മുടി കൊഴിച്ചില്‍ അകറ്റാനും നര തടയാനും ഏറ്റവും സിംപിള്‍ വഴി….

​ഏത് തരം മുടിയുള്ളവര്‍ക്കും​

മെഡിക്കല്‍ കണ്ടീഷനുകള്‍ക്ക് ചികിത്സയെടുത്ത് ഒപ്പം വീട്ടുവൈദ്യങ്ങള്‍ പരീക്ഷിയ്ക്കുന്നത് ഗുണം നല്‍കും. ഇതല്ലാതെ മുടി കൊഴിയുന്നതിനും അകാലനര വരുന്നതിനുമെല്ലാം ചെയ്യാവുന്ന ചില വീട്ടുവൈദ്യങ്ങളുണ്ട്.

ഇത്തരത്തില്‍ ഏറ്റവും ലളിതമായി ചെയ്യാവുന്ന ഒന്നാണ് വെളിച്ചണ്ണയും സവാള നീരും ഉപയോഗിച്ചുള്ള ഒന്ന്. ഏത് തരം മുടിയുള്ളവര്‍ക്കും ചെയ്യാവുന്ന ഇത് കോള്‍ഡ് പോലുള്ള പ്രശ്‌നങ്ങളും ഉണ്ടാക്കുന്നില്ല. പലര്‍ക്കും മുടിയുടെ ആരോഗ്യത്തിനുള്ള ചില ഹെയര്‍ പായ്ക്കുകള്‍ കോള്‍ഡ് പോലുളള അവസ്ഥകള്‍ വരുത്തുന്നു.

എന്നാല്‍ വെളിച്ചെണ്ണയും സവാള നീരും ഇത്തരം പ്രശ്‌നങ്ങള്‍ വരുത്തില്ലെന്ന് മാത്രമല്ല, ഗുണം നല്‍കുകയും ചെയ്യുന്നു. ഇത് തയ്യാറാക്കാനും പുരട്ടാനും എളുപ്പവുമാണ്.

​വെളിച്ചെണ്ണ ​

ഇതിനായി വേണ്ടത് വെളിച്ചെണ്ണയും സവാള നീരുമാണ്. വെളിച്ചെണ്ണ പൊതുവേ മുടിയ്ക്കും ചര്‍മത്തിനുമെല്ലാം ഏറെ ഗുണകരമാണ്. നല്ല ശുദ്ധമായ വെളിച്ചെണ്ണയാണ് ഗുണം നല്‍കുകയെന്നോര്‍ക്കുക. മുടിയ്ക്ക് സ്വാഭാവിക ഈര്‍പ്പം നല്‍കാനും വരണ്ട മുടിയ്ക്ക തിളക്കം നല്‍കാനും തല തണുപ്പിയ്ക്കാനുമെല്ലാം ഇതേറെ നല്ലതാണ്.

​സവാള നീര് ​

സവാള നീര് മുടിയുടെ ആരോഗ്യത്തിനായി പൊതുവേ അംഗീകരിയ്ക്കപ്പെട്ടിരിയ്ക്കുന്ന ഒന്നാണ്. മുടി കൊഴിച്ചില്‍ അകറ്റാന്‍ മാത്രമല്ല, കൊഴിഞ്ഞു പോയിടത്ത് പുതിയ മുടി വരാനും ഏറെ നല്ലതാണ് സവാള നീര്. ഇതിലെ സള്‍ഫറാണ് ഈ ഗുണം നല്‍കുന്നത്.

മാത്രമല്ല, മുടി നരയ്ക്കുന്നതിനുള്ള സ്വാഭാവിക പരിഹാരം കൂടിയാണിത്. നരച്ച മുടി കറുപ്പാക്കുന്നതിന്, നര വരാതെ തടയുന്നതിന് എല്ലാം ഏറെ ഗുണകരമാണ് സവാള നീര്. ഇത് മുടിയിഴകള്‍ക്ക് ബലം നല്‍കുന്ന ഒന്നു കൂടിയാണ്.

​ഗുണം നല്‍കും​

വെളിച്ചെണ്ണ, നല്ല ശുദ്ധമായ വെളിച്ചെണ്ണ എടുക്കുക. ഇത് ചെറുതായി ഡബിള്‍ ബോയില്‍ ചെയ്യുക. അതായത് നേരിട്ട് ചൂടാക്കാതെ വെള്ളം തിളപ്പിച്ച് അതില്‍ ഇറക്കി വച്ച് ചെറുതായി ചൂടാക്കാം. ഇതിലേയ്ക്ക് സവാള മിക്‌സിയില്‍ അടിച്ച് ഇതിന്റെ നീര് കൂടി ചേര്‍ത്തിളക്കാം. ഇത് നല്ലതു പോലെ കലര്‍ത്തി ശിരോചര്‍മത്തില്‍ പുരട്ടി മസാജ് ചെയ്യാം. അര മണിക്കൂര്‍ ശേഷം കഴുകിക്കളയാം. ഹെര്‍ബല്‍ വഴികള്‍ ഉപയോഗിച്ച് മുടി കഴുകുന്നതാണ് ഗുണം ലഭിയ്ക്കാന്‍ കൂടുതല്‍ നല്ലത്.