ചൂട് കാലത്ത് കണ്ണിനെ ബാധിക്കുന്ന ചുവപ്പും ചൊറിച്ചിലും സൂക്ഷിക്കണം

വേനൽ കാലമായതോടെ പല തരത്തിലുള്ള രോഗങ്ങളാണ് ആളുകളെ അലട്ടുന്നത്. ഇതിൽ വളരെ പ്രധാനമായി കണ്ടുവരുന്ന രോഗമാണ് ചെങ്കണ്ണ് അല്ലെങ്കിൽ ചുവപ്പ് നിറവും ചൊറിച്ചിലും. പൊതുവെ ചൂട് കൂടുമ്പോഴാണ് കണ്ണിൽ ഇത്തരം പ്രശ്നങ്ങൾ ഉണ്ടാകുന്നത്. കണ്ണിലെ വെളുത്ത ഭാഗത്തുണ്ടാകുന്ന അണുബാധയാണ് ചെങ്കണ്ണ് അഥവ കൺജങ്ടിവൈറ്റിസ് എന്ന് പറയുന്നത്. രോഗം മൂലം രക്തക്കുഴലുകളിലൂടെയുള്ള രക്തപ്രവാഹം കൂടുമ്പോഴാണ് കണ്ണിൽ ചുവപ്പ് നിറമുണ്ടാകുന്നത്. കൺജങ്ടിവൈറ്റിസിനെ മദ്രാസ് ഐ, പിങ്ക് ഐ എന്നൊക്കെ വിളിക്കാറുണ്ട്. കൃത്യ സമയത്ത് ചികിത്സ നൽകിയില്ലെങ്കിൽ രോഗം മൂർച്ഛിക്കാനുള്ള സാധ്യത കൂടുതലാണ്. മുൻപൊക്കെ രണ്ടോ മൂന്നോ ദിവസം കൊണ്ട് രോഗം ഭേദമാകുമായിരുന്നെങ്കിലും ഇപ്പോൾ അത് അല്ല സ്ഥിതി. കണ്ണിലെ ചുവപ്പും ചൊറിച്ചിലുമൊക്കെ ഇതിൻ്റെ പ്രധാന ലക്ഷണങ്ങളാണ്. കണ്ണിൽ ചുവപ്പും ചൊറിച്ചിലുമുണ്ടാകാനുള്ള കാരണങ്ങളെക്കുറിച്ച് Lalit singhal MS, Phaco and refractive surgeon, Sai eye care and medical centre, ഗാസിയാബാദ് സംസാരിക്കുന്നു.

കണ്ണിലെ ചുവപ്പിൻ്റെ പ്രധാന കാരണങ്ങൾ

1. കമ്പ്യൂട്ടർ വിഷൻ സിൻഡ്രോം (സിവിഎസ്) – ഒരാൾ ദീർഘനേരം മൊബൈൽ / ലാപ്പ്ടോപ്പ് / ഓൺലൈൻ ഗെയിമുകൾ ഉപയോഗിക്കുന്നുണ്ടെങ്കിൽ കണ്ണിൽ ചുവപ്പുണ്ടാകാം. ഈ പ്രവർത്തനങ്ങൾ കണ്ണുനീരിന്റെ ഗുണനിലവാരവും അളവും വഷളാക്കുന്ന ബ്ലിങ്ക് നിരക്ക് കുറയ്ക്കുന്നു, ഇത് ചൊറിച്ചിൽ വരണ്ട കണ്ണുകൾക്കും ചുവന്ന കണ്ണുകൾക്കും ഇടയ്ക്കിടെയുള്ള റിഫ്രാക്റ്റീവ് നമ്പർ മാറ്റത്തിനും വേദനയ്ക്കും കാരണമാകുന്നു.

2. തെറ്റായി ഘടിപ്പിച്ച കോൺടാക്റ്റ് ലെൻസുകൾ അല്ലെങ്കിൽ ഡോക്ടർ പറയുന്നതിലും ദൈർഘ്യമേറിയ കാലയളവിൽ ഉപയോഗിക്കുമ്പോൾ കോൺടാക്റ്റ് ലെൻസുമായി ബന്ധപ്പെട്ട അൾസറും അണുബാധയും ഉണ്ടാകാനുള്ള സാധ്യത വളരെ കൂടുതലാണ്.

3. കൺജങ്ക്റ്റിവൽ രക്തസ്രാവം- കണ്ണിൻ്റെ ചുവപ്പിനുള്ള കാരണമാണിത്. കണ്ണിലെ മുറിവ്, രക്തം കട്ടി കുറയ്ക്കുന്ന മരുന്നുകളുടെ ഉപയോഗം, ഉയർന്ന രക്തസമ്മർദ്ദം എന്നിവയാണ് ഇതിൻ്റെ കാരണങ്ങൾ

4. പൊടി, മലിനീകരണം, പരിസ്ഥിതിയിൽ പ്രത്യേകിച്ച് വേനൽക്കാലത്ത് വർദ്ധിച്ച UV റേഡിയേഷൻ എന്നിവ കാരണം കണ്ണിന് അലർജിയുണ്ടാകാമ്പോൾ ഇത്തരത്തിൽ ചുവപ്പ് നിറമുണ്ടാകാം.

5. നേത്ര അണുബാധ- കോവിഡിന് ശേഷമുള്ള വൈറൽ നേത്ര അണുബാധകളുടെയും അൾസറിന്റെയും വർധനവുണ്ടായിട്ടുണ്ട്. പ്രതിരോധ ശേഷി കുറവുള്ളവർക്കാണ് ഇത് ബാധിക്കാനുള്ള സാധ്യത കൂടുതൽ. കുട്ടികളും ഗർഭിണികൾക്കുമാണ് ഇത് ഉണ്ടാകാൻ സാധ്യത കൂടുതൽ.

ഇതിലെ ഭൂരിഭാഗം പ്രശ്നങ്ങളും ചികിത്സിച്ച് ഭേദമാക്കാവുന്നതാണ്. കൃത്യമായ ചികിത്സയും പരിചരണവും നൽകിയാൽ കാഴ്ച പോലും നഷ്ടപ്പെടുന്ന അവസ്ഥ ഒഴിവാക്കാൻ സാധിക്കും.

എന്താണ് ചെങ്കണ്ണ്

വൈറസ് അല്ലെങ്കിൽ ബാക്ടീരിയ മൂലമാണ് ചെങ്കണ്ണ് പ്രധാനമായുമുണ്ടാകുന്നത്. ഇൻഫെക്റ്റീവ് കൺജംഗ്റ്റിവൈറ്റിസ് സാധാരണയായി വൈറസ് മൂലമാണ് ഉണ്ടാകുന്നത്. ഇത് പകർച്ചവ്യാധിയായത് കാരണം രോഗികൾ സൂക്ഷിക്കേണ്ടത് വളരെ പ്രധാനമാണ്. അവ വ്യക്തിയിൽ നിന്ന് മറ്റൊരാളിലേക്ക് പകരുന്നു. മലിനമായ വസ്തുക്കളിലൂടെയോ വെള്ളത്തിലൂടെയും ഇത് ബാധിക്കാം. രോഗം സ്ഥിരീകരിക്കുന്നവർ ആൾ കൂട്ടത്തിൽ പോകാതിരിക്കാൻ ശ്രദ്ധിക്കണം.

Also Read: കുഞ്ഞുന്മാരാണെങ്കിലും കേമന്മാരാണ്, അമിതവണ്ണം കുറയ്ക്കാൻ ചിയ വിത്തുകൾ ഇങ്ങനെ ഉപയോഗിക്കണം

രോഗമുള്ള വ്യക്തികൾ ഉപയോഗിക്കുന്ന വസ്തുക്കൾ മറ്റുള്ളവർ ഉപയോഗിക്കാൻ പാടില്ല. രോഗമുള്ളവരുടെ വീട്ടിൽ കുട്ടികളോ ഗർഭിണികളോ ഉണ്ടെങ്കിൽ പ്രത്യേക ശ്രദ്ധ നൽകണം. രോഗമുള്ളവർ സ്വയം മരുന്ന് ഒഴിക്കാനും ശ്രമിക്കണം. രോഗിയെ സഹായിക്കുന്നവർ കൈ വ്യത്തിയായി സോപ്പിട്ട് കഴുകാൻ ശ്രമിക്കണം. രോഗികൾ ധാരാളം വെള്ളം കുടിക്കണം. ധാരാളം പഴങ്ങളും പച്ചക്കറികളും ഭക്ഷണത്തിൽ ഉൾപ്പെടുത്താനും മറക്കരുത്. അതുപോലെ കണ്ണിന് അധികം അയാസം നൽകുന്ന ജോലികൾ ചെയ്യാതിരിക്കുക. സ്വയം മാറുന്നതാണ് ചെങ്കണ്ണ് രോഗം. എന്നാൽ ഇത് രണ്ടോ മൂന്നോ ദിവസത്തിൽ കൂടുതൽ തുടർന്നാൽ കൃത്യമായ ചികിത്സ എടുക്കണം.

ചെങ്കണ്ണിൻ്റെ ലക്ഷണങ്ങൾ