Authored by Mary Margret | Samayam Malayalam | Updated: 24 Mar 2023, 10:28 am
ഹജ്ജ്, ഉംറ തീര്‍ഥാടകരുടെ സൗകര്യവും സുരക്ഷയും ഉറപ്പാക്കാനുള്ള എല്ലാവിധ ശ്രമങ്ങളും സൗദി അറേബ്യ നടത്തുന്നതായി സല്‍മാന്‍ രാജാവ് അറിയിച്ചു.
വിശുദ്ധ റമദാനില്‍ അവസാനിക്കുന്ന ഏറ്റവും ഉയര്‍ന്ന വാര്‍ഷിക ഉംറ സീസണിനായുള്ള ആഭ്യന്തര മന്ത്രാലയത്തിന്‍റെ പദ്ധതികളെ കുറിച്ചും തയ്യാറെടുപ്പുകളെ കുറിച്ചും അല്‍ ബസ്സാമിയും മറ്റ് മുതിര്‍ന്ന സുരക്ഷാ ഉദ്യോഗസ്ഥരും സംസാരിച്ചു. ഡയറക്ടര്‍ ജനറല്‍ ഓഫ് സിവില്‍ ഡിഫന്‍സ് മേജര്‍ ജനറല്‍ ഹമൂദ് അല്‍ ഫറജ്, പാസ്പോര്‍ട്ട് ഡെപ്യൂട്ടി ഡയറക്ടര്‍ ജനറല്‍ മേജര്‍ ജനറല്‍ സാലിഹ് അല്‍ മുറബ്ബ എന്നിവരും പരിപാടിയില്‍ പങ്കെടുത്തു. 1444 ലെ ഉംറ സുരക്ഷാ പദ്ധതിയില്‍ ജനക്കൂട്ടത്തെ നിയന്ത്രിക്കല്‍, ട്രാഫിക് നിയന്ത്രണം, മാനുഷിക സേവനങ്ങള്‍ നല്‍കല്‍ തുടങ്ങിയ സുരക്ഷാ പ്രധാന വശങ്ങള്‍ ഉള്‍പ്പെടുന്നതായി അദ്ദേഹം പറഞ്ഞു. കൂടാതെ ഹ്യൂമന്‍ റിസോഴ്‌സസ് പ്ലാന്‍ നടപ്പിലാക്കുന്നതില്‍ പങ്കാളികളായ സ്ഥാപനങ്ങളെ പിന്തുണയ്ക്കുകയും ശാക്തീകരിക്കുകയും ആവശ്യമായ സൗകര്യങ്ങള്‍ ലഭ്യമാക്കുകയും ചെയ്യുന്നു. ഉംറ തീര്‍ഥാടകരുടെയും സന്ദര്‍ശകരുടെയും വന്‍ തിരക്കിന് സാക്ഷ്യം വഹിക്കുന്ന എല്ലാ സൈറ്റുകളിലും ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് അതിന്‍റെ ഒരുക്കങ്ങള്‍ പൂര്‍ത്തിയാക്കിയതായി മേജര്‍ ജനറല്‍ അല്‍ ഫറജ് പറഞ്ഞു.
അതിനിടെ, ഹജ്ജ്, ഉംറ തീര്‍ഥാടകരുടെ സൗകര്യവും സുരക്ഷയും ഉറപ്പാക്കാനുള്ള എല്ലാവിധ ശ്രമങ്ങളും സൗദി അറേബ്യ നടത്തുന്നതായി രണ്ട് വിശുദ്ധ മസ്ജിദുകളുടെ സൂക്ഷിപ്പുകാരനും സൗദി ഭരണാധികാരിയുമായ സല്‍മാന്‍ രാജാവ് അറിയിച്ചു. വിശുദ്ധ റമദാന്‍ മാസത്തില്‍ സൗദി പൗരന്മാര്‍ക്കും പ്രവാസികള്‍ക്കും ലോകമെമ്പാടുമുള്ള മുസ്ലീങ്ങള്‍ക്കും നല്‍കിയ ആശംസാ സന്ദേശത്തിലാണ് അദ്ദേഹം ഇക്കാര്യം വ്യക്തമാക്കിയത്. ദൃശ്യവും അദൃശ്യവുമായ സമൃദ്ധമായ അനുഗ്രഹങ്ങള്‍ അടങ്ങിയ റമദാനിനെ വീണ്ടും വരവേല്‍ക്കാനായതില്‍ ദൈവത്തിന് നന്ദി പറയുന്നു. ആ അനുഗ്രഹങ്ങളില്‍ ഏറ്റവും ഉയര്‍ന്നത് അവനാണ്. ഈ അനുഗ്രഹീത രാജ്യം മുസ്ലിംകളുടെ പുണ്യ ഗ്രന്ഥമായ വിശുദ്ധ ഖുര്‍ആനിന്‍റെ വെളിപാട് സ്ഥലമായും അവര്‍ പ്രാര്‍ഥിക്കുമ്പോള്‍ അഭിമുഖീകരിക്കുന്ന ദിശയായ ഖിബ്‌ലയായും അവന്‍ തെരഞ്ഞെടുത്തുവെന്നും അദ്ദേഹം പറഞ്ഞു.
Also Read: കുവൈറ്റിലെ പ്രവാസി ജനസംഖ്യയില്‍ ഏറ്റവും കൂടുതല്‍ ഇന്ത്യക്കാര്‍; ഈജിപ്തുകാര്‍ രണ്ടാം സ്ഥാനത്ത്
ലോക മുസ്ലിംകളുടെ തീര്‍ഥാടകരുടെ സുരക്ഷിതത്വവും സൗകര്യവും ഉറപ്പുവരുത്തുന്നതിലും ഈ അനുഗ്രഹീത രാജ്യത്തിലെത്തിയതു മുതല്‍ അവര്‍ തിരികെ പോകുന്നത് വരെ അവരുടെ ആചാരങ്ങള്‍ അനുഷ്ഠിക്കുന്നതിനുള്ള എല്ലാ സൗകര്യങ്ങളും സേവനങ്ങളും നല്‍കുന്നതിലും സൗദി അറേബ്യ ഒരു ശ്രമവും ഉപേക്ഷിക്കുന്നില്ലെന്നും രാജാവ് ഊന്നിപ്പറഞ്ഞു. നന്മകള്‍ വര്‍ദ്ധിപ്പിക്കാനും ബന്ധുബന്ധങ്ങള്‍ ശക്തിപ്പെടുത്താനും എല്ലാ തിന്മകളില്‍ നിന്നും ശുദ്ധീകരിക്കാനുമുള്ള അനുഗ്രഹീതമായ കാലമാണ് റമദാന്‍ മാസം. അതിനാല്‍ റമദാനിലെ അനുഗ്രഹീതമായ ദിനരാത്രങ്ങള്‍ അവനെ അനുസരിക്കാന്‍ വിശ്വാസികളെ പ്രാപ്തരാക്കണമെന്ന് ഞാന്‍ സര്‍വ്വശക്തനായ ദൈവത്തോട് പ്രാര്‍ഥിക്കുന്നു. അവര്‍ക്ക് ജീവിതത്തില്‍ വിജയം ശാശ്വതമാക്കാനും സൗദി അറേബ്യയെയും ലോകത്തെ മുഴുവന്‍ തിന്മകളില്‍ നിന്നും സംരക്ഷിക്കാനും പ്രാര്‍ഥിക്കുന്നതായും അദ്ദേഹം പറഞ്ഞു.
Read Latest Gulf News and Malayalam News
പിടിച്ചെടുത്തത് രണ്ടേകാല്‍ കിലോഗ്രാമോളം സ്വര്‍ണം | Gold
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
