​ഒരു പാടും കുരുവും ഇല്ലാതെ മുഖം ക്ലിയറാക്കി എടുക്കണോ? ജൊജോബ ഓയില്‍ ഇങ്ങനെ പുരട്ടൂ​

​മുഖക്കുരു കുറയ്ക്കും​

പലര്‍ക്കും മുഖക്കുരു ഒരു പ്രശ്‌നം തന്നെയാണ്. ചിലര്‍ക്ക് മുഖത്ത് തരിതരിപോലെ കുരുക്കള്‍ പൊന്തുന്നത് കാണാം. ചിലര്‍ക്ക് വലിയ കുരുക്കളായിരിക്കും പ്രത്യക്ഷപ്പെടുന്നത്. മുഖത്ത് കുരുക്കള്‍ പൊന്തുന്നത് മുഖത്തെ ക്ലിയറല്ലാതെ നിലനിര്‍ത്തുന്നതിനും അതുപോലെ, മുഖത്തിന് ഒരു ഗ്ലോ നഷ്ടപ്പെുത്തുന്നതിനും ഇത് കാരണമാണ്.

എന്നാല്‍, ജൊജോബ ഓയില്‍ ഉപയോഗിച്ചാല്‍ നിങ്ങള്‍ക്ക് ഈ പ്രശ്‌നങ്ങള്‍ പരിഹരിക്കാന്‍ സാധിക്കുന്നതാണ്. ചില പഠനങ്ങള്‍ പ്രകാരം ജൊജോബ ഓയില്‍ മാസ്‌ക്ക് ഉപയോഗിക്കുന്നത് മുഖക്കുരു വരുന്നത് തടയുന്നതിനും വൈറ്റ് ഹെഡ്‌സ് വരാതിരിക്കാനും ഇത് സഹായിക്കും.

​മോയ്‌സ്ച്വറൈസ് ചെയ്യുന്നു​

വരണ്ട ചര്‍മ്മമാണോ നിങ്ങളുടേത്. മാറ്റിയെടുക്കാന്‍ ഏറ്റവും നല്ലമാര്‍ഗ്ഗം ജൊജോബ ഓയില്‍ ഉപയോഗിക്കുക എന്നതാണ്. ഇത് ചര്‍മ്മത്തിലെ ജലാംശം നിലനിര്‍ത്താന്‍ സഹായിക്കുകയും അതിനാല്‍ തന്നെ ചര്‍മ്മം നല്ലപോലെ ഹൈഡ്രേറ്റ് ചെയ്ത് നിലനില്‍ക്കുകയും ചെയ്യുന്നു.

ഇത്തരത്തില്‍ ചര്‍മ്മം ഹൈഡ്രേറ്റ് ചെയ്ത് നിലനിര്‍ത്തുന്നതിനാല്‍ തന്നെ ചര്‍മ്മത്തിലെ മോയ്‌സ്ച്വര്‍ കണ്ടറ്റ് നിലനില്‍ക്കുന്നു. ഇത് ചര്‍മ്മത്തിന് നല്ല ഗ്ലോ നല്‍കുന്നതിന് സഹായിക്കുന്നുണ്ട്.

കൂടാതെ, ഇതില്‍ ആന്റിബാക്ടീരിയല്‍ ഘടകങ്ങള്‍ അടങ്ങിയിരിക്കുന്നതിനാല്‍ തന്നെ ചര്‍മ്മത്തില്‍ ആണുബാധകള്‍ ഉണ്ടാകാതിരിക്കാനും ചര്‍മ്മം നല്ല ആരോഗ്യത്തോടെ പരിപാലിക്കാനും സഹായിക്കുന്നുണ്ട്. ഇത് ചര്‍മ്മത്തിന് പുതുജീവന്‍ നല്‍കുന്നു.

​ചുളിവുകള്‍ നീക്കുന്നു​

ചര്‍മ്മത്തിലെ ചുളിവുകള്‍ നീക്കാന്‍ ജൊജോബ ഓയില്‍ വളരെ നല്ലതാണ്. ചര്‍മ്മം നല്ല യുവത്വത്തോടെ നിലനിര്‍ത്തുകയും പ്രയക്കുറവ് തോന്നിപ്പിക്കുന്നതിനും ഇത് സഹായിക്കുന്നുണ്ട്. കാരണം ഇത് ചര്‍മ്മത്തിലെ കൊളാജീന്റെ അളവ് വര്‍ദ്ധിപ്പിക്കുന്നു. കൊളാജീന്‍ പ്രോട്ടീന്‍ ആണ് നമ്മളുടെ ചര്‍മ്മത്തിന് ഇലാസ്റ്റിസിറ്റിയും അതുപോലെ, ചര്‍മ്മത്തില്‍ ചുളിവുകള്‍ വരാതെ സംരക്ഷിക്കുന്നതും.

കൊളാജീന്‍ വര്‍ദ്ധിപ്പിക്കാന്‍ മാത്രമല്ല, മുഖതതെ കറുത്തപാടുകള്‍ മാറ്റി എടുക്കുന്നതനും മുഖത്തെ കരുവാളിപ്പും മാറ്റി ചര്‍മ്മത്തിന് നല്ല ഈവണ്‍ ടോണ്‍ നല്‍കാന്‍ ജൊജോബ ഓയിലിന് സാധിക്കും. ഈ വണ്‍ ടോണ്‍ നല്‍കുന്നതിനോടൊപ്പം തന്നെ മുഖത്തിന് നല്ല തിളക്കവും ചര്‍മ്മകാന്തി വര്‍ദ്ധിപ്പിക്കുന്നതിനും ഇത് സഹായിക്കുന്നുണ്ട്.

Also Read: മുഖം പാല്‍പോലെ തിളങ്ങാന്‍ 2 ടീസ്പൂണ്‍ പാല്‍ തന്നെ ധാരാളം​

​ഉപയോഗിക്കേണ്ട വിധം​

ജൊജോബ ഓയില്‍ നല്ല ഫലം നല്‍കണമെങ്കില്‍ നിങ്ങള്‍ ഇത് സ്ഥിരമായി ഉപയോഗിക്കേണ്ടത് അനിവാര്യമാണ്. അതുപോലെ തന്നെ, ജൊജോബ ഓയില്‍ എല്ലാവരുടേയും ചര്‍മ്മത്തിന് ചേരണം എന്നും ഇല്ല. ചിലര്‍ക്ക് അലര്‍ജി ഉണ്ടാക്കാം. അതിനാല്‍, ഉപയോഗിക്കുന്നതിന് മുന്‍പ് പാച്ച് ടെസ്റ്റ് നടത്തുന്നത് നല്ലതാണ്. നിങ്ങള്‍ക്ക് ഇത് മൂലം ബുദ്ധിമുട്ടുകള്‍ ഇല്ല എന്ന് ഉറപ്പ് വരുത്തിയതിന് ശേഷം മാത്രം ഉപയോഗിക്കുക.

ജൊജോബ ഓയില്‍ ഒരിക്കലും നേരിട്ട് ഉപയോഗിക്കരുത്. ഇത് നേര്‍പ്പിച്ച് എടുത്തതിന് ശേഷം മാത്രം ഉപയോഗിക്കാന്‍ ശ്രദ്ധിക്കുക. ഇത് റോസ് വാട്ടറിന്റെ കൂടെ, അല്ലെങ്കില്‍ കറ്റാര്‍വാഴ ജെല്ലില്‍ മിക്‌സ് ചെയ്ത് നിങ്ങള്‍ക്ക് ചര്‍മ്മത്തില്‍ ഉപയോഗിക്കാം. അതും ചേര്‍ക്കുമ്പോള്‍ മൂന്നോ നാലോ തുള്ളി മാത്രം എടുക്കാന്‍ പ്രത്യേകം ശ്രദ്ധിക്കുക.

രാത്രി കിടക്കുന്നതിന് മുന്‍പ് പുരട്ടുന്നത് കുറച്ചും കൂടെ ഗുണം ലഭിക്കാന്‍ സഹായിക്കും. ഇത് വളരെ വേഗത്തില്‍ ഫലം നല്‍കാന്‍ സഹായിക്കുകയും ചെയ്യും.

English Summary: Jojoba Oil For Skin