ഇരിക്കുന്നത് ശ്രദ്ധിക്കുക
ശരിയായ രീതിയിൽ ഇരിക്കുന്നതാണ് മറ്റൊരു പ്രധാന കാര്യം. ജോലി ചെയ്യുമ്പോൾ ശരിരായ ഇരിപ്പ് രീതി പിന്തുണ്ടേരത് വളരെ പ്രധാനമാണ്. ദീർഘനേരം മേശപ്പുറത്ത് ലാപ്‌ടോപ്പ് വച്ച് ഇരുന്ന് ജോലി ചെയ്യുമ്പോൾ നടുവേദന കൂടുതൽ രൂക്ഷമായേക്കാം. കമ്പ്യൂട്ടറിൽ ജോലി ചെയ്യുമ്പോൾ നിങ്ങളുടെ താടി മുകളിലേക്ക് ചരിക്കുന്നത് ഒഴിവാക്കാൻ, സ്‌ക്രീൻ കണ്ണ് തലത്തിൽ സ്ഥാപിക്കുക. ഒരു ലാപ്‌ടോപ്പ് ഉപയോഗിക്കുമ്പോൾ, അത് കണ്ണിന്റെ തലത്തിലേക്ക് ഉയർത്തി ഒരു ബാഹ്യ കീബോർഡും മൗസും സ്ഥാപിക്കുക, അങ്ങനെ നിങ്ങളുടെ കൈമുട്ടുകൾക്ക് 90 ഡിഗ്രി കോണിൽ വിശ്രമിക്കാൻ കഴിയും.
വ്യായാമം ഇല്ലായ്മ
ദൈനംദിന ജീവിതത്തിൽ വ്യായാമം ചെയ്യേണ്ടത് വളരെ പ്രധാനമാണെന്ന് എല്ലാവർക്കുമറിയാം. പക്ഷെ കഠിനമായ വ്യായാമം ചെയ്യാൻ കഴിയാത്തവരോ താത്പര്യമില്ലാത്തവരോ ആണെങ്കിൽ തീർച്ചയായും ശരീരം സജീവമാക്കി വയ്ക്കാ നെങ്കിലും ശ്രമിക്കണം. യോഗയോ അല്ലെങ്കിൽ ചെറിയ ചില സ്ട്രെച്ചുകളൊക്കെ ചെയ്ത് ശരീരത്തെ സജീവമാക്കാം. വ്യായാമവും വെള്ളം കുടിക്കുന്നതുമാണ് കൃത്യമായ ജീവിതശൈലിയിൽ നിർണായകമായ പങ്ക് വഹിക്കുന്ന രണ്ട് കാര്യങ്ങൾ. വ്യായാമം വിട്ടുമാറാത്ത രോഗങ്ങൾ വരാനുള്ള സാധ്യത കുറയ്ക്കുന്നു. ഇത് മാത്രമല്ല മാനസികാവസ്ഥ ഉയർത്തുന്നു, ആരോഗ്യകരമായ ഭാരം നിലനിർത്താൻ സഹായിക്കുന്നതിന് പുറമേ കൂടുതൽ ഊർജ്ജം നൽകുന്നു. നേരെമറിച്ച്, വെള്ളം കുടിക്കുന്നത് നിങ്ങളുടെ ശരീരത്തെ ജലാംശം നിലനിർത്താൻ സഹായിക്കുന്നു, ദഹനത്തെ പിന്തുണയ്ക്കുന്നു, മലിനീകരണം നീക്കം ചെയ്യുന്നു.
ഭാരം നിയന്ത്രിക്കുക
ഒരു ബാഗോ ഹാൻഡ്‌ബാഗോ കൊണ്ടുപോകുമ്പോൾ നിങ്ങളുടെ ശരീരഭാരത്തിന്റെ 10 ശതമാനത്തിൽ കൂടുതൽ കൊണ്ടുപോകുന്നില്ലെന്ന് ഉറപ്പാക്കുക. ഭാരമേറിയ സാധനങ്ങൾ കൊണ്ടുപോകണമെങ്കിൽ ബാഗിന്റെ അടിയിൽ വയ്ക്കുക. ഒരേ തോളിൽ തന്നെ ഇടാതെ ഇടയ്ക്ക് അങ്ങോട്ടും ഇങ്ങോട്ടും മാറ്റാനും ശ്രമിക്കണം. കൂടുതൽ നേരം തോളിൽ ഭാരം തൂക്കി നിൽക്കുന്നതും പലപ്പോഴും നടുവേദനയ്ക്ക് പ്രധാന കാരണമാകാറുണ്ട്.
കുനിഞ്ഞ് ഇരിക്കുന്നത്
എപ്പോഴും കുനിഞ്ഞ് ഇരിക്കുന്നത് പലപ്പോഴും നടുവേദനയ്ക്ക് കാരണമാകും. തോളുകൾക്ക് സപ്പോർട്ട് നൽകി വേണം എപ്പോഴും നിൽക്കാനും ഇരിക്കാനും. ഇരിക്കുമ്പോൾ ചെവികൾ എപ്പോഴും അരക്കെട്ടിൻ്റെ നേരെ ആയിരിക്കണം. പലപ്പോഴും ശരിയായി ഇരിക്കാത്തത് വ്യായാമം ചെയ്യാനും ഉദാസീനമായ ജീവിതശൈലി നയിക്കാനുമുള്ള കാരണമായേക്കാം. ഇത് നടുവിലെ അസ്വസ്ഥത, വഴക്കം കുറയുക, നട്ടെല്ല് ഡിസ്കിന്റെ പ്രശ്നങ്ങൾ, ചലനാത്മകത എന്നിവയ്ക്കും കാരണമാകുന്നു.
Also Read: ഈ പോഷകക്കുറവ് സ്ത്രീകളെ ബാധിക്കുന്നത് ഇങ്ങനെ, ഡോക്ടർ പറയുന്നത്
കിടക്ക ശ്രദ്ധിക്കാം
കിടക്കാൻ ഉപയോഗിക്കുന്ന മെത്തയ്ക്കും നടുവേദനയിൽ വലിയ പങ്ക് വഹിക്കുന്നുണ്ട്. മോശം നിലവാരമുള്ള മെത്തയിൽ ഉറങ്ങുന്നത് നടുവേദനയ്ക്കൊരു പ്രധാന കാരണമായേക്കാം. റ്റായ നട്ടെല്ല് വിന്യാസവും അസമമായ ശരീരഭാരം വിതരണവുമാണത്തിനും ഇത് കാരണമാകാറുണ്ട്. നടുവേദനയ്ക്ക് അനുയോജ്യമായ ഒരു മെത്ത തിരഞ്ഞെടുക്കുന്നത് നടുവിന് കൂടുതൽ പിന്തുണ ലഭിക്കാനും അതുപോലെ ആശ്വാസം നൽകാനും സഹായിക്കും. ഗാഢവും ശാന്തവുമായ ഉറക്കം ഉറപ്പാക്കുന്നതിനും അതുപോലെ നടുവേദന തടയുന്നതിനും ഉയർന്ന നിലവാരമുള്ള മെത്തയിൽ പണം ചെലവഴിക്കുന്നത് നിർണായകമാണ്.
English Summary: Back pain causes
Disclaimer: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. ഏതെങ്കിലും തരത്തിലുള്ള ബുദ്ധിമുട്ടുകൾ ഉള്ളവർ ഡോക്ടറുടെ നിർദേശപ്രകാരം മാത്രം പ്രവർത്തിക്കുക.
കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.
