ഡ്രസ്സിങ് റൂമിനകത്ത് ആഘോഷം: കപ്പെടുത്ത് ചുവട് വച്ച് മെസിയും സഹതാരങ്ങളും-വീഡിയോ

കപ്പെടുത്തുയർത്തി സഹതാരങ്ങൾക്കൊപ്പം നൃത്തം ചെയ്യുകയാണ് മെസി

Copa America 2021: കോപ്പ അമേരിക്ക ഫൈനലിൽ ബ്രസീലിനെതിരായ ഏകപക്ഷീയമായ ഒരു ഗോൾ ജയത്തിന്റെ ആവേശത്തിലാണ് അർജന്റീനിയൽ ടീം. മെസിയുടയും സംഘത്തിന്റെയും ആഹ്ളാദ പ്രകടനത്തിന്റെ വീഡിയോകളും ഇതിനകം വൈറലായി കഴിഞ്ഞു.

അർജന്റീനിയൻ ദേശീയ ടീമിന്റെ കഴിഞ്ഞ 28 വർഷത്തിനിടയിലെ ആദ്യത്തെ അന്താരാഷ്ട്ര കിരീട നേട്ടമാണിത്. ദേശീയ ടീമിന്റെ ഭാഗമായി മെസി ആദ്യമായി നേടുന്ന അന്താരാഷ്ട്ര കിരീടനേട്ടമെന്ന പ്രത്യേകതയും കോപ്പ അമേരിക്ക വിജയത്തിനുണ്ട്.

ആറ് തവണ ഫിഫ പ്ലെയർ ഓഫ് ദ ഇയർ അവാർഡ് ജേതാവായി റെക്കോഡ് നേടിയത താരമായ മെസ്സി ബാഴ്സലോണയ താരമെന്ന നിലക്ക് ക്ലബ്ബിലും വ്യക്തിപരമായും പ്രധാന നേട്ടങ്ങളെല്ലാം സ്വന്തമാക്കിയിട്ടുണ്ട്. എന്നാൽ അർജന്റീന ടീമിന്റെ ഭാഗമായി മുൻപ് കളിച്ച ടൂർണമെന്റ് ഫൈനലുകൾ നാലെണ്ണവും നഷ്ടപ്പെട്ടിരുന്നു.

2016 ലെ കോപ്പ അമേരിക്കയിൽ ചിലിയോട് തോറ്റതിന് ശേഷം നിരാശ പ്രകടപ്പിച്ച മെസി വിരമിക്കൽ പ്രഖ്യാപിക്കുകയും ഏതാനും ആഴ്ചകൾക്ക് ശേഷം അന്താരാഷ്ട്ര ഫുട്ബോളിലേക്ക് മടങ്ങുകയും ചെയ്തിരുന്നു.

This was a locker room celebration Messi and his teammates will never forget 🎉🇦🇷🏆

(via kunaguero, nicolasotamendi30, angeldimariajm IG) pic.twitter.com/WZMVGrzmf7

— FOX Soccer (@FOXSoccer) July 11, 2021

കോപ്പ ഫൈനലിൽ മെസ്സി സ്കോർ ചെയ്തില്ലെങ്കിലും കോപ്പ അമേരിക്കയിലെ ജോയിന്റ് ടോപ് സ്കോററായാണ് ടൂർണമെന്റ് അവസാനിപ്പിച്ചത്. ടൂർണമെന്റിൽ മെസി അഞ്ച് അസിസ്റ്റുകളും നൽകിയിരുന്നു.