ മൂന്ന് വർഷത്തിനുള്ളിൽ ശബരിമല വിമാനത്താവളം യാഥാർത്ഥ്യമാകും. മധ്യകേരളത്തിന് വികസന കുതിപ്പ് പകരുന്നതാണ് പദ്ധതി.
ഹൈലൈറ്റ്:
- 150 കിമി പരിധിയിൽ മൂന്ന് വിമാനത്താവളങ്ങൾ
- കേന്ദ്ര പ്രതിരോധ മന്ത്രാലയത്തിന്റെ അനുമതി ലഭിച്ചിട്ടുണ്ട്
- പാരിസ്ഥിതികാനുമതി ലഭിക്കാൻ ബുദ്ധിമുട്ടുണ്ടായേക്കില്ല
സാങ്കേതിക,സാമ്പത്തിക, പരിസ്ഥിതി,സാമൂഹ്യ ആഘാത പഠനങ്ങൾ ആറ് മാസങ്ങൾക്കുള്ളിൽ പൂർത്തിയാകുമെന്നാണ് കരുതുന്നത്. പദ്ധതിക്ക് ആവശ്യമായ 3.5 കി മി വൺവേ അടക്കം 2570 ഏക്കർ ഭൂമി ഏറ്റെടുക്കാനുള്ള നടപടി അതിവേഗം പുരോഗമിക്കുകയാണ്. പദ്ധതി യാഥാർത്ഥ്യമായാൽ സംസ്ഥാനത്തെ ഏറ്റവും കൂടുതൽ നീളമുള്ള റൺവേ ശബരിമല വിമാനത്താവളത്തിന്റേതാകും. മധ്യകേരളത്തിലെ 25 ലക്ഷത്തോളം വിദേശ മലയാളി കുടുംബങ്ങൾക്കും ശബരിമല തീർത്ഥാടകർക്കും പദ്ധതി ഉപകാരപ്പെടുമെന്നാണ് കണക്കുകൂട്ടൽ.
നാളികേരവുമായി പോയ ചരക്കുലോറി മറിഞ്ഞു |Vattapara Valav
നെടുമ്പാശേരി വിമാനത്താവളം 88 കിമി ആകാശ ദൂരപരിധിയിലും തിരുവനന്തപുരം വിമാനത്താവളം 120 കിമി അകലെയുമാണ്. 200 കിമി അകലെയാണ് മധുര വിമാനത്താവളം. അതിനാൽ സിഗ്നലുകൾ കൂടിക്കലരാനുള്ള സാധ്യത കൂടുതലാണെന്ന് കേന്ദ്ര വ്യോമയാന മന്ത്രാലയം വ്യക്തമാക്കിയിരുന്നു. എന്നാൽ ഈ ആശങ്ക അസ്ഥാനത്താണെന്ന് സംസ്ഥാനം വ്യക്തമാക്കിയിട്ടുണ്ട്. എയർസ്പേസ് അലോക്കേഷൻ ഡിസൈൻ എന്ന സാങ്കേതികവിദ്യ ഉപയോഗിച്ച് ഇതിനെ മറികടക്കാനാകും എന്നാണ് സംസ്ഥാനത്തിന്റെ മറുപടി. ചെന്നൈ, മുംബൈ, കണ്ണൂർ, കരിപ്പൂർ, വിമാനത്താവളങ്ങളിൽ ഇത് ഉപയോഗിക്കുന്നുണ്ടെന്ന് കേരളം ചൂണ്ടിക്കാട്ടി.
ഭൂകമ്പം കനത്ത നാശം വിതച്ച തുര്‍ക്കിക്ക് കേരളത്തിന്‍റെ സഹായമായ 10 കോടി രൂപ അനുവദിച്ചു
വിമാനത്താവളത്തിനായി കണ്ടെത്തിയ സ്ഥലം റബ്ബർ തോട്ടമായതിനാൽ പാരിസ്ഥിതികാനുമതി ലഭിക്കാൻ പ്രയാസമുണ്ടായേക്കില്ല. കേന്ദ്രാനുമതി ലഭിച്ചാൽ വിമാനത്താവള കമ്പനി രജിസ്റ്റർ ചെയ്യും. ഉയർന്ന പ്രദേശമായതിനാൽ വെള്ളപ്പൊക്കെ ഭീഷണിയില്ല. രണ്ട് ദേശീയ പാതകളും അഞ്ച് സംസ്ഥാന പാതകളുടെയും സാമീപ്യമുണ്ട്. വിമാനത്താവളത്തിൽ നിന്നും ശബരിമലയിലേക്ക് 48 കി മി ദൂരവും കോട്ടയത്തേക്ക് 40 കി മി ദൂരവുമാണുള്ളത്. ഇവയെല്ലാം പദ്ധതിക്കുള്ള അനുകൂല ഘടകങ്ങളാണ്.
ടോൾ ബൂത്തിന് 100 മീറ്റർ അകലെ മഞ്ഞ വര; മറികടന്നാൽ ടോൾ വാങ്ങാതെ വാഹനങ്ങൾ കയറ്റി വിടണം; കേന്ദ്രസർക്കാരിനോട് ഹൈക്കോടതി
പദ്ധതിക്ക് 2250 കോടി ചെലവാകുമെന്നാണ് പ്രതീക്ഷ. 1290 കോടി രൂപ ഭൂമി ഏറ്റെടുക്കുന്നതിനും നിരപ്പാക്കുന്നതിനും വിനിയോഗിക്കും. പദ്ധതി തമിഴ്നാട്ടിലെ തേനി ജില്ലക്കാർക്കും പ്രയോജനപ്പെടും. കൂടാതെ സുഗന്ധവ്യഞ്ജന കയറ്റുമതി എളുപ്പമാക്കുകയും ചെയ്യും. 5000 പേർക്ക് നേരിട്ട് തൊഴിൽ ലഭിക്കുമെന്നും പത്തിരട്ടി പേർക്ക് പരോക്ഷ തൊഴിൽ ലഭിക്കുമെന്നും പ്രതീക്ഷിക്കുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
