​ഒരു പാടുപോലും ഇല്ലാതെ നിറം വര്‍ദ്ധിപ്പിക്കാന്‍ തയ്യാറാക്കാം ബീറ്റ്‌റൂട്ട് ജെല്‍​

​തയ്യാറാക്കി എടുക്കാം​

ഇത് തയ്യാറാക്കി എടുക്കാന്‍ ആദ്യം വേണ്ടത് ബീറ്റ്‌റൂട്ട് ആണ്. ബീറ്റ്‌റൂട്ട് നന്നായി തൊലി കളഞ്ഞ് അരച്ച് എടുക്കണം. അരച്ചതിന് ശേഷം ഇതിന്റെ നീര് മാറ്റി വെക്കുക. ഇത് തയ്യാറാക്കാന്‍ ഒരു ബീറ്റ്‌റൂട്ട് മൊത്തത്തില്‍ നിങ്ങള്‍ക്ക് എടുക്കാവുന്നതാണ്.

ഇത് അരച്ച് എടുക്കുമ്പോള്‍ വെള്ളം ചേര്‍ക്കാതെ വേണം അരച്ച് എടുക്കാന്‍. ഇതിന്റെ നീര് മാറ്റി വെക്കുക. അതിന് ശേഷം ഇതിലേയ്ക്ക് ഒരു ടീസ്പൂണ്‍ റോസ് വാട്ടര്‍ ചേര്‍ക്കണം. അതുപോലെ, അര ടീസ്പൂണ്‍ ഗ്ലിസറിനും ചേര്‍ക്കുക. അതിന്‌ശേഷം ഒരു ടീസ്പൂണ്‍ കറ്റാര്‍വാഴ ജെല്ലും ചേര്‍ത്ത് നന്നായി മിക്‌സ് ചെയ്ത് എടുക്കണം.

കറ്റാര്‍വാഴ ജെല്‍ നന്നായി എടുക്കണം. ഇവ നന്നായി മിക്‌സ് ചെയ്ത് ഒരു ജെല്‍ പരുവത്തില്‍ നിങ്ങള്‍ക്ക് ലഭിക്കും. ഇത് വൃത്തിയാക്കി വെച്ചിരിക്കുന്ന ഒരു ചെറിയ കുപ്പിയില്‍ ആക്കി നിങ്ങള്‍ക്ക് സൂക്ഷിക്കാവുന്നതാണ്.

​ഉപയോഗിക്കേണ്ട വിധം

മൂന്ന് നേരം വീതം ഇത് പുരട്ടിയാല്‍ നല്ല ഫലം ലഭിക്കും. പുരട്ടുന്നതിന് മുന്‍പ് ചര്‍മ്മം നല്ലപോലെ വൃത്തിയാക്കി എടുക്കേണ്ടത് അനിവാര്യമാണ്. വൃത്തിയാക്കി തുടച്ച് എടുത്തതിന് ശേഷം മാത്രം മുഖത്ത് ഈ ജെല്‍ പുരട്ടുക. പുരട്ടിയതിന് ശേഷം നന്നായി മസാജ് ചെയ്ത് കൊടുക്കാന്‍ മറക്കരുത്.

ഇത് നിങ്ങള്‍ പുറത്ത് പോകുന്നതിന് മുന്‍പ് സണ്‍സ്‌ക്രീന്‍ ഇടുന്നതിന് മുന്‍പ് പുരട്ടുന്നത് നല്ലതാണ്. അതുപോലെ, രാത്രിയില്‍ ചര്‍മ്മം നല്ലപോലെ വൃത്തിയാക്കി എടുത്തതിന് ശേഷം കിടക്കുന്നതിന് മുന്‍പ് പുരട്ടാവുന്നതാണ്. ചുണ്ടില്‍ പുരട്ടുന്നതും ചുണ്ടിന് നിറം ലഭിക്കാന്‍ സഹായിക്കും.

ചുണ്ടില്‍ പുരട്ടിയാല്‍ വയറ്റില്‍ പോകാതിരിക്കാന്‍ ശ്രദ്ധിക്കുക. ഇത് അടുപ്പിച്ച് എല്ലാദിവസവും പുരട്ടിയാല്‍ ചര്‍മ്മത്തില്‍ പ്രകടമായ മാറ്റം നിങ്ങള്‍ക്ക് കാണാന്‍ സാധിക്കുന്നതാണ്.

​ഗുണങ്ങള്‍​

ചര്‍മ്മത്തില്‍ പ്രകടമായ മാറ്റം കൊണ്ട് വരാന്‍ ബീറ്റ്‌റൂട്ടിന് സാധിക്കും. മുഖത്തെ കുരുക്കള്‍ മാറ്റി എടുക്കുന്നതിനും മുഖം നല്ല ക്ലിയറാക്കി എടുക്കുന്നതിനും ബീറ്റ്‌റൂട്ട് സഹായിക്കുന്നുണ്ട്. കൂടാതെ, ചര്‍മ്മത്തെ ഹൈഡ്രേറ്റ് ചെയ്ത് നിലനിര്‍ത്തുന്നതിനും മോയ്‌സ്ച്വര്‍ ചെയ്ത് നിലനിര്‍ത്തുന്നതിനും സഹായിക്കുന്നു.

മുഖത്തെ കറുത്തപാടുകള്‍ നീക്കം ചെയ്യുന്നതിന് അതുപോലെ, കരുവാളിപ്പ് മാറ്റി എടുക്കുന്നതിനുമെല്ലാം തന്നെ ബീറ്റ്‌റൂട്ട് സഹായിക്കുന്നുണ്ട്. അതിനാല്‍ തന്നെ ആ ഫേയ്‌സ് ജെല്‍ നല്ലതാണ്. കൂടാതെ, ഇതില്‍ ചേര്‍ത്തിരിക്കുന്ന റോസ് വാട്ടര്‍ ചര്‍മ്മം മോയ്‌സ്്ച്വര്‍ ചെയ്യുന്നതിനും നല്ല മിനുസം നല്‍കുന്നതിനും സഹായിക്കുന്നുണ്ട്.

അതുപോലെ, കറ്റാര്‍വാഴ ചര്‍മ്മത്തിന് യുവത്വം നല്‍കുന്നതിനും ചര്‍മ്മത്തിലെ ചുളിവുകള്‍ മാറ്റുന്നതിനും സഹായിക്കുന്നുണ്ട്. ചര്‍മ്മത്തിലെ കരുവാളിപ്പ് മാറ്റുന്നതിനും ചര്‍മ്മത്തിന് നല്ല നിറം നല്‍കുന്നതിനും തിളക്കം നല്‍കുന്നതിനും കറ്റാര്‍വാഴ സഹായിക്കുന്നു.

Also Read: മുഖത്തെ കുരുവും പാടുകളും മാറ്റാൻ വീട്ടിൽ തയാറാക്കാം ഈ ഈസി ഫേസ് പാക്കുകൾ​

​ഉപയോഗിക്കുമ്പോള്‍ ശ്രദ്ധിക്കേണ്ടവ​

ഇത് സ്ഥിരമായി ഉപയോഗിച്ചാല്‍ മാത്രമാണ് നല്ല ഫലം ലഭിക്കുന്നത്. ഒറ്റ ഉപയോഗത്തില്‍ നിങ്ങള്‍ക്ക് ഫലം ലഭിക്കും എന്ന് പറയുന്നില്ല. അതുപോലെ, നല്ല കറ്റാര്‍വാഴ ജെല്‍ ഉപയോഗിക്കാന്‍ ശ്രദ്ധിക്കുക. ശുദ്ധമായ കറ്റാര്‍വാഴ ജെല്‍ ഉപയോഗിച്ചാല്‍ കൂടുതല്‍ ഗുണം നല്‍കുന്നതിന് ഇത് സഹായിക്കും.

ഇത് മുഖത്ത് മാത്രമല്ല, കൈകാലുകളിലും ചുണ്ടിലും പുരട്ടാവുന്നതാണ്. അതുപോലെ, ഇത് പുരട്ടിയാല്‍ മൊത്തത്തില്‍ നല്ല നിറം വെക്കും എന്ന് വിശ്വസിക്കരുത്. ചര്‍മ്മ പ്രശ്‌നങ്ങള്‍ മാറ്റാനും ചര്‍മ്മത്തിന് നല്ല തിളക്കവും ഒരേ ചര്‍മ്മ കാന്തിയും ഇത് നല്‍കും. മുന്‍പത്തേക്കാള്‍ കുറച്ച് നിറം നല്‍കാനും ഇത് സഹായിക്കും.

English Summary: Beetroot Beauty Gel for Skin