മക്കയിലെ ഗ്രാന്റ് മസ്ജിദിൽ ഇഅ്തികാഫിനായുള്ള രജിസ്ട്രേഷൻ ആരംഭിച്ചു. അനുവദീനയമായ ആളുകളുടെ എണ്ണം ആകുന്നത് വരെ രജിസ്ട്രേഷൻ തുടരുമെന്ന് അധികൃതർ വ്യക്തമാക്കി. സുസുക്ക് ആപ്പ് വഴി രജിസ്ട്രേഷൻ ചെയ്യാൻ സാധിക്കും. ഒരു മസ്ജിദിൽ നിന്ന് പുറത്ത് പോകാതെ ആരാധന കർമങ്ങളിൽ മുഴുകുന്ന രീതിയാണ് ഇഅദ്തികാഫ്.
ഹൈലൈറ്റ്:
- മക്കയിലെ ഗ്രാന്റ് മസ്ജിദിൽ ഇഅ്തികാഫിനായുള്ള രജിസ്ട്രേഷൻ ആരംഭിച്ചു
- സുസുക് ആപ്പ് വഴി രജിസ്ട്രേഷൻ നടത്താം
- ഗ്രാന്റ് മസ്ജിദിൽ പ്രത്യേക ഇരിപ്പിടങ്ങൾ
‘നിങ്ങളുടെ ഇഅ്തികാഫ് അംഗീകരിക്കാനും വിശ്വാസത്തിന്റെ സുസ്ഥിരമായ അന്തരീക്ഷത്തിൽ അത് നിർവഹിക്കുന്നത് എളുപ്പമാക്കാനും രജിസ്റ്റർ ചെയ്യുക,’ എന്ന് ഏജൻസി ട്വിറ്ററിൽ പറഞ്ഞു. രജിസ്ട്രേഷൻ നുസുക്ക് ആപ്പ് വഴി ലഭ്യമാണെന്നും പ്രസിഡൻസി വ്യക്തമാക്കി. മുഹമ്മദ് നബി (സ)യുടെ മാതൃക പിൻപറ്റിക്കൊണ്ട് ഒരു മുസ്ലീം പള്ളിയിൽ നിന്ന് പുറത്തു പോവാതെ അവിടെ തന്നെ താമസിക്കുകയും ആരാധനാ കർമങ്ങളിൽ വ്യാപൃതനാവുന്നതുമായ രീതിയാണ് ഇഅ്തികാഫ് എന്നത് കൊണ്ട് ഉദ്ദേശിക്കുന്നത്. റമദാനിലെ അവസാന പത്ത് ദിവസങ്ങളിലാണ് സാധാരണയായി വിശ്വാസികൾ ഇഅ്തികാഫ് ഇരിക്കാറുള്ളത്. ഗ്രാൻഡ് മസ്ജിദിലെ പ്രത്യേക സ്ഥലങ്ങൾ ഇതിനായി തയ്യാറാക്കിയിട്ടുണ്ടെന്ന് ഇഅ്തികാഫ് സേവനങ്ങളുടെ ചുമതലയുള്ള കമ്മിറ്റി അറിയിച്ചു.
1200 വർഷം പഴക്കം ; റിയാദിലെ ചെമ്പ് നാണയം ഇവിടെയും
റമദാനിലെ പ്രവർത്തന പദ്ധതിയുടെ ഭാഗമായി ഗ്രാൻഡ് മോസ്‌കിലെ സൈറ്റുകളിൽ ഏകദേശം 2,500 പേർക്ക് ഇഅ്തികാഫ് ഇരിക്കുന്നവർക്കായി സൗകര്യം ഒരുക്കിയതായി ജനറൽ പ്രസിഡൻസി തലവൻ അബ്ദുൾ റഹ്മാൻ അൽ സുദൈസ് പറഞ്ഞിരുന്നു. കൊവിഡ് കാലത്ത് സുരക്ഷാ കാരണങ്ങളാൽ നിർത്തിവച്ചിരുന്ന ഇഅ്തികാഫ് കഴിഞ്ഞ വർഷം മുതലാണ് അധികൃതർ വീണ്ടും അനുവദിച്ചത്.
മക്കയിലെ തീര്‍ഥാടന കേന്ദ്രങ്ങളില്‍ ഭിക്ഷാടനം നടത്തുന്നവരെ നേരിടാന്‍ കര്‍ശന നടപടികളുമായി സുരക്ഷാ വിഭാഗം
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
