ബെംഗളൂരു: യുവാവിനെ കൊലപ്പെടുത്തി ശരീരഭാഗങ്ങള്‍ കഷ്ണങ്ങളാക്കി ഉപേക്ഷിച്ച കേസില്‍ 8 വര്‍ഷങ്ങള്‍ക്ക് ശേഷം പ്രതി പിടിയില്‍. കര്‍ണാടകയിലെ വിജയപുര ജില്ലയിലെ ലിംഗരാജു സിദ്ധപ്പ പൂജാരിയെന്നയാളാണ് അതിക്രൂരമായി കൊല്ലപ്പെട്ടത്. ലിംഗരാജുവിന്റെ സഹോദരിയും പങ്കാളിയുമാണ് 8 വര്‍ഷങ്ങള്‍ക്ക് ശേഷം പിടിയിലായത്.
2015ലാണ് വിവിധ ജിഗാനിയിലെ വിവിധ ഭാഗങ്ങളില്‍ നിന്നും കഷ്ണങ്ങളാക്കിയ മൃതദേഹാവശിഷ്ടങ്ങള്‍ കണ്ടെത്തിയത്. 3 ബാഗുകളിലാക്കായാണ് മൃതദേഹം പേക്ഷിച്ചത്. തടാകത്തിന് സമീപത്ത് നിന്നും, അറവ് ശാലയ്ക്ക് സമീപത്ത് നിന്നുമൊക്കെയാണ് ശരീരഭാഗങ്ങള്‍ വീണ്ടെടുത്തത്. കൊല്ലപ്പെട്ടയാളുടെ തല ഒഴികെയുള്ള ശരീര ഭാഗങ്ങള്‍ പലയിടത്ത് നിന്നാണ് പോലീസ് കണ്ടെത്തി. ഇതോടെ അന്വേഷണം വഴിമുട്ടിയ അവസ്ഥയിലായി.
പഴയ വാഹനങ്ങൾ കിടിലൻ ലുക്കിൽ | police
എന്നാല്‍ വര്‍ഷങ്ങള്‍ക്ക നീണ്ട അന്വേഷണത്തിനൊടുവില്‍ കൊല്ലപ്പെട്ട ലിംഗരാജുവിന്റെ സഹോദരി ഭാഗ്യശ്രീയും പങ്കാളി ശിവപുത്രനുമാണ് കൊലപാതകങ്ങള്‍ക്ക് പിന്നിലെന്ന് കണ്ടെത്തിയിരിക്കുകയാണ് പോലീസ്. കോളേജ് കാലം മുതല്‍ അടുപ്പത്തിലായിരുന്നു ഭാഗ്യശ്രീയും ശിവപുത്രയും. എന്നാല്‍ ഇരുവരുടെയും കുടുംബങ്ങള്‍ ബന്ധത്തെ എതിര്‍ത്തതോടെ രണ്ടുപേരും ബെംഗളൂരുവില്‍ വീട് വാടകയ്ക്ക് എടുത്ത് ഒരുമിച്ച് താമസം ആരംഭിച്ചു. ജിഗ്നിയിലെ വ്യവസായ മേഖലയില്‍ ഇരുവരും ജോലി കണ്ടെത്തുകയും ചെയ്തു.
ഇതിനിടെ ഭാഗ്യശ്രീയെ തേടിയെത്തിയ സഹോദരന്‍ ലിംഗരാജു ഇരുവരും ഒരുമിച്ച് താമസിക്കുന്ന വാടക വീട്ടില്‍ എത്തുകയും വാക്ക് തര്‍ക്കത്തില്‍ ഏര്‍പ്പെടുകയും ചെയ്തു. തര്‍ക്കത്തിനൊടുവില്‍ ശിവപുത്രയും ഭാഗ്യശ്രീയും ചേര്‍ന്ന് ലിംഗരാജുവിനെ കൊലപ്പെടുത്തുകയായിരുന്നു. ഇതോടെ സഹോദരന്റെ മൃതദേഹം വെട്ടിനുറുക്കി 3 ബാഗുകളിലാക്കി ഉപേക്ഷിക്കുകയായിരുന്നു. ഇതിന് പിന്നാലെ ഭാഗ്യശ്രീയും ശിവപുത്രയും നാട് വിടുകയും ചെയ്തു. ഭാഗ്യശ്രീയും ശിവപുത്രയും പുതിയ പേരുകള്‍ സ്വീകരിച്ച് വ്യാജ രേഖകളുണ്ടാക്കി മഹാരാഷ്ട്രയിലെ നാസിക്കില്‍ താമസിക്കുന്നതായി പോലീസിന് വിവരം ലഭിക്കുകയായിരുന്നു. തുടര്‍ന്ന് ഇവിടെയെത്തിയ പോലീസ് സംഘം അറസ്റ്റ് രേഖപ്പെടുത്തി. പ്രതികളെ ബെംഗളൂരുവില്‍ എത്തിച്ചു.
സൈഡ് ചോദിച്ചു; ബൈക്ക് യാത്രികനായ യുവാവിനെ കാറിൽ മദ്യപിച്ചെത്തിയവർ മർദിച്ചതായി പരാതി
Read Latest Kerala News and Malayalam News
