​എത്ര ശ്രമിച്ചിട്ടും മുടി കൊഴിച്ചില്‍ മാറുന്നില്ലേ? വീട്ടിലുള്ള ഈ രണ്ട് ചേരുവകള്‍ മതി മാറ്റം കാണിക്കാന്‍​

​അടുക്കളയില്‍ നിന്നും ഒരു അത്ഭുതക്കൂട്ട്​

മുടി കൊഴിച്ചില്‍ മാറ്റാന്‍ പലപ്പോഴും നമ്മളുടെ മുന്‍പില്‍ പലരും വെക്കുന്നത് ചില എണ്ണക്കൂട്ടുകളായിരിക്കും. എന്നാല്‍, സ്ഥിരമായി ഇത്തരം എണ്ണക്കൂട്ടുകള്‍ ഉപയോഗിക്കാന്‍ പലര്‍ക്കും സാധിക്കുകയില്ല. എന്നും തല കുളിക്കുന്നതും മുടിയുടെ ആരോഗ്യത്തെ കാര്യമായി ബാധിക്കും. എന്നാല്‍, ആഴ്ച്ചയില്‍ ഉപയോഗിക്കാന്‍ സാധിക്കുന്നതും മുടിയ്ക്ക് ഒരൊറ്റ ഉപയോഗത്തില്‍ തന്നെ മാറ്റങ്ങള്‍ കണ്ടുതുടങ്ങുന്ന ഈ കൂട്ട് തയ്യാറാക്കാന്‍ അടുക്കളിയില്‍ നിന്നുള്ള ഈ വിഭവങ്ങള്‍ മാത്രം മതി.

ഇതില്‍ പ്രധാന താരം ഉലുവ തന്നെയാണ്. മുടിയുടെ ഒരുവിധം പ്രശ്‌നങ്ങളെ മാറ്റി എടുക്കാന്‍ ഉലുവയ്ക്ക് ശേഷിയുണ്ട്. അതുപോലെ രണ്ടാമതായി എടുക്കേണ്ടത് ഇഞ്ചിയാണ്. ഇഞ്ചിയ്ക്ക് മുടിയുടെ ഉള്ള് വര്‍ദ്ധിപ്പിക്കാനും അതുപോലെ, മുടി കൊഴിച്ചില്‍ മാറ്റിയെടുക്കാനുമുള്ള ശേഷിയുണ്ട്. ഇവ രണ്ടും ചേര്‍ത്ത് നന്നായി മിക്‌സ് ചെയ്ത് തയ്യാറാക്കി എടുക്കുന്ന ഈ കൂട്ട് നല്ല ഫലമാണ് നിങ്ങള്‍ക്ക് തരുന്നത്.

​കൂട്ട് തയ്യാറാക്കാം​

ഈ കൂട്ട് തയ്യാറാക്കി എടുക്കാന്‍ അര കപ്പ് ഉലുവ തലേദിവസം വെള്ളത്തില്‍ കുതിരാന്‍ ഇടണം. പിറ്റേദിവസം ഇത് എടുത്ത് കുതിരാന്‍ ഇട്ട വെള്ളം ഉപയോഗിച്ച് തന്നെ അരച്ച് എടുക്കണം. ഇതിലേയ്ക്ക് അടുത്തതായി വേണ്ടത് ഇഞ്ചി നീരാണ്. ഇതിനായി ഒരു വലിയ കഷ്ണം ഇഞ്ചി എടുക്കുക.

ഇഞ്ചി നന്നായി അരച്ചെടുത്ത് അതിന്റെ നീര് അരച്ച് വെച്ചിരിക്കുന്ന ഒലുവയിലേയ്ക്ക് ഇടണം. ഒരു രണ്ട് മൂന്ന് ടേബിള്‍സ്പൂണ്‍ ഇഞ്ചി നീരെങ്കിലും കിട്ടാന്‍ പാകത്തിന് വേണം ഇഞ്ചി എടുത്ത് ഉപയോഗിക്കാന്‍.

ഇവ നന്നായി മിക്‌സ് ചെയ്ത് മുടിയിലേയ്ക്ക് നന്നായി തേച്ച് പിടിപ്പിക്കണം. തലയോട്ടിയില്‍ വേണം നന്നായി തേച്ച് പിടിപ്പിക്കാന്‍. അതിന് ശേഷം ഒരു കോട്ടന്റെ തുണി എടുത്ത് അത് ചൂടുവെള്ളത്തില്‍ മുക്കി എടുത്ത് പിഴിഞ്ഞ്, നേരിയ ചൂടോടുകൂടി മുടിയെല്ലാം വാരിക്കൂട്ടി കെട്ടിവെക്കണം. മുടി പൊത്തിവേണം കെട്ടിവെക്കാന്‍.

കുറഞ്ഞത് ഒരു മണിക്കൂര്‍ ഇത് ഇങ്ങനെ വെച്ചതിന് ശേഷം നല്ല ഷാംപൂ ഇട്ട് കഴുകി എടുക്കുക. ഷാംപൂ ഉപയോഗിക്കുമ്പോള്‍ അധികം വീര്യം ഇല്ലാത്ത ഷാംപൂ ഉപയോഗിക്കാന്‍ ശ്രദ്ധിക്കുക.

​ശ്രദ്ധിക്കേണ്ട കാര്യങ്ങള്‍​

ഈ ഹെയര്‍ മാസ്‌ക്ക് ഇട്ടതിന് ശേഷം ഒരു മണിക്കൂര്‍ ഇരിക്കണം. അതുപോലെ, ഷാംപൂ എടുക്കാന്‍ മറക്കരുത്. മുടി നന്നായി ചീകിയതിന് ശേഷം ഈ കൂട്ട് ഇടുന്നത് കൂടുതല്‍ നല്ലതായിരിക്കും. അതുപോലെ, എല്ലാ പ്രാവഷ്യവും ആഴ്ച്ചയില്‍ ഒരിക്കലെങ്കിലും ഈ കൂട്ട് ഇടാന്‍ മറക്കരുത്. ആഴ്ച്ചയില്‍ ഒരിക്കല്‍ വെച്ച് അടുപ്പിച്ച് ചെയ്താല്‍ മാത്രമാണ് നല്ല ഫലം ലഭിക്കുക.

മുടി നന്നായി ഡ്രൈ ആകും എന്ന പേടി ഉള്ളവരാണെങ്കില്‍ ആദ്യം തന്നെ വെളിച്ചെണ്ണ തേച്ച് മുടി കഴുകി എടുക്കുക. അതിന് ശേഷം ഈ കൂട്ട് ഇടാവുന്നതാണ്. അതുപോലെ, ഈ കൂട്ടില്‍ കറ്റാര്‍വാഴ ചേര്‍ക്കുന്നതും മുടിയുടെ ആരോഗ്യത്തിന് കുറച്ചും കൂടെ നല്ലതാണ്.

അതുപോലെ, നീരിറക്കം പ്രശ്‌നമുള്ളവര്‍ ഇത് രാത്രിയില്‍ ഉപയോഗിക്കാതിരിക്കുക. രാവിലെ ഈ ഹെയര്‍ മാസ്‌ക്ക് ഇട്ട് കുളിക്കുന്നതാണ് എല്ലായ്‌പ്പോഴും നല്ലത്.

Also Read: മുഖത്ത് മാത്രമല്ല, തലയിലും മുള്‍ട്ടാണി മിട്ടി ഉപയോഗിക്കാം, ഗുണങ്ങളോ അനവധി​

​ഉപയോഗിച്ചാല്‍ ലഭിക്കുന്ന ഗുണങ്ങള്‍​

ഈ ഹെയര്‍മാസ്‌ക്ക് ഉപയോഗിക്കുന്നതിലൂടെ നിങ്ങളുടെ മുടിയ്ക്ക് നിരവധി ഗുണങ്ങളാണ് ലഭിക്കുന്നത്. പ്രത്യേകിച്ച് മുടി കൊഴിച്ചില്‍ സാവധാനത്തില്‍ കുറഞ്ഞ് വരുന്നത് കാണാം. അതുപോലെ, തലയിലെ താരന്‍ മാറ്റി എടുക്കുകയും സ്‌കാള്‍പ്പ് നല്ല വൃത്തിയാക്കുകയും ചെയ്യും.

നിങ്ങള്‍ ഒരു വട്ടം ഉപയോഗിക്കുമ്പോള്‍ തന്നെ മുടിയെല്ലാം നല്ലപോലെ ഒറ്റ ഒറ്റയായി നല്ല സ്മൂത്തായി കിടക്കുന്നത് കാണാന്‍ സാധിക്കും. മുടിയ്ക്ക് നല്ല കരുത്ത് നല്‍കുന്നതിനും മുടിയുടെ പരുപരുത്ത പ്രതലം മാറ്റി നല്ല സോഫ്റ്റാക്കി എടുക്കുന്നതിനും മുടിയുടെ വേരില്‍ നിന്നും ബലപ്പെടുത്തുന്നതിനും മുടി കൊഴച്ചില്‍ തടയാനും മുടിയ്ക്ക് ഉള്ള് വെക്കാനും ഇത് സഹായിക്കുന്നു.

Disclaimer: ഇതില്‍ തന്നിരിക്കുന്നത് ഒരു പൊതു അറിവ് മാത്രമാണ്. 100 ശതമാനം ഫലം ലഭിക്കും എന്ന് ഞങ്ങള്‍ ഒരിക്കലും അവകാശപ്പെടുന്നില്ല.

English Summery: Home Remedy for Hair Fall