കുടകൊണ്ടു മുഖം മറച്ച് അമൃത്പാൽ സിങ്, സിസിടിവി ദൃശ്യങ്ങൾ പുറത്ത്; ഹരിയാനയിൽ അഭയം നൽകിയ സ്ത്രീ അറസ്റ്റിൽ

അതിനിടെ, അമൃത്പാൽ അമൃത്സറിലെ ജല്ലുപുർ ഖേരയിലുള്ള തൻ്റെ ഗ്രാമത്തിൽ വെടിവെപ്പ് പരിശീലന കേന്ദ്രം സജ്ജീകരിച്ചിരുന്നതായി പഞ്ചാബ് പോലീസ് കണ്ടെത്തി. ആയുധപരിശീലനം അടക്കം നൽകാനായി അനന്ദ്പുർ ഖൽസ ഫൗജ് എന്ന പേരിൽ രൂപീകരിച്ച സായുധസേനയുടെ ചിത്രങ്ങളും പോലീസ് കണ്ടെത്തി. അറസ്റ്റിലായ അമൃത്പാലിൻ്റെ ഗൺമാൻ തേജീന്ദർ സിങ് ഗിൽ എന്ന ഗോർഖ ബാബയിൽനിന്നു പിടിച്ചെടുത്ത ഫോണിൽനിന്നാണ് പോലീസിനു ചിത്രങ്ങൾ ലഭിച്ചതെന്ന് ഐജി സുഖ്ച്ചെയിൻ സിങ് ഗിൽ അറിയിച്ചു.

സംഭവവുമായി ബന്ധപ്പെട്ടു ഇതുവരെ 207 പേരാണ് കസ്റ്റഡിയിലായിരിക്കുന്നത്. ഇതിൽ 177 പേരും കരുതൽ തടങ്കലിലാണ്. പാലം വഴി സത്‍ലജ് നദി കടന്നു ലുധിയാനയിൽ എത്തിയ അമൃത്പാൽ ഹരിയാനയിലെ കുരുക്ഷേത്രയിൽ എത്തിയെന്നും അവിടെനിന്നു സ്കൂട്ടറിൽ ഷാഹാബാദിൽ എത്തുകയായിരുന്നുവെന്നും പോലീസ് വ്യക്തമാക്കി.

മാനഷ്ടക്കേസിൽ കുറ്റക്കാരൻ; രാഹുൽ ഗാന്ധിക്ക് രണ്ട് വർഷം തടവും പിഴയും, ജാമ്യം നേടി

അറസ്റ്റു ചെയ്യാൻ പോലീസ് നീക്കം നടത്തിയതോടെ ശനിയാഴ്ചയാണ് അമൃത്പാൽ രക്ഷപ്പെട്ടത്. 12 മണിക്കൂറിനിടെ അഞ്ചു വാഹനങ്ങൾ മാറിയാണ് ഇയാൾ അതിശക്തമായ പോലീസ് നിരീക്ഷണം മറികടന്നു കടന്നുകളഞ്ഞത്. വേഷം മാറാൻ സാധ്യതയുണ്ടെന്ന റിപ്പോർട്ടിനെ തുടർന്നു അമൃത്പാലിൻ്റെ വിവിധ രൂപത്തിലുള്ള ചിത്രങ്ങൾ പോലീസ് പുറത്തുവിട്ടിരുന്നു. അമൃത്‍പാലിൻ്റെ നേതൃത്വത്തിൽ പാകിസ്ഥാനിൽനിന്ന് ആയുധങ്ങൾ ശേഖരിച്ചിരുന്നുവെന്നും പഞ്ചാബിനെ വർഗീയമായി വിഭജിക്കാനുള്ള ശ്രമങ്ങൾ നടത്തിയിരുന്നതായുമാണ് ഇൻ്റലിജൻസ് റിപ്പോർട്ട്.

Read Latest National News and Malayalam News