Sumayya P | Samayam Malayalam | Updated: 21 Mar 2023, 1:42 pm
ഭക്ഷണവും പാനീയങ്ങളും വിൽക്കാൻ 30 ഓളം കിയോസ്‌കുകളും സൂക്കിൽ ഒരുക്കിയിരുന്നു.
ഹൈലൈറ്റ്:
- 33,921 സന്ദർശകരാണ് ദുബായ് മുനിസിപ്പാലിറ്റി ഫാർമേഴ്‌സ് സൂഖ് ഇനിഷ്യേറ്റീവിന്റെ രണ്ടാം പതിപ്പിൽ എത്തിയത് എന്നാണ് റിപ്പോർട്ട്
- 2022 നവംബർ 19 നും 2023 മാർച്ച് 18 നും ഇടയിൽ നഖീൽ പാർക്കിൽ ആണ് പരിപാടി സംഘടിപ്പിച്ചത്
Also Read: കുവൈറ്റില്‍ പ്രവാസി ജനസംഖ്യ നിയന്ത്രിക്കാന്‍ തീരുമാനം; പ്രവാസി റിക്രൂട്ട്‌മെന്റിന് കൂടുതല്‍ വ്യവസ്ഥകള്‍
ഫാർമേഴ്‌സ് സൂഖ് ഇനീഷ്യേറ്റീവിന്റെ രണ്ടാം പതിപ്പ് വിജയകരമാക്കുന്നതിൽ എമിറാത്തി കർഷകരുടെയും ചെറുകിട, ഇടത്തരം സംരംഭ ഉടമകളുടെയും (എസ്എംഇ) നിർണായക പങ്ക് ദുബായ് മുനിസിപ്പാലിറ്റിയിലെ പബ്ലിക് പാർക്ക് ആൻഡ് റിക്രിയേഷൻ ഫെസിലിറ്റീസ് വകുപ്പ് ഡയറക്ടർ അഹമ്മദ് അൽ സറൂണി എടുത്തുപറഞ്ഞു. പരിപാടിയുമായ് സഹകരിച്ചവർക്ക് വ്യാപാരം ചെയ്യാനുള്ള വൈവിധ്യമാർന്ന അവസരങ്ങൾ നൽകിക്കൊണ്ട് കാർഷിക മേഖലയെ പിന്തുണയ്ക്കാനുള്ള മുനിസിപ്പാലിറ്റിയുടെ ശ്രമങ്ങൾക്ക് ഈ സംരംഭം ഏറെ സഹായകരമായിരിക്കുമെന്ന് അൽ സറൂണി വ്യക്തമാക്കി.
“എമിറേറ്റിലെ കാർഷിക വൈവിധ്യത്തെക്കുറിച്ചും ദുബായ് നഗരത്തിന്റെ ഭക്ഷ്യസുരക്ഷയുടെ പ്രാധാന്യത്തെക്കുറിച്ചും അത് നേടുന്നതിന് തുടർച്ചയായി പ്രവർത്തിക്കേണ്ടതിന്റെ ആവശ്യകതയെക്കുറിച്ചും അവബോധം വളർത്താനും അതിനെ വിപുലമായ തോതിൽ പിന്തുണയ്ക്കാനും ഈ സംരംഭം ലക്ഷ്യമിടുന്നു. മേഖലയുടെ സുസ്ഥിരത വർധിപ്പിക്കുന്നതിനും പ്രാദേശിക ഉൽപന്നങ്ങളുടെ വിപണി വിഹിതം വർധിപ്പിക്കുന്നതിനും പദ്ധതി സഹായകരമാകും.
“എമിറാത്തി കർഷകർക്ക് അവരുടെ വൈവിധ്യമാർന്ന പ്രാദേശിക ഉൽപന്നങ്ങൾ ഉപഭോക്താക്കൾക്ക് പരിചയപ്പെടുത്തുന്നതിനും സന്ദർശകർക്ക് ദുബായ് എമിറേറ്റിലെ പ്രാദേശിക കൃഷിയെക്കുറിച്ച് പഠിക്കാനുള്ള അവസരമൊരുക്കുന്നതിനും ഒരു പ്രത്യേക പ്ലാറ്റ്ഫോം വാഗ്ദാനം ചെയ്തുകൊണ്ട് കാർഷിക മേഖല വികസിപ്പിക്കുന്നതിന് മുനിസിപ്പാലിറ്റി പ്രതിജ്ഞാബദ്ധമാണ്. മൊത്തം 50 കർഷകരും എസ്എംഇ ഉടമകളും പരിപാടിയിൽ പങ്കെടുക്കുകയും പച്ചക്കറികൾ, പഴങ്ങൾ, പാലുൽപ്പന്നങ്ങൾ, തേൻ, ഈന്തപ്പഴം, മറ്റ് വീട്ടുപകരണങ്ങൾ എന്നിവ ഉൾപ്പെടുന്ന അവരുടെ സാധനങ്ങൾ പ്രദർശിപ്പിക്കുകയും ചെയ്തു.
Read Latest Gulf News and Malayalam News
പത്ത് വർഷത്തിനുശേഷം ശ്രീശാന്ത് ഐപിഎല്ലിൽ തിരിച്ചെത്തുന്നു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
