ലൈംഗികാതിക്രമ കേസിൽ പ്രതിയായ വൈദികൻ പിടിയിലായത് ഒളിവിൽ കഴിയുന്നതിനിടെ. നാഗർകോവിലിലെ ഫാം ഹൗസ് പരിസരത്തുനിന്നാണ് പോലീസ് 29 കാരനായ ബെനഡിക്ട് ആൻ്റോയെ പിടികൂടിയത്.
ഹൈലൈറ്റ്:
- യുവ വൈദികനെ പിടികൂടിയത് ഫാം ഹൗസിൽ ഒളിവിൽ കഴിയുന്നതിനിടെ.
- നാഗർകോവിലിലെ ഫാം ഹൗസ് പരിസരത്തുനിന്നാണ് ഇയാൾ പിടിയിലായത്.
- ലൈംഗികാതിക്രമ കേസിലാണ് അറസ്റ്റ്.
ഒന്നാം വർഷ നഴ്സിങ് വിദ്യാർഥിനിയായ യുവതിയാണ് യുവ വൈദികനെതിരെ പോലീസിനെ സമീപിച്ചത്. തക്കലയ്ക്കടത്തുള്ള പ്ലാങ്കാലയിലെ ഔവർ ലേഡി ഓഫ് അസംപ്ഷൻ മലങ്കര പള്ളി വികാരിയായിരുന്ന ബെനഡിക്ട് ആൻ്റോ ഓൺലൈനിലൂടെ ലൈംഗികമായി ചൂഷണം ചെയ്തുവെന്നാണ് യുവതിയുടെ പരാതി. പള്ളിയിൽ പോകുമ്പോൾ ഇയാൾ ലൈംഗിക ഉദ്ദേശ്യത്തോടെ സ്പർശിച്ചിരുന്നുവെന്നും ലൈംഗികച്ചുവയുള്ള സന്ദേശങ്ങൾ അയച്ചുവെന്നും സ്വകാര്യഭാഗങ്ങളുടെ ഫോട്ടോയെടുത്തു വാട്സാപ്പിൽ അയച്ചിരുന്നുവെന്നും പരാതിയിൽ പറയുന്നുണ്ട്.
പാച്ചിപ്പാറയിലെ പള്ളിയിലും പിന്നീട് പ്ലാങ്കാലയിലെ പള്ളിയിലും വികാരിയായിരിക്കുമ്പോഴും അതിക്രമം നടന്നുവെന്നാണ് പരാതി. യുവതിയുടെ അമ്മയിൽനിന്നാണ് പ്രതി യുവതിയുടെ ഫോൺ നമ്പർ കൈക്കലാക്കിയത്. തുടർന്നു, യുവതിയുമായി ബന്ധപ്പെട്ട വൈദികൻ വീഡിയോ കോൾ ചെയ്യാനും വാട്സാപ്പിൽ ചാറ്റ് ചെയ്യാനും യുവതിക്കുമേൽ സമ്മർദ്ദം ചെലുത്തുകയായിരുന്നു. വീഡിയോ കോളിലൂടെയും വാട്സാപ്പ് ചാറ്റിലൂടെയും വൈദികൻ ലൈംഗികമായി ചൂഷണം ചെയ്തു തുടങ്ങിയതോടെയാണ് യുവതി പരാതിപ്പെടാൻ തീരുമാനിച്ചത്. ഇതറഞ്ഞ വൈദികനും ഇയാളുടെ അനുയായികളും ഭീഷണിപ്പെടുത്തിയെന്നും യുവതി പരാതിയിൽ പറയുന്നു.
പള്ളിയിലെത്തിയ യുവതിയുമായി സൗഹൃദത്തിലായി, ഫോൺ നമ്പർ കൈക്കലാക്കി വീഡിയോ കോൾ, ചാറ്റ്; ഒടുവിൽ സ്വകാര്യ ദൃശ്യങ്ങൾ പുറത്ത്; യുവ വൈദികൻ അറസ്റ്റിൽ
ഇതിനിടെ, യുവതിയുടെ സ്വകാര്യ ദൃശ്യങ്ങൾ സൂക്ഷിച്ചിരുന്ന വൈദികൻ്റെ ലാപ്ടോപ്പുമായി ഒരു സംഘം കടന്നുകളയുകയായിരുന്നു. പിന്നാലെ, ലാപ്ടോപ്പിലെ സ്വകാര്യ ദൃശ്യങ്ങൾ സമൂഹമാധ്യമങ്ങളിലൂടെ പ്രചരിച്ചു. നഗ്നദൃശ്യങ്ങളും ലൈംഗിക ചുവയുള്ള ചാറ്റുകളുമാണ് സമൂഹമാധ്യമങ്ങളിൽ വ്യാപകമായി പ്രചരിച്ചത്. യുവതിയുടെ പരാതിയിൽ കന്യാകുമാരി ജില്ലാ സൈബർ പോലീസ് ആണ് ഐടി വകുപ്പടക്കം ചുമത്തി വൈദികനെതിരെ കേസെടുത്തത്. അന്വേഷണത്തിനായി രണ്ടു പ്രത്യേക സംഘത്തെ രൂപീകരിച്ചിരുന്നു. വൈദികന്റെ മൊബൈൽ ഫോൺ കേന്ദ്രീകരിച്ചു നടത്തിയ അന്വേഷണത്തിലാണ്
നാഗർകോവിലിലെ ഫാം ഹൗസ് പരിസരത്തുനിന്നു പ്രതി പിടിയിലായത്.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
