മൂന്ന് ദിവസം ഇടിമിന്നലോട് കൂടിയ മഴയ്ക്ക് മുന്നറിയിപ്പ്; ഉയർന്ന തിരമാലയ്ക്കും കടലാക്രമണത്തിനും സാധ്യത

തിരുവനന്തപുരം: സംസ്ഥാനത്ത് വരും ദിവസങ്ങളിൽ മഴയ്ക്ക് സാധ്യതയുണ്ടെന്ന് മുന്നറിയിപ്പ്. ഇന്ന് മുതൽ ഞായറാഴ്ച (26-03-2023) വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കൻ കേരളത്തിലെ കിഴക്കൻ മേഖലകളിലാണ് കൂടുതൽ സാധ്യതയെന്നാണ് റിപ്പോർട്ടുകൾ.

സോഷ്യൽ മീഡിയയിൽ പരസ്യം നൽകി ആളെ കണ്ടെത്തും, ചികിത്സ നടത്തും; വ്യാജ ചികിത്സ നടത്തിയവർ പിടിയിൽ

മഴ സാധ്യത നിലനിൽക്കുന്നതിൽ കേരള തീരത്ത് ഇന്ന് രാത്രി 11.30 വരെ 0.5 മുതൽ 1.0 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. ഈ സാഹചര്യത്തിൽ മൽസ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് നിർദേശം നൽകി.

അധ്യാപികയുടെ മരണ കാരണം തലയ്ക്കേറ്റ ക്ഷതം

തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് ഇന്നലെ അറിയിച്ചിരുന്നു. സംസ്ഥാനത്തെ വിവിധ ജില്ലകളിൽ ഒറ്റപ്പെട്ട മഴ ലഭിക്കുന്നുണ്ട്.

വേനല്‍ മഴയ്‌ക്കൊപ്പം ഹൈറേഞ്ചിന്റെ വിവിധ മേഖലകളില്‍ അതിശക്തമായ ആലിപ്പഴം വീഴ്ചയാണ് ഉണ്ടായി. വേനൽ മഴയ്ക്കൊപ്പം വൻതോതിൽ ഹൈറേഞ്ചിന്റെ വിവിധ മേഖലകളിൽ വൻതോതിൽ ആലിപ്പഴം പെയ്തിറങ്ങുകയായിരുന്നു. വലിയ ആലിപ്പഴങ്ങൾ ശക്തമായി പതിച്ച്, ഏല ചെടികൾക്ക് നാശ നഷ്ടം ഉണ്ടായി. വേനൽ മഴയിൽ നെടുങ്കണ്ടം പാലാറിൽ ഒരു വീട് ഭാഗികമായി തകർന്നു.

കള്ള് കുടിക്കുന്ന റീൽസ് ചെയ്തതിൻ്റെ പേരിൽ യുവതിയുടെ അറസ്റ്റ്; സോഷ്യൽ മീഡിയയിൽ ഏറ്റുമുട്ടൽ, നടപടി അബ്കാരി നിയമ പ്രകാരമെന്ന് എക്സൈസ്

മത്സ്യത്തൊഴിലാളികൾക്കും തീരദേശവാസികൾക്കുമുള്ള മുന്നറിയിപ്പ്

1. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം.

2. മൽസ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.

3. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക.