സ്ത്രീകളിലെ ഉല്‍പാദനേന്ദ്രിയത്തെ ക്ഷയം ഒരു തരത്തില്‍ ക്ഷയരോഗത്തിന്റെ ഗണത്തില്‍ തന്നെയാണ് ഉള്‍പ്പെടുത്തുന്നത്. ഇത് സ്ത്രീകളുടെ പ്രത്യുല്‍പാദന അവയവങ്ങളെയാണ് പ്രധാനമായും ബാധിക്കുന്നത്. ഈ ക്ഷയം സ്ത്രീകളുടെ അണ്ഡാശയ വാഹിനിയേയും ബാധിക്കാന്‍ സാധ്യത വളരെ കൂടുതലാണ്.
അണ്ഡവാഹിനിയെ മാത്രമല്ല, യോനി, സെര്‍വിക്‌സ്, അണ്ഡകോശം, യൂട്ടെറൈന്‍ ലൈന്‍ എന്നിവയെ എല്ലാം തന്നെ ഇത് ബാധിക്കുന്നതാണ്.
(വിവരങ്ങള്‍ക്ക് കടപ്പാട്: Dr Ratna Saxena, IVF Specialist in Bijwasan, Nova IVF Fertiltiy)
പ്രത്യുല്പാദനക്ഷമതയെ എങ്ങിനെ ബാധിക്കുന്നു
ക്ഷയം ശ്വാസകോശത്തെ മാത്രമല്ല, ചിലപ്പോള്‍ വൃക്കയെ ബാധിക്കാം. അതുപോലെ, തലച്ചോറിനെ, പെല്‍വിക് എന്നിവയെ എല്ലാം തന്നെ ക്ഷയം ബാധിക്കാം. സ്ത്രീകളില്‍ ആണെങ്കില്‍ ഇത് അണ്ഡവാഹിനിയേയും അതുപോലെ ഗര്‍ഭാശയത്തേയുമെല്ലാം ബാധിക്കുന്നു. കൂടാതെ, എന്‍ഡോമെട്രിയം ലൈനിനേയും ബാധിക്കുന്നതിനാല്‍ തന്നെ ഇതിനെ ആഷെര്‍മാന്‍സ് സിന്‍ഡ്രോം( Asherman’s Syndrome) എന്നും അറിയപ്പെടുന്നു.
അണ്ഡവാഹിനിയിലാണ് ഈ ക്ഷയം ബാധിക്കുന്നതെങ്കില്‍ അണ്ഡവാഹിനി അടഞ്ഞ് പോകുന്നതിന് ഇത് കാരണമാകുന്നു. അതുപോലെ, യൂട്ടെറൈന്‍ ലൈനില്‍ ബാധിച്ചാല്‍ ആര്‍ത്തവത്തില്‍ വ്യതിയാനം ഉണ്ടാകുന്നതിനും ഇത് കാരണമാകുന്നുണ്ട്.
പ്രത്യുല്‍പ്പാദനശേഷിയെ ബാധിക്കുന്ന ഈ ക്ഷയം തുടക്കത്തില്‍ തന്നെ കണ്ടെത്താന്‍ സാധിച്ചില്ലെങ്കില്‍ ഇത് ഒരു സൈലന്റ് കില്ലര്‍ പോലെ ശരീരത്തില്‍ പ്രവര്‍ത്തിക്കും. നങ്ങള്‍ ഈ അസുഖത്തെ കൃത്യമായി ചികിത്സിച്ചില്ലെങ്കില്‍ മാസം തെറ്റി പ്രസവിക്കുക, അതുപോലെ, കുട്ടിക്ക് തൂക്കക്കുറവ് എന്നീ പ്രശ്‌നങ്ങളും നേരിടാന് സാധ്യത കൂടുതലാണ്.
എങ്ങിനെ കണ്ടെത്താം
സ്ത്രീകള്‍ക്ക് പൊതുവില്‍ കണ്ട് വരുന്ന പ്രത്യുല്‍പാദനത്തെ ബാധിക്കുന്ന മറ്റ് രോഗങ്ങളുടെ പോലെ തന്നെയാണ് ഈ രോഗവും കണ്ട് വരുന്നത്. ഈ രോഗം ബാധിച്ച സ്ത്രീകളില്‍ ശരീരഭാരം കുറയുകയും അമിതമായി ക്ഷീണം, പെല്‍വിക് പെയ്ന്‍, രക്തസ്രാവം, വെള്ളപോക്്, പനി, ഇടയ്ക്കിടയ്ക്ക് ആര്‍ത്തവം വരുന്നത് എല്ലാം തന്നെ ലക്ഷണങ്ങളാണ്.
ചില സ്ത്രീകളില്‍ ആണെങ്കില്‍ വെള്ളപോക്കിന്റെ കൂടെ രക്തവും അതുപോലെ, ശാരീരിക ബന്ധത്തില്‍ ഏര്‍പ്പെടുമ്പോള്‍ രക്തവുമെല്ലാം കാണപ്പെടുന്നു.
ഈ രോഗം കണ്ടുപിടിക്കുന്നതിനായി ചില മാര്‍ഗ്ഗങ്ങളുണ്ട്. അതില്‍ ആദ്യത്തേത് ട്യൂബര്‍ക്യൂലൈന്‍ സ്‌കിന്‍ ടെസ്റ്റ്. ഇതിലൂടെ ഒരു ചെറിയ അളവില്‍ ക്ഷയത്തിനെതിരെയുള്ള ആന്റിജന്‍ കുത്തി വെക്കുന്നു. ചര്‍മ്മത്തിന്റെ അടിയിലായാണ് ഇത് കുത്തി വെക്കുക. അതിന് ശേഷം ശരീരത്തില്‍ ഉണ്ടാകുന്ന റിയാക്ഷന്‍ ശ്രദ്ധിക്കും. അതുപോലെ, സിടി സ്‌കാന്‍, എക്‌സ്‌റേ, എന്‍ഡോമെട്രിയല്‍ ബയോപ്‌സീസ് എന്നിവയും കണ്ടെത്താന്‍ ഉപയോഗിക്കാറുണ്ട്.
ചികിത്സാരീതി
തുടക്കത്തില്‍ തന്നെ ഈ രോഗം കണ്ടെത്തിയാല്‍ പ്രത്യുല്‍പാദനത്തെ അധികം ബാധിക്കാതെ തന്നെ ഇത് മാറ്റി എടുക്കാന്‍ സാധിക്കുന്നതാണ്. കണ്ടെത്താന്‍ വൈകും തോറും ഇതിന്റെ പ്രശ്‌നങ്ങളും കൂടും.
ലോകാരോഗ്യ സംഘടനയുടെ അഭിപ്രായത്തില്‍ ക്ഷയരോഗം ഉള്ളവര്‍ ഒരു ആറ് മാസത്തേക്ക് Rifampicin, രണ്ട് മാസത്തേക്ക് Isoniazid, Ethambutol, Pyrazinamide, അതുപോലെ, നാല് മാസം HR എന്നിങ്ങനെ പിന്തുടരണം.
അതുപോലെ, സ്ത്രീകളിലെ ഇത്തരം ക്ഷയ കുറയ്ക്കുന്നതിനായി പലതരത്തിലുള്ള മരുന്നുകള്‍ ഉപയോഗിച്ച് തെറാപ്പി ചെയ്യാവുന്നതാണ്. ഇതില്‍ തന്നെ പ്രധാപ്പെട്ടതാണ് Vitro Fertilization and Embryo Transfer. യൂട്ടെറൈന്‍ ലൈന്‍ കട്ടി കുറഞ്ഞിരിക്കുന്നവരില്‍ Hysteroscopy ആണ് ചെയ്യുന്നത്.
വരാതിരിക്കാന്‍
ആര്‍ത്തവത്തില്‍ ഉണ്ടാകുന്ന വ്യതിയാനം, അല്ലെങ്കില്‍ ലൈംഗികാവയവങ്ങളിലെ വീക്കം, വജൈനല്‍ ഡിസ്ചാര്‍ജില്‍ രക്തം കാണപ്പെടുന്നത്, ശാരീരിക ബന്ധത്തില്‍ ഏര്‍പ്പെട്ടതിന് ശേഷം വേദന അനുഭവപ്പെടുന്നത് എന്നിവയെല്ലാം മുന്‍കൂട്ടി ശ്രദ്ധിച്ച് ഡോക്ടറെ കണ്ടാല്‍ സ്ത്രീകളില്‍ ഈ രോഗം വരാതിരിക്കാന്‍ സഹായിക്കും.
വാക്‌സിന്‍ എടുക്കുന്നതും സുരക്ഷിതമായ ലൈംഗിക ബന്ധത്തില്‍ ഏര്‍പ്പെടുന്നതും നല്ല വെന്റിലേഷന്‍ ഉള്ളറൂമില്‍ ഇരിക്കുന്നതുമെല്ലാം ഈ അസുഖം വരാതിരിക്കാന്‍ സഹായിക്കുന്നതാണ്. പിന്നെ, ശദ്ധിക്കേണ്ട ഒരു പ്രധാന കാരണം എന്താണെന്ന് വെച്ചാല്‍ ക്ഷയത്തിനുള്ള വരുന്ന് കഴിച്ചാല്‍ അസുഖം മാര്‌റി കിട്ടുമെങ്കിലും ഗര്‍ഭപാത്രത്തിനും മറ്റും സംഭവിച്ച കേടുപാടുകള്‍ മാറ്റിയെടുക്കാന്‍ സാധിക്കുകയില്ല. അതിനാല്‍, ഇത് വരാതിരിക്കാന്‍ ശ്രദ്ധിക്കാം.
